好多人都會趁暑假去轉日本，shopping定食好野都好，去日本就最好！ 的確小小編都係鍾情日本~ 尤其日本美食! 講起夏天美食，有無諗過日本便利店都可以有驚喜美食？ 講緊係以下呢4款熱賣冰品呀~~~ 1.ガリガリ君 蘇打冰棒 ガリガリ君可以話係日本人由細食到大嘅經典雪條! 屬萬年不敗款。 最受歡迎嘅原味梳打 味道清爽，仲好脆好有咬口啊！ 重點係咩？價錢相當平! 只係70 yen 咋!（不含稅） 2.アイスの実 冰之果實 一粒粒似果實嘅雪糕，咬落去真係會爆果汁！唔太酸唔太甜，一啖一粒啱啱好~ 價格：126日幣（不含稅） 其實日本人真係創意無限~ 仲諗到多種冰之果實嘅食法! 可以加落汽水啦~又可以加落甜品~ 顏色好鮮豔真係好養眼呢~ 冰之果實一直都係日本嘅話題食品，因為佢一直有揾當紅嘅偶像代言~ 包括幾年前同AKB48嘅crossover! 用AKB48幾位當紅成員嘅五官 合成而做出呢位超級美女 江口愛實 仲起用呢個CG人物做當年嘅官方代言人! 咁搞鬼嘅合作 令當年冰之果實成功登上多個搜尋榜首位~ 近年仲有揾日本搞怪天后KPP拍廣告添! 3.蛋黃哥梳乎冰 ぐでぐでアイス 近排紅到發紫嘅蛋黃哥，唔只係香港嘅快餐店見到佢，日本嘅便利店都可以見到佢啦！ 價格：130（不含稅） 打開嚟睇，入面仲好似雞蛋咁!! 其實係芒果同芝士嘅雙重口味 4.金の抹茶アイス 金抹茶雪糕 抹茶控唔可以唔試嘅超香濃抹茶雪糕！(呢個真係超人氣~~) 用北海道原產嘅牛奶，宇治老店丸久小山園嘅抹茶，搭上沖繩出產嘅黑糖蜜，將抹茶嘅香味同苦澀發揮得淋漓盡至!!! 可以話係一杯雪糕食哂日本唔同地方嘅名產啊！ 令人興奮嘅抹茶綠色…. <3 話過你知，以上呢4款人氣雪糕係香港未有㗎! 暑假去日本嘅朋友~得閒去逛下便利店，買黎試下啦~ 放假去邊 […]
