每年都有唔少動漫迷會去大阪環球影城 Cool Japan 嘅活動~~ 嚟緊2018年~ 日本環球影城除咗有《名偵探柯南》同埋《魔物獵人》之外~ 仲會有《美少女戰士》、《Final Fantasy》加入添!! 聽落已經好期待! 眾所周知，「Universal Cool Japan」系列活動通常會結合 The Real 4-D、實景遊樂設施、真實逃脫遊戲~ 而2018年樂園仲會重磅加推以下四大人氣設施添!!! ——————— 最令人期待就梗係有深受少女喜愛嘅《美少女戰士》啦! 《美少女戰士 Sailor Moon: The Miracle 4-D》將於3月16日至6月24日推出，今次嘅全新原創遊戲…大家終於有機會變身成為美少女戰士，講出經典台詞「我要替月行道，儆惡懲奸」喇！ 除咗玩遊戲，仲可以擺返個經典pose影返張相做紀念~ 《美少女戰士》造型食物當然唔少得~ 1. 月亮麵包、露娜粟米湯、葡萄柚鮮蝦沙律。 2. 士多啤梨小蛋糕 3. 莓果、開心果、菠蘿打大蛋糕 4. 檸檬士多啤梨梳打 ——————— 之前有玩過《名偵探柯南》嘅朋友都應該體驗過呢個解謎遊戲係幾咁緊張刺激啦! 要喺限時之內解開炸彈真係唔簡單~ 唔知2018年嘅進化版又會係點嘅呢? ——————— 至於《魔物獵人》亦都會繼續出現喺2018年… 相信到時環球影城 Cool Japan又會為大家帶嚟一個不一樣嘅魔物獵人! ——————— 而新加入嘅「Final Fantasy XR飛車」亦都係唔可以錯過! 遊戲將會喺原先嘅VR飛車上加入XR科技所體現嘅重力感~~ 玩家一進入咗360度嘅「Final Fantasy世界」之後一定會有超真實嘅飛車體驗㗎!!! 陣容咁犀利~ 試問你仲點會有拒絕嚟玩嘅理由呢! *圖片來大阪usj網頁 日本大阪環球影城Cool Japan […]
