Open Tour
可麗餅做法非常簡單，而且大人同細路都鐘意食～ 今次就等日本YouTuber 「DELISH KITCHEN – デリッシュキッチン」示範用一分鐘時間，極速完成迷你士多啤梨可麗餅喇！ 迷你士多啤梨可麗餅 材料：雞蛋一隻、牛奶300毫升、班戟粉200克、士多啤梨1-2粒、香蕉1/4條、忌廉適量、朱古力醬適量 1. 打蛋，加入牛奶再攪勻 2. 加入班戟粉攪拌，注意唔好攪到起太多泡 3. 喺碟鋪上一塊保鮮膜，然後倒入麵團 4. 放入600W微波爐叮1分鐘 5. 喺餅皮上面加入忌廉，再鋪上切片嘅士多啤梨、香蕉，以及朱古力醬 6. 最後對摺三下就完成 影片來源：DELISH KITCHEN – デリッシュキッチン
朱古力甜品絕對令人難以抗拒！ 今次就等日本料理達人「DELISH KITCHEN – デリッシュキッチン」 示範製作成功率超高嘅「朱古力核桃蛋糕」喇！好食又易整！ 朱古力核桃蛋糕 材料：雞蛋一隻、日式鬆餅粉150克、朱古力200克、牛奶100毫升、無鹽牛油50克、烤核桃30克、可可粉三湯匙 工具：15 x 15cm方形蛋糕模具 1. 打蛋，再加入牛奶攪勻 2. 用篩網隔住加入日式鬆餅粉及可可粉，然後攪拌至糊狀 3. 加入已融化嘅牛油同切粒核桃，再混合 4. 將材料放入方形蛋糕模具，上面放上朱古力 5. 最後放入已預熱170度嘅焗爐，大約25分鐘就完成（注意每個焗爐火力不一，可以自行調整時間） 影片來源：DELISH KITCHEN – デリッシュキッチン
