日本嘅環球影城可謂係每個遊客必去景點之一， 有刺激嘅機動遊戲，都有特色公仔、首飾等， 今次重新開園就推出最新五款「爆谷桶」，有齊Minions、Snoopy、Elmo款款都萌到爆！ 「永遠在一起！Bob＆Tim爆谷桶」 唔知你仲唔記唔記得Minions入面呀Bob成日都抱著嘅小熊Tim呢，出雙入對嘅佢地今次再度成為爆谷桶嘅主角~ [instagram photo=”CBLRG-egs0k”][/instagram] 今次全新嘅爆谷桶造型仿效佢地坐喺到嘅樣子，直望著你雙眼，見到個心都融化！ 爆谷桶價錢為3500日元，分別有奶油與焦糖味~ 「Snoopy爆谷桶」 今次推出嘅Snoopy爆谷桶唔止得史努比一個！仲有佢最愛嘅小鳥好朋友Woodstock，配上右腳嘅「LOVE」字樣，一整個超有愛！ [instagram photo=”B3YJLdpJrLI”][/instagram] [instagram photo=”B35dIhODAT4″][/instagram] Snoopy爆谷桶售3000日元，分別有鹹味及焦糖味，可以望住咁可愛嘅Snoopy，爆谷都變得特別甜XD 「Elmo Drive爆谷桶」 今次Elmo唔係以毛絨絨嘅姿態出場，佢化身座騎「Elmo Dive」嚟同大家見面~ 今次推出嘅Elmo Drive售1,900日元，味道就係焦糖味啦！ 「國王Minion爆谷桶」 除咗簡單可愛嘅經典造型Minion之外，仲有呢款King Bob Minion嘅爆谷桶都好可愛 雖然Bob披上咗紅色皇袍，都難掩個種可愛！ King Bob爆谷桶售3500日元，有海鹽焦糖味及香蕉味~ 「海盜Minion爆谷桶」 如果睇厭咗可愛Minion樣，呢款海盜Minion夠哂新鮮！ 呀Bob嘴藐藐咁，真品嘅爆谷桶Minion仲真係舉起咗長劍，超像真！ 海盜版爆谷桶售3200日元，只有一種焦糖味選擇~
