Open Tour
深受人愛戴嘅維尼又出嚟啦！ 今次由FamilyMart推出「小熊維尼系列商品」，只要喺FamilyMart儲滿指定點數就能夠加購商品~ 首先一定要提嘅就係呢個可愛度100分嘅「維尼與蜂蜜罐造型藍牙喇叭」，超立體嘅設計，仲要係藍牙喇叭，CP值滿分~ 其次就係而家好多人都會買嘅AirPods保護套，每次聽歌之前都可以見到可愛嘅Pooh仔！ 造型指環扣不單有小熊維尼，更加有同樣受歡迎嘅Piglet豬仔，可以托住電話，實用性超高~ 呢個掛頸卡套可以裝唔同嘅卡仔，非常方便，買比小朋友用掛喺頸到都好襯、好可愛！ 除此之外，仲有顏色設計豐富嘅造型掛繩，顏色非常吸睛！ 一系列嘅商品將會於7月1日正式開賣，一眾Pooh迷記得mark實去啦！ 【小熊維尼系列】儲點數換購 日期：2020年7月1日 – 7月28日 地點: 台灣 familymart
相信大家對於「珍煮丹」呢個手搖飲品牌子都毫不陌生， 起源於台北士林區嘅珍煮丹以黑糖飲品起家， 最近聯同台灣FamilyMart推出一系列「黑糖珍奶產品」，全部都勁吸引！ 「黑糖珍奶產品」有各種唔同類型商品，甜品、零食、飲品，乜都有！ 首先最值得推介嘅係呢個超新奇嘅「黑糖珍奶酷繽沙」， 酷繽沙其實即是沙冰，沙冰嘅味道由錫蘭紅茶配牛奶調成奶茶口感，再加上淡淡黑糖醬，而且仲可以食到粒粒嘅黑糖麻糬，口感豐富得嚟夠解暑！ 「黑糖奶茶QQ球」嘅外皮係帶小小奶茶味道嘅朱古力，內餡則係珍煮丹調製嘅黑糖，好有咬口！ 食爆谷唔一定要入戲院先食嘅，平時喺屋企都可以食下呢隻「嚴選黑糖爆米花」，每啖都可以聞到濃濃黑糖香~ 既然係同FamilyMart合作，講到便利店，又點少得布丁呢！「黑糖鮮奶布丁」由黑糖與香醇鮮奶製成，嫩滑得嚟夠甜~ 想飽肚啲當零食食，仲有特別研發嘅「黑糖奶茶夾心餅」，內裏夾著黑糖糖漿，但又唔會過甜，配埋餅乾好好咬！ 最係當然唔少得一支正宗嘅「黑糖奶茶」，雖然做唔到加上珍珠喺其中，但黑糖味都好有滋味~ 商品現時全部都已經剛剛喺FamilyMart全線分店上市發售，想要購買就要快手啦，可能好快就會被搶購一空XD
