• Thu. Jun 4th, 2026
    • '
    Home香港 (Page 70)

    Tag: 香港

    抹茶控有福了! 全港必食7大抹茶店 | 香港美食 | 放假去邊

    抹茶美食？沒有最多，只有更多！ 除咗有好多日本抹茶過江龍，仲有Fusion抹茶甜品！ 小編已經開咗「抹茶雷達」～ 話你知邊到有好嘢食！ 抹茶小編：嘉儀（IG: chongkkayee） [youtube youtubeurl=”niKksq0aZl4″ ][/youtube] ==================== 中村藤吉apm期間限定店 必食推介：抹茶蕨餅 $68 超級軟滑！超級濃味！超級好食！ 愛甜嘅朋友記得淋埋黑糖～～ 每日只有大約48份，賣晒就冇㗎喇！ 地址：觀塘觀塘道418號創紀之城5期apm大堂層22舖旁 ==================== 京林屋 煙韌口感：秘製抹茶蕨餅 $88 京林屋係日本有200年歷史！ 蕨餅有微微抹茶香，仲可以淋黑糖、點抹茶粉～ 唔鍾意甜？食原味唔甜㗎啦！ 冬日限定：甘栗抹茶紅豆年糕甜湯 $68 聽個名就知足料！暖笠笠，甜甜地，冬天食真係好幸福～～ 地址：銅鑼灣軒尼詩道500號希慎廣場6樓603-604號舖 ==================== 辻利茶舖 花心必食：IFC限定窩夫 $78 辻利茶舖來自日本京都，有超過150年歷史！抹茶味濃，北海道濃度8.0牛奶雪糕同樣好食！ 窩夫專為香港店而設～ 連匙羹都係IFC個樣！ 有齊雪糕、脆米、丸子、啫喱、紅豆蓉、蛋糕仔，連個杯都食得！ 唔洗怕選擇困難症啦～ 地址：中環港景街一號國際金融中心商場3012號舖 ==================== 世界第2好味雪糕蜜瓜麵包香港店 冰火交融：抹茶雪糕蜜瓜包 $38 又一個過江龍～ 蜜瓜包係重點 牛油味好香～ 新鮮出爐真係熱辣辣 不過要食快啲，因為雪糕好快融！ 地址：銅鑼灣景隆街15-27號地下1A舖 ==================== Echigoya 越後屋 創意好味：抹茶火鍋 $138 當港式邊爐，遇上抹茶湯底！好有創意，好好食！ 足料抹茶朱古力醬唔會太甜，食晒材料都仲有淨！ 款式好多，價錢唔算貴～ 自家製丸子好好食啊！ 抹茶火鍋每日限量，記住要book啊！ 地址：大坑施弼街27號地下 […]

    author

    灣仔利東街 胡桃夾子之飄雪聖誕! | 假日好去處 | 放假去邊

    胡桃夾子一向都係聖誕最受歡迎嘅芭蕾舞劇~ 今個聖誕，利東街都變成胡桃夾子嘅歐陸大街喇! 有胡桃夾子芭蕾巡遊、浪漫飄雪、聖誕報佳音、慈善攤位，仲有免費暖笠笠粟子食！ 文: Jaime 利東街中庭聖誕城堡 10呎高聖誕樹~! 周圍都係胡桃夾子嘅蹤影呀~~~   12月17-18、24-26日都會有以下活動： 聖誕經典芭蕾漫舞 3-4pm 飄雪匯演 3:30pm/8pm   免費炒栗子攤檔 2:30-6:30pm 只要喺IG上hashtag #leetungavenue 同follow 利東街 就得㗎喇! 另外仲有： 悠揚歌聲賀聖誕 日期：12月16-18、21、23-24日 慈善聖誕「煮」意 日期：12月17-18、24-25、31日 時間：1:30-8pm 地點：利東街地庫一樓 利東街「胡桃夾子之飄雪聖誕」 地址: 灣仔利東街中庭 ———————————– 放假去邊 更多好介紹: 快啲like我哋Facebook 同follow我哋Instagram啦!

    author
    Uncategorized

    石澳10個影相位! 影盡歐陸彩色小屋 | 假日好去處 | 放假去邊

    石澳好靚！石澳好靚！石澳好靚！ 每行一步都可以影10張相，女仔去一定要帶定相機、準備炸爆Album啊～ 石澳好多彩色小屋，仲好有歐陸風情！ 所以淨係影外牆都有好多款選擇哈哈～～ 藍天、陽光、海灘，樣樣有齊！ 放假入石澳行返轉、影靚相，再BBQ埋簡直就係一大享受！ 小編：嘉儀 (IG: @ chongkkayee) [youtube youtubeurl=”XmbMS2YtOfc” ][/youtube]   >> 粉紅色美人樹盛開  迪欣湖文青影相位 1. 灰色型格外牆 記得影埋旁邊嘅盆栽做襯托～ 咁張相就唔會咁寡，又有清新嘅感覺哈哈！ 2. 藍色情人橋 點解叫情人橋？傳聞係因為佢好窄… 只夠兩個人一齊行喎… 小編一個人咪自己行晒囉… 呢條小橋連接石澳同大頭洲～ 粉藍色好靚！好多人係為咗影呢條橋嚟石澳㗎！ 淨係呢度，都夠大家影足一日㗎喇 😛 3. 鐵皮屋 鐵皮屋本身唔算靚，不過屋頂生滿花花草草，令到成件事活潑好多～ 所以… Pose 梗係要配合下！ 4. 彩色小屋 間間小屋嘅外牆都唔同顏色，逐間影都有排影啊！ 等小編畀幾隻色你揀啦～～ 粉色系～～（其實仲有粉紫、粉黃、粉綠… 好多好多） 連教會嘅外牆都係綠色！小編都忍唔住要自拍返張～:P 5. 仿竹木製外牆 6. 復古吊燈 背多fun～～～ （靜雞雞話你知，小編唔夠高…….） 7. 油畫 行行下經過餐廳，見到餐廳出面都掛咗幅好靚嘅畫！ （不過當時附近有工程、地下好多泥石，所以小編唯有自拍哈哈） 8. 教堂閘門 好靚！好靚！好靚！好似真係結婚，去咗真教堂咁～～ 不過閘門好高，真係唔企遠啲自拍都影唔晒佢全身！ 9. […]

    author

    馬鞍山昂平睇芒草～ 新手行山呃Like零難度! | 假日好去處 | 放假去邊

    11月又到了，是時候去賞芒草～ 講起芒草，好多人都會即刻想起大東山～ 不過大東山比較難行，對新手來說可能有點吃力 … 又想睇芒草、順便影幾張女神相呃Like，但又不想太辛苦？ 馬鞍山昂平幫到你！ 文: 嘉儀 (IG: @ chongkkayee) 由馬鞍山郊野公園燒烤場出發，沿路一直向上行就必定找到昂平平原！ 途中有不少路牌，不怕迷路之餘，更告訴你剩餘路程的長度及大概所需的步行時間！ 沿途景色不錯！同時可以親親大自然，欣賞樹木、各種花朵！蒲公英好靚啊～～ 意外發現！動物腳印！到底是何方神聖？ 邊行邊影相，好快就終點在望！ 有如仙景一樣的山頂啊～～ 小編作為行山新手，到達昂平平原也只是花了大約1小時15分鐘！ 平原不單是多人，更好多牛牛！要小心～ 切勿誤踩地雷！ 事不宜遲！即刻賞景、賞芒草，兼瘋狂影相吧！ 還會拍到幾個好小的滑翔傘～ 全盛時期可以看到天上同時出現6個滑翔傘！ 其實芒草不算多、不至於滿地皆是～ 不過只要選對位置，仿如置身芒草海無難度！（看起來超誇張哈哈哈！） 山頂比較大風，如果想野餐、甚至露營過夜的話，記得要帶多件外套！ 重點是超級大風十分影響女生們拍攝哈哈哈～ 小編就是失敗的例子 …… 平原中有棵小樹，所以顯得相當突出！ 難得遇到一棵極容易攀的小樹，頑皮小孩馬上出動～ 旁邊還有大金鐘，行山高手可以一戰！ 小編自問無能為力…… 所以影完相就準備落山了～ 新手建議原路下山，沿路更可以望到夕陽！ 路線：馬鞍山郊野公園 到 昂平營地（平原） 時間：約1.5小時 活動：行山、野餐、露營、滑翔傘 交通： 1. 步行：馬鐵恆安站出發，到馬鞍山郊野公園，需時約1小時 2. 的士：馬鐵恆安站出發，乘的士到馬鞍山郊野公園，需時約10分鐘（車費約$30） 3. 村巴NR84號：馬鐵馬鞍山站（新港城）出發，乘村巴NR84號，於郊野公園站下車 ＊村巴班次較疏！需預先查清楚村巴上山、下山的班次時間表 – – – – – – – – […]

    author

    上郵輪嘆美食～ 隨食附送無敵大海景! | 郵輪假期 | 放假去邊

    可以勁食好嘢已經係夠爽， 再望埋無敵大海景食，簡直就係終極大享受！ 今次皇家加勒比嘅海洋贊禮號，有好多好嘢食，唔少餐廳、Cafe仲係免費！ 所以話，只要你肯行去拎嘢食，包你飽到唔知肚餓為何物！ 更加重要係！全部西餐廳都有中菜揀，就連Menu都會日日轉，食幾多次都唔怕悶啦～～ 為食小編嘉儀率先介紹幾間免費餐廳畀大家，其他美食就等你哋去發掘喇！ 特別鳴謝: 中旅社 [youtube youtubeurl=”hklIXax-gQ4″ ][/youtube] 小編：嘉儀（IG: chongkkayee） 1. 帆船自助餐廳 話到明係Buffet，梗係任揀任食㗎啦～ 有齊沙律、涼拌小食、水果！ 想食少啲？可以揀多款麵包，或者三文治。 想食飽飽？Pizza、粥粉麵飯任你拎！ 一句講晒：呢到係全球美食館！ 好彩嘅話仲可以望住個大海嘆Buffet～～ ＊早、午、晚餐時段開放時間長，自己去搵到位就有得食㗎喇！ 2. The Grande 格藍迪 呢間餐廳匯集全球經典菜式～～ 環境靚、嘢食正！主要提供西餐：烤雞、辣蕃茄鮮蝦意粉、威靈頓牛扒等等… 絕大部份主菜都係配薯蓉，超Creamy超好味㗎！ 不過都有新斗記嘅中菜揀，仲要味道幾好！ 魚柳小編最推介！魚肉又滑又香，好快就清晒～～ 食完正餐，梗係要試埋甜品先走！ 上：（左）焦糖布丁、（右）朱古力蛋糕 下：（左）紅莓拿破崙、（右）雪糕蛋糕 甜品都算唔錯，唯一美中不足嘅係紅莓拿破崙糖霜太甜。 最驚喜係雪糕蛋糕，每一啖都有冰火交融嘅感覺，好味道～～ ＊早、午餐有指定開放時間、晚餐就要根據船卡安排好的用餐時間（分別有5:30pm、8:00pm兩個時段）。只要係餐廳門口排隊，就會有職員帶你入座！ 3. American Icon Grill 美國愛肯燒烤 有早餐嘅Morning，先至係Good morning嘛！ 小編當日試咗呢間餐廳嘅早餐！有好多配料任你揀，可以自己砌個BIG Breakfast～ 另外都有唔少已經配搭好嘅早餐Set畀你揀～ 港式、台式、上海菜都有！ 最驚喜係有好多好多好多款麵包任揀任食！ 食包都夠你食飽喇～～ ＊注意：所有餐廳大約10am就會落場，冇得再order㗎喇～ ＊早、午餐有指定開放時間、晚餐就要根據船卡安排好的用餐時間（分別有5:30pm、8:00pm兩個時段）。只要係餐廳門口排隊，就會有職員帶你入座！ 4. The Cafe […]

    author

    中西區一日遊 老字號美食再加文青影相位 | 假日好去處 | 放假去邊

    拍拖唔知去邊好？唔洗諗啦！今個星期小編帶大家去中西區一日遊！ 有老字號美食、舊式建築、文青去處、影相位，包羅萬有！ 跟住呢份行程，陪女神去行街街啦，最重要係帶埋相機幫佢影相呀嘛！ 小編：Jaime（IG: @ jaimehomusic） －－－－－ 由中環出發，START! 中西區係香港開埠後最早開發的地區，又係香港嘅商業中心，但而家依然可以搵到好多老字號的海味店、參茸燕窩店和中藥店等。   砵典乍街（石板街） 影相位！人稱為石板街嘅砵典乍街，以石塊舖蓋成一凹一凸嘅路，係香港一級歷史建築。小編去嗰日見到有人影婚紗相，證明呢度真係靚景！ 地址：中環砵典乍街   蘭芳園 去醫肚食個午餐先！由石板街出發，沿住擺花街向前行，就會見到六十年老字號蘭芳園。 推介：招牌絲襪奶茶、金牌熱辣辣豬扒飽 $24、出位撈丁系列$51(奉送咖啡或茶, 凍飲加$2) 小編就叫咗個蔥油雞扒撈丁同凍奶茶！ 地址：中環結志街2號 營業時間：7:30am-6pm   荷李活道 喺蘭芳園往上行一條街，就到達荷李活道。荷李活道係一條古董街，有各式各樣嘅古物、古董。 舊中區警署 舊中區警署係香港法定古蹟，屬於中區警署建築群之一。而家正進行復修工程，目前不開放參觀。(補充:建築工程於2011年11月展開，預計可於2016年下半年分階段竣工。) 地址：香港中環荷李活道10號   「住好啲」特色牆 影相位！呢幅係「住好啲」設計師畫嘅舊式樓宇圖案壁畫，好多人都喺度打卡！喺馬路旁邊影相時，記得注意車輛！ 地址：中環荷里活道48號與嘉咸街46號交界旁   公利 沿住荷李活道，途經傳統老店公利，可以試下馳名嘅蔗汁、蔗汁糕。 蔗汁糕$14   PMQ 元創方 繼續沿住荷李活道，去到鴨巴甸街，就會望到左手邊嘅PMQ元創方。前身係荷李活道已婚警察宿舍，係香港三級歷史建築。經過活化後，2014年起成為創意中心，既係本地藝術家嘅studio，又係店舖。逐間舖睇都有排行㗎！呢度仲有幾間輕食店，想食野可以坐低嘆個tea！ 行到攰想坐下嘅話，去4樓平台空中花園啦！空中花園亦係連接兩座A、B主樓嘅通道。 地址：中環鴨巴甸街35號   西區公眾貨物裝卸區 (Instagram Pier) 參觀完元創方，行去上環搭電車。喺石塘咀落車，往海邊步行5分鐘，就係西區公眾貨物裝卸區(Instagram Pier)喇！招牌背景有貨櫃、卡板、黃黑色燈柱，相信鍾意用IG嘅你都唔會陌生啦！呢度亦都係個影日落嘅好地方，或者坐下吹下海風。望住海，小編都忍唔住唱「聽～海哭的聲音」！   西港城 影完相喺石塘咀乘搭電車返去上環，參觀西港城。西港城原本係舊上環街市，改建後變成傳統行業及手工藝的商場，售賣特色工藝品及懷舊收藏品。   海膽屋 如果好似小編咁喺星期日去，周圍好多食肆都閂門，結果就俾小編搵到呢間日式食店！堂食、外賣都得。落單之後即刻整㗎！ 推介：芝士鰻魚手卷！鰻魚食落夠冧，同芝士超夾，熱度又夠！ 芝士鰻魚手卷$22、三文魚腩手卷$22、波子汽水$18 […]

    author

    西灣河太安樓掃街 牛雜、班戟乜都有!| 香港美食 | 放假去邊

    港島區掃街~ 今次要介紹嘅係：西灣河太安樓！ 就喺西灣河地鐵站隔離嘅太安樓，係舊式私人屋苑。地面嘅商場就有三條街，舖頭雖然細細間，但有好多小食！ 為食小編 : Jaime   太安樓牛雜 牛雜$30 (細) 牛雜煮得入味，又爽口又腍。同埋好足料，配料仲有蘿蔔同柚皮！ 地址 : 西灣河筲箕灣道57-87號太安樓第二街A31B號舖 ==================== I Love戟-日式班戟專門店 OREO碎寶雪糕班戟$28 雪糕食落綿密煙韌，加埋忌廉、朱古力碎，配上鬆軟嘅班戟皮，好食！ 地址 : 西灣河筲箕灣道57-87號太安樓地下55A號舖 ==================== 鴻記極品雞蛋仔 原味雞蛋仔$18 連美國CNN都報導嘅鴻記，品質當然有返咁上下。雞蛋仔即叫即做，唔會放喺度擺腍哂。雞蛋仔非常鬆脆，有豐富蛋味，甜度亦都啱啱好。 地址 : 西灣河筲箕灣道57-87號太安樓第二街A34C號舖 ==================== 海南雞飯專門店 (此圖轉自Openrice) 海南雞飯配餐湯$25 價錢同食物都非常吸引！     太安樓 前往方法：港鐵西灣河站A/B出口 ——————————– 放假去邊 更多好介紹: 快啲like我哋Facebook 同follow我哋Instagram啦!

    author

    千層蛋糕 繼續狂熱! 全港8款大比拼 | 香港美食 | 放假去邊

    是千～也是層～ 是千層～也是脂肪～～ 甜品迷Attention Please!!! 今次小編嘉儀無懼脂肪，幫大家親身試勻千層蛋糕！ 到底千層蛋糕係咪真係有一千層？ 究竟係名牌店好食？抑或平民Cafe性價比高？ 千與千層～大！比！拼！ 即刻出發！ [youtube youtubeurl=”pPDtquQn5Y0″ ][/youtube] 主持：嘉儀 (IG: @ chongkkayee)   1. 超多層 Lady M 抹茶千層蛋糕 $75 掀起香港千層蛋糕熱潮嘅，就係呢間紐約名牌Lady M～ 抹茶味加入咗京都抹茶粉，餅面嘅抹茶粉超多！ 蛋糕每層都做到好薄，而且Cream唔多唔膩！果然名不虛傳～好好食！ 不過價錢唔算平，加上堂食比較多人，唔想外賣嘅朋友仔就要等耐少少喇～ 地址： 銅鑼灣Fashion Walk食街加寧街1-3號地下C舖 尖沙咀海港城海運大廈2階OT215K號舖 中環金融街8號國際金融中心商場二樓2096A號舖 2. 特別口味 Greyhound Cafe 椰子千層蛋糕 $68 呢間Fushion Cafe主打泰國風味嘢食～ 所以有多款特別嘅泰式口味，唔係普通甜品舖食得到！ 而且真係有啖啖椰肉～好足料～ 就連忌廉有椰香、唔會過甜！ 不過略嫌餅邊太多Cream，少返啲就Perfect喇～ 地址： 中環港景街1號國際金融中心商場二期1樓1082舖 尖沙咀廣東道17號海港城海運大廈地下G01號舖 九龍塘達之路80號又一城2樓L2-42號鋪 旺角太子道西193號新世紀廣場3樓301至302號舖 太古太古城中心二期地下007號舖 3. 平民台式美食 RBTea 岩燒牛奶千層蛋糕 $28 […]

    author

    沙田文化一日遊 曾大屋、車公廟 | 假日好去處 | 放假去邊

    平時去沙田除左唱K、睇戲之外，仲有咩野做好呢？ 不如跟住呢個行程嚟個一日文化遊，慢慢去感受吓傳統建築物，有時間可以去埋文化博物館~ 夜晚再去食地道美食：燒乳鴿、Wasabi蟹籽手撕雞！   曾大屋 曾大屋係沙田嘅一條客家圍村。原稱山下圍，1848年起興建，1867年建成，係香港一級歷史建築物，公眾可以自由入村參觀。 因為依然有市民居住，所以參觀時記得保持安靜。 創建人曾貫萬，喺廣東省五華縣南下到香港，後來因開設石廠致富，就起圍村俾族人居住。全屋有99個單位。二次大戰時曾經俾逃難人士租住，所以又叫「曾大屋」。 曾大屋採用廣東五華老家嘅建築風格，主要由花崗石、青磚建造，四角都有鑊耳型的三層高角樓，有槍孔同瞭望台。 屋前嘅風水池已經被填平，以前嘅護城河、吊橋亦唔再存在。 圍村正面有三個大門，分別有「安富」門、「尊榮」門、「一貫世居」門。正門門頂石匾刻住「一貫世居」，係由中舉人曾貫萬嘅侄兒曾蘇所寫嘅。   曾大屋採用三進式設計，有上、中、下三堂，兩側各連兩排橫屋，稱為「三堂四橫」格局。 廳與廳之間由通道、天井相連。曾貫萬當年獲朝廷封為直奉大夫，所以有「大夫第」木匾、「祥徵萬福」石匾。 中堂係族人嘅議事廳。廳入面掛著曾貫萬、其母親朱氏的遺像、「文魁」木匾，又擺放咗曾貫萬71歲壽辰(1878年)獲贈嘅十二幅木刻壽屏。 再穿過另一天井，就到達上堂，即係供奉曾氏祖先的祠堂。 好多村民都已經移居海外，而家留返喺曾大屋入面住嘅曾氏子孫唔多，反而住咗唔少外姓人。 地址：沙田山下圍 前往方法：港鐵車公廟站/沙田圍站步行可到達 ——————————— 車公廟 沙田車公廟，係香港二級歷史建築物。喺1890年前已經落成。 廟內紀念嘅車公係南宋嘅將軍車大元帥，南宋末年，宋帝昺及車大元帥避難至香港，並駐守西貢。   後來車大元帥病死，人民就建廟供奉。後來民眾請車公坐陣，為沙田消除瘟疫，並興建車公廟。 車公廟主殿內的神壇上，屹立著二十七尺高嘅金色車公像。善信可以敲鼓、順時針輕力轉吓銅製風車，希望轉個好運。 天花板上更建有藻井，有麒麟、鳯凰的雕花圖案。 福祿宮，拜吓五路財神，輕輕摸吓聚寶盆，祈求財源滾滾來。 犯太歲就要喺太歲衣上寫自己個名，將檀香放在香爐。先拜斗姆、值年太歲，再拜自己的太歲，將寫咗名嘅太歲金放在其腳底，俗稱「攝太歲」 最後再向其他太歲拜一拜。年尾回廟再參拜。 車公廟內可以求籤，外面會有人即時幫你解籤。 地址：新界大圍車公廟道 前往方法：港鐵車公廟站/大圍站步行可到達 開放時間：每天上午七時至下午六時 ——————————— 龍華酒店 龍華酒店係香港僅有嘅園林酒店之一。呢度最出名就係燒乳鴿！ 地址：沙田下禾輋村22號 ——————————— 陳根記 沙田屋邨嘅大牌檔，可以食到古早味香港菜！推介：Wasabi蟹籽手撕雞、椒鹽魷魚、糯米鱔 地址：沙田禾輋邨街市大牌檔3-5號 ——————————– 放假去邊 更多好介紹: 快啲like我哋Facebook 同follow我哋Instagram啦!

    author

    香港美酒佳餚巡禮 Wine and Dine Festival 2016 多咗好多香港小食! | 香港 | 放假去邊

    一年一度嘅WINE & DINE FESTIVAL 今年又喺中環海濱活動空間舉行啦! 除咗好多好多來只世界各地嘅美酒之外，今年仲多咗好多香港特色小食~ 為食小編 : 阿My (FB page: My叔 /  IG: @ my.rilla) [youtube youtubeurl=”SdYZVUDRicM” ][/youtube] 場內周圍都見到嘅大大串燒魷魚 無錯…幾遠都聞到香味! $50 一大串   紫薯呀~ 人氣吐司店KALA今年都進駐WINE & DINE! 紫薯吐司好惹味~ 食完可以成個MUG帶走! $35一杯柚子奶凍 好Fresh好好味! 多個攤位都有呢啲好Colourful嘅特飲! 仲可以隨個人喜好嚟決定加唔加酒精 怕飲太多酒嘅朋友絕對可以一戰! 唔同區域有唔同特色，小編最喜歡「United States」嘅設計! 連垃圾筒都好可愛~ 場內以產酒地劃分成唔同嘅區域，有來自法國、西班牙、意大利、德國、日本、美國及韓國等等多個地區嘅美酒同特色小食。 同時，今年主辦單位又特別增設「Hong Kong Mix」香港吧展區，記得去支持下！ 來自法國的「Bordeaux」區，有多種來自法國嘅美酒 特別推薦大家試下佢哋嘅米酒，易入口，味道特別 鳴謝：法國旅遊局   香港美酒佳餚巡禮 Wine and Dine Festival 2016 日期：2016年10月27至30日（星期四至日） 地點：中環海濱活動空間 門票：成人港幣 $30 | 65歲或以上長者、3至12歲兒童、全日制學生及身心障礙人士港幣$15 | 3歲以下兒童免費 […]

    author