Open Tour
人人都想有一部iPhone，咁你有冇先？ 冇都唔緊要！最近韓國網站「10×10」就推出咗一款iPhone周邊商品， 就係呢張巨型iPhone造型嘅書檯喇！ 果然完美還原iPhone啊！ 黑色玻璃螢幕、Home鍵、白框，連Sim卡槽都有！ 除咗尺寸之外，其他部分根本同手機冇分別！ 小編最鍾意係Sim卡槽， 設計成櫃桶，方便又實用！ 唔講唔知，呢張檯係以環保材料而成～ 檯面用上強化玻璃，耐用度十足！ 而邊框同檯底亦用上航空等級嘅鋁材而製成～ 連顏色都有得選擇～ 分別係黑色、金色、粉色、紅色！ 就算係邊種家居裝修風格都用得著～ 唔知呢部巨型iPhone又吸唔吸引到你呢？ 巨型iPhone造型書檯 尺寸：105cm x 52cm x 75cm 詳情：官網
疫情之前，戴口罩往往代表着病； 但疫情底下，每日都戴着口罩成為我哋現今嘅日常， 正因此，Apple就特登將戴口罩嘅憂愁臉Emoji改頭換面~ 即將推出嘅iOS 14.2中，Emoji中戴口罩嘅憂愁臉轉為開心笑臉， 除咗係回應現今嘅口罩時代，倡導疫情期間戴口罩， 亦都希望話畀大家知「戴口罩唔一定代表生病」，都可以係為咗保護身邊你我！ 除咗Apple嘅新Emoji之外， Unicode聯盟近期都新增咗唔少嘆氣、頭暈等嘅新版Emoji，反映咗2020年嘅疫情 預計秋季釋出嘅iOS 14.2除咗會有新嘅載口罩Emoji， 亦會有珍珠奶茶、俄羅斯娃娃、跨性別符號等嘅新表情符號， 同時都會一如以往修復Bug同優化系統，Apple用家可以拭目以待！
