踏入2021年，Sanrio推出多款賀年精品系列於惠康超級市場同埋Market Place by Jasons獨家發售 當中登場嘅人氣Sanrio Characters 包括：Hello Kitty、My Melody、布甸狗同埋Little Twin Stars，佢哋會以全新牛牛造型同大家見面 今次佢哋推出超過30款大熱賀年週邊商品， 包括有爆谷桶、吸管環保杯，保溫袋、收納膠罐，紙巾套等等家品， 全部都又實用又美觀，啱哂過年用！ 當中嘅Hello Kitty同My Melody爆谷筒一定係大熱商品，可愛外型配上肥滿圓筒， 入面仲有滿滿脆爆糖心爆谷，有「爆竹一聲」財源滾滾嘅寓意 實用之選亦有呢個Hello Kitty大頭造形「吸管環保杯連糖果」， 見到咁靚嘅外型真係令人少女心爆發 講起牛年賀年精品，點少得「牛牛小福袋連餅乾」同埋「陶瓷杯連草莓脆片」 Hello Kitty、My Melody同埋布甸狗穿上可愛牛牛服飾，勁有新年氣氛！ 除此之外，同時亦有多款隨身同埋居家實用精品！ 好似呢款「糖果盒連糖果」就有儲存功能嘅盒，食完糖仲可以用嚟放嘢，一舉兩得 仲有「膠罐連草莓脆片」都係，用嚟保存食物就啱啦 「保溫袋連草莓脆片」嘅袋可以做飯盒袋或購物袋，有保溫功能，帶飯一流 「紙巾套連脆米條」同埋「咕套連薯片」都可以裝飾你嘅家居！ 同時亦有靚靚嘅新年禮盒畀大家選購！ 大家快啲去睇吓有咩心水貨品啦
