Open Tour
經典遊戲食鬼嚟左九龍灣喇！NAMCO聯乘人氣 Figure品牌TAMASHII NATIONS舉行「PAC-MAN High Score の狂熱」主題活動。九大運動遊樂競技區仲全部換晒食鬼主題新裝等大家一邊做運動，一邊感受PAC-MAN既魅力！ 一入場就見到可愛嘅PAC-MAN同巨型保齡球 未來感乒乓波，仲可以用鍋鏟接波！ Shockball 巨型圓球考驗平衝力 Run & Run 同朋友挑機！ 仲有限定夾公仔機夾最新嘅PAC-MAN figure 各款塗裝完成品figure展示 依家上TAMASHII NATIONS Hong Kong Facebook專頁有限定禮品大放送，PAC-MAN 仲有機會係假日驚喜現身，同大家打卡見面！ 「PAC-MAN High Score の狂熱」主題活動 日期 2021年5月21日（星期五）至2021年7月18日（星期日） 營業時間 11:00~21:00（最後入場時間為 20:30） 地點 SPORTAINMENT ARENA運動遊樂競技場（九龍灣德福廣場二期5樓501A號舖）
全港最大 NAMCO「The LOHAS 康城店」即將喺 11 月 26 日正式開幕！ 新店佔地約10,000呎，場地夠大遊戲機夠多，可以畀大家大玩特玩 NAMCO康城店會係全港最多公仔機嘅分店，場內設有超過100部公仔機，絕對可以滿足一眾夾公仔迷！ 當中佢哋更推出多款全新獨家機種， 好似有全港首見可以「夾」雪糕嘅「Gemini Ice」同埋「推」飲品嘅「Dream Castle 2」 將食物元素放入遊戲入面，感覺好吸引！ 而一眾復古迷 亦唔可以錯過懷舊遊戲「Magnet Crane」同埋「Tuskan de Ponoko」等 款款都好經典！ 新店更推出多款人氣限定景品，第一彈包括有Star Wars景品、Shibashiba Gohan公仔掛飾同埋Cyber Formula跑車模型等， 遲下仲會有鬼滅之刃同比卡超公仔等，全部都好值得收藏 佢哋仲宣佈，來自日本嘅互動數碼遊樂場 「室內・冒險之島DOCODOCO」將於2021年初首度登陸香港， 會作為全球首間海外分店，好期待呀！ 除咗NAMCO分店即將開幕之外，The LOHAS康城為咗迎接聖誕 亦以「Unveiling the Christmas Joy」為主題，用咗超過2,000個聖誕掛飾同近300個聖誕禮物盒、機動裝置嚟打造有滿滿聖誕氣氛嘅場景 室外有由600支夜燈形成嘅神秘浪漫星海，相信一定會成為打卡熱點！ NAMCO The LOHAS康城店 開幕日期：2020年11月26日 地址：將軍澳康城路1號The LOHAS康城L4 403-405號舖 DOCODOCO The LOHAS康城店 開幕日期：預計2021年年初
鐘意夾公仔嘅你有福啦！ NAMCO第9間分店會喺聽日登陸德福廣場，佔地8,600呎嘅新店以「運動」為主題， 適合大人同小朋友一齊玩，真係聽到都開心！ ‘ 新店會喺開幕期間將發售NAMCO限定景品，鐘意嘅朋友記得留意啦！ 店內仲特別添加咗多部夾公仔機同運動主題嘅遊戲機， 可以玩到「Street Basketball Jr.」籃球機同「Boxing Champion」拳擊遊戲機， 玩遊戲同時做到運動！ 有好多全新景品！ 新店將會喺10月推出運動遊樂競技場 「SPORTAINMENT ARENA」， 競技場內將設9個運動園區，帶俾大家一個全新體驗！ NAMCO德福廣場店 開幕日期：2020年9月11日 (星期五) 地址：九龍灣德福廣場2期5樓501A舖 營業時間：11:00~22:00 SPORTAINMENT ARENA運動遊樂競技場 營業時間：11:00~21:00 *最後入場時間為20:30 開幕日期：2020年10月內
