各位運動迷有福啦！ 全港首個空中草地運動公園將於11月27日正式開幕 佔地35,000平方呎嘅「New Town Plaza Sportzone躍動悠園」位於沙田新城市廣場把商場1期5樓戶外平台，大家好快就可以喺一大片綠油油草地上齊齊做運動！ 園內設有7大戶外Fitzone，當中包括逾5米高滑草梯同17米長懸吊式平衡木走道，呢兩樣運動可以提升小肌肉平衡力 而攀石牆同無器械健身區就可以引爆肌力 想操fit體力一定要去籃球場打籃球同去草地緩跑徑跑下步，當中仲有兼容補充力量同打卡嘅森系小山坡同秘道， 一定會成為運動迷嘅新地標！ 同時「躍動悠園」亦將為各個Fitzone設計唔同嘅量訓練課程， 12月首先會期間限定推出3大星級導師訓練班，特別邀請咗幾位頂尖運動員教練 包括由專業認可健身及體重管理教練Mr. Andrew Dino執教嘅風靡日韓女生極速燒脂彈跳運動「Kangoo Jumps跳住瘦」、 香港街頭健身總會主理人之一暨世界街頭健身排名第23的莫皓然先生、 20歲已獲多項世界街頭健身排名的張顯廷先生 同埋前香港柔道代表隊成員黃楚恩小姐主理的「徒手體能訓練」， 仲有被譽為籃球界明日之星的甲一籃神蘇尚瀛先生執教「兒童神射手訓練」， 喺咁多位星級導師帶領下，大家都可以安心做運動！ 而且場地仲有好多打卡位，啱哂一家大細嚟玩 「New Town Plaza Sportzone躍動悠園」開放詳情︰ 日期︰2020年11月27日起 時間︰上午7時至晚上10時 地點︰新城市廣場1期5樓平台
