Open Tour
PlayStation大家平時就攞住佢個手把玩得多， 今次日本公司推出各種PlayStation造型用品，將手把化身為各種生活週邊！ 日本電競產品廠商MSY日前與英國供應商Paladone簽約， 成為佢哋嘅日本總代理商，仲獲得官方授權， 將會推出各式各樣PlayStation為形象嘅馬克杯、LED燈等！ 而第一彈販售時間將會係2020年10月30日， 最吸睛一定係呢個手把造型馬克杯！ 由PS4手把DUALSHOCK 4以及前幾代嘅PS手把為外型去設計~ 而且亦有PS手把外型嘅LED燈飾~ 著燈後散發淡黃嘅光線，啱晒夜晚臨瞓開著， 有收藏價值之餘又實用！ 而講到實用，都無嘢夠以下嘅PS4手把外型鬧鐘西利， 有型有格又實用，望落去都幾呃得吓人XD 最令人緬懷嘅仲有呢個「初代PS造型外盒PlayStation形象啤牌」！ 而第二彈販售時間就會係2020年11月13日，販賣造型燈飾或獎盃外型玻璃杯~ 造型燈飾超有時尚感，仲可以調較唔同嘅閃爍效果！ 獎盃造型玻璃杯透明浮紋嘅設計非常高雅特別！ 全部週邊都好能夠捉得住、保留得住PS嘅特色，真係幾得意！ 有興趣嘅記得要留意吓啦！
日本任天堂喺澀谷PARCO開咗Nintendo TOKYO實體店啦！ 店入面除咗有超多任天堂各款遊戲嘅主題精品！打開機嘅朋友簡直去咗天堂一樣～ [instagram photo=”B5SWJGhl_kr”][/instagram] 店面好大啊！已經見到好多精品～ [instagram photo=”B5Cx2TCpGWR”][/instagram] 主打當然係mario啦！ [instagram photo=”B5C3onVpR2s”][/instagram] 應該會喺度買到破產～ [instagram photo=”B5C9KFvpLOV”][/instagram] 精品嘅類型咩都有！ 連廚具都有～ [instagram photo=”B5TBE0kF2UE”][/instagram] 點少得零食啊！ [instagram photo=”Cc9VbLWJDMl”][/instagram] 仲有星之卡比公仔～ [instagram photo=”CczxGV1PVne”][/instagram] [instagram photo=”CVaSE_UvTvd”][/instagram] 好多人都會嚟打卡咖！ Nintendo TOKYO 地址：東京都渋谷区宇田川町15-1 渋谷パルコ 6F 時間：1000 – 2100 網址：nintendo.co
