今年正值Snoopy70週年，不斷有唔同嘅Snoopy活動、產品推出，簡直係Snoopy迷超幸福嘅一年 而台灣7-11更加係聯同人氣漫畫《PEANUTS》推出咗「Snoopy聯名店」，內裏充滿著PEANUTS多年來嘅回憶!! 呢間聯名店四處都係PEANUTS家族各人物嘅圖畫，不論係Snoopy、Wooodstock、Charlie Brown，你都可以搵到佢嘅蹤影，簡直好似走入咗漫畫當中咁~ 而且呢間鋪最特別嘅地方係佢採用咗7-11首次「雙門市設計」，2間門市只係距離1分鐘嘅步行距離，可以一次過行哂2間！ 店內嘅裝修貫徹漫畫內嘅風格，令當中唔少經典嘅場面與Snoopy造型重現，例如呢個廚師版Snoopy同屋子上嘅Snoopy都係唔少狂迷最喜愛嘅畫面！ 因為7-11嘅複式店會售賣日常用品，亦會售賣食物，所以呢到都設有休憩用餐區方便顧客，可以見剢Snoopy與Wooodstock嘅大型霓虹燈裝飾，連座椅都係Snoopy樣子，真係靚到唔捨得坐住佢！ 呢到售賣嘅所有產品都一定會有《PEANUTS》漫畫嘅元素喺入面，連你買杯咖啡、關東煮，其包裝嘅紙杯、紙盒都會印有Snoopy可愛嘅模樣！ 陳列架嘅外型更加係超經典嘅黃色校巴，上面放滿唔同嘅週邊產品，有足足有一米高嘅Snoopy公仔，更加有水樽、手抽袋等實用嘅物品，等你可以日日帶著心愛嘅Snoopy出街！ 成間鋪頭嘅裝修都好有心思靚，處處都係打卡點，啱哂Snoopy迷嚟朝聖！ 「7-ELEVEN X SNOOPY 聯名店」 地點： 7-11紹興門市（台北市中正區紹興北街37號1樓） 7-11興忠門市（台北市中正區紹興北街3號1樓+B1）
