講起澳門，你會諗到咩? 賭場? 大三巴? nonono… 話明係為食小編，梗係帶你食好嘢喇! 唔好以為澳門地方細細冇咩好嘢食， 嗱，唔好話小編藏私呀~ 今次一於就帶你去食澳門米芝蓮一星地道葡國菜喇~ [youtube youtubeurl=”tqaf_b-v3JI”][/youtube] 小編 : 嘉儀 (IG: @ chongkkayee) ———————————————————— 位於澳門銀河嘅葡軒啱啱喺2017年奪得米芝蓮「推介」餐廳同埋「澳門最佳食府」獎項，期間限定特別邀請米芝蓮一星葡國菜名廚João Rodrigues 為我地炮製地道葡國菜，睇下有咩食先~ 草莓蕃茄凍湯腌鮪魚 $38 草莓加蕃茄嘅酸甜配上洋蔥嘅少少辛辣味， 感覺好清新，好易入口，用嚟開胃一流呀~ 紅蝦沙拉，烤蒜蛋黃醬 $138 接近手掌大嘅紅蝦肉質好扎實，啖啖肉~ 配上順滑嘅烤蒜蛋黃醬即時令口味變得好有層次~ 葡萄煎炒鵪鶉背柳 $135 鵪鶉蛋就食得多啦，鵪鶉本人小編真係未食過喇~ 原來鵪鶉嘅肉係好鮮嫰㗎，加上香料調味汁嘅濃郁同提子嘅清甜， 真係嚟多盤都得呀! 黑毛豬肩肉配烤西生菜及紅椒醬 $228 外脆內軟嘅黑毛豬肩肉加上爽甜嘅蘋果粒， 口感好豐富呀~ 除左米芝蓮主廚特別菜單之外，仲有幾款好值得推薦嘅葡國菜~ 白蘭地燒葡國肉腸 $118 小編最期待嘅畫面出現啦，係即席烤腸呀~ 真係隔住個屏幕都feel到佢嘅熱浪， 烤得焦香嘅肉腸加上香脆嘅肉腸，味道啱啱好~ 香蒜啤酒虎蝦 $138 嗜酒嘅人有褔啦~ 加入啤酒調味嘅汁底除左本身香料嘅味道之外仲有一絲甜味， 除左用嚟配蝦之外沾麵包都好好食~ 非洲雞 $168 加左香茅同花生醬嘅非洲雞微辣中帶甜~ 就算係食唔到辣嘅人都可以嘗試下~ 嫰滑嘅雞肉加上香脆嘅花生粒， 無論口感定味道都好豐富~ 燒乳豬配芥蘭黑腸茸 $198 食落真係外脆內軟，啲肉係真係好鮮嫰㗎， […]
