灣仔碼頭Pier 1929全新開幕，佔地11000呎，設計以20年代至40年代嘅法國藝術配上東方元素為設計，餐廳入面仲有條參考倫敦Annabel’s Mayfair 鮮花元素嘅走廊，穿過走廊後就會見到270度維港靚景，餐廳以落地大玻璃設計為主，俾客人與任何角落都能夠欣賞維港海景，而餐廳只有大約20張檯，大家如果都想嚟試個全新花朝月夕下午茶，記住要book位喇！ 入面環境好靚架，大家細心欣賞下。 全新花朝月夕下午茶有多款精美鹹甜點，仲有專人推出美食餐車，車仔上面有6款精選鹹甜點可以無限添食。 甜點包括柚子魚子配橙花水奶凍、雲呢拿吉士拿破崙配紅莓、百利酒提拉米蘇雪糕筒。 鹹點包括鮮蝦芒果迷你牛角包、芝士和牛迷你漢堡、松葉蟹肉青瓜三文治配三文魚子 。 第三層就係自家烘焙英式提子鬆餅、士多啤梨鮮忌廉蛋糕、法式檸檬撻，鹹點則有巴馬臣火腿蜜瓜香草包多士、煙三文魚酸忌廉撻配黑魚子、焗酥皮雞肉批。 而專人推出嘅美食餐車，有6款鹹甜點可以任意添食，包括自家烘焙英式提子鬆餅、士多啤梨鮮忌廉蛋糕、法式檸檬撻、巴馬臣火腿蜜瓜香草包多士、焗酥皮雞肉批。 餐廳中間位置，仲擺放多款蛋糕、軟糖同飲品俾大家任拎任食。 Pier 1929 地址：灣仔渡輪碼頭2樓 電話：3188 9677 供應時段：第一時段14:30-17:00｜第二時段17:30-20:00 預訂網址：按此
