諗住喺屋企煮餐飯？又要醃肉、又要買一大堆調味料，煮嗰陣又要逐樣逐樣加，真係諗起都覺得麻煩！ 嗱！等小編教精你啦～ 只要買幾樽現成醬料，喺炒餸嘅時候落幾匙羹，其實已經搞掂上得碟㗎喇～ 小編覺得咸蛋黃醬最吸引，香濃惹味！ 只要炒熟蝦球後再炒香醬料，最後將佢哋撈勻就完成～ 唔洗15分鐘就食得！ 海鮮XO醬都唔錯，用料好足！最估唔到係用嚟煮西餐都得～ 先炒香牛油、蒜片、XO醬，再加入大蜆、雞湯、辣椒煮熟，最後落意粉炒至入味！又係快靚正之作！ 點少得全城至愛嘅黑松露醬？嗰種濃郁香味，真係開蓋就聞到～ 只要炒蛋嘅時候加兩茶匙，已經勁好味！喺屋企食飯都即刻高級晒～ 其實仲有好多款醬料㗎！例如黃金銀魚醬、龍蝦XO醬等等… 全部都標榜無添加、無防腐劑，可以放心咁食～ 有興趣嘅朋友仔，可以上佢哋Facebook專頁睇睇！ 佢哋會不定期喺商場擺攤賣醬㗎～ 好食得滯Facebook專頁：Ridiculiciousfood
