個個都去台北，唔通個個都想淨係去台北咩？ 台灣美食多、兼且平靚正，就係人都知㗎啦～ 今次小編一於殺入台南，等嘉儀帶大家遊嘉義～ 發掘人氣地道美食、打卡潮聖熱點！ 快啲跟住嚟，填飽你同相機個胃啦～ 特別鳴謝：台灣觀光局 [youtube youtubeurl=Tbu8L1qqJ-Y][/youtube] 小編：嘉儀（IG: chongkkayee） =============== 1. 東市場 去嘉義，點可以唔嚟有過百年歷史嘅東市場？ 睇下小編食得幾開心！手上食物唔係浪得虛名！ 市場內有好多食檔，結集大量特色平價美食！ 小編推介手上嘅 蕭家春捲 (TWD$45)，一捲有齊蛋酥、唔同蔬菜、豬皮、麵！ 多料抵食，好味又飽肚！ 另一必食係… 王家祖傳本產牛雜湯！牛雜 (TWD$130) 種類好多，一啲腥味都冇～湯頭簡直係無敵濃郁好飲！ 難怪一大清早就會賣晒，大家記得早啲到～ 嘉義市東市場 地址：600台灣嘉義市東區忠孝路光彩街 =============== 2. 體育館碳烤 半夜覺得肚餓，就唔一定要去夜市嘅～ 呢間熱炒店深夜都仲好熱鬧，味道、風味都一流！ 小編大推：雞肉油飯！ 油香撈飯一流～ 雞肉嫩滑，肥死都抵啊… 蜜汁炸雞排 (TWD$190) 係台灣點可以唔食雞排？蜜汁甜而不膩，雞排炸得香脆～ 小編極度推薦！ 店內仲有好多時令海鮮～風螺、魷魚、蛤蜊都好好食！ 體育館碳烤 地址：600台灣嘉義市西區垂楊路34號 =============== 3. 玉山旅社咖啡 嚟到台灣，扮文青打卡是常識吧！ 呢間Cafe老店好有歷史，周圍都係打卡位～正啊！ 影靚相之前，飲返杯柑桔檸檬潤一潤先！ 開始影相喇喂！就連窗簾都靚過人… 根本就是個打卡的好地方！ (小編影到唔捨得走…) 玉山旅社咖啡 地址：600台灣嘉義市東區共和路410號 =============== 4. 林聰明沙鍋魚頭 呢間餐廳位於嘉義文化路夜市，晚晚都大排長龍！想食？起碼要等返幾個鐘啊～ 沙鍋菜＋魚頭（三人份）(TWD$300) 個個嚟潮聖都係為咗佢，果然值得一試！ […]
