• Mon. Jun 1st, 2026
    • '
    Home意粉 (Page 2)

    Tag: 意粉

    【美食大集薈】銅鑼灣食盡中西日! 滿足正餐+甜品胃~ | 香港美食 | 放假去邊

    如果掃街已經滿足唔到你，不如一齊掃餐龐啦！ 小編發現銅鑼灣翡翠明珠廣場嘅Festiva，開咗好多餐廳～ 仲有齊中式、西式、日式，食到正餐又有甜品！ 仲唔快啲去試？ [facebook url=”https://www.facebook.com/openholidays/videos/vb.1584449505101275/1944893645723524/”][/facebook] 小編：嘉儀（IG: chongkkayee） ==================== 意粉屋 流心芝士法國春雞（伴烤新薯、香草忌廉野菜） 燒春雞好大隻啊～啲雞肉係超級嫩！ 最特別係入面有餡！ 切開有好多芝士流出嚟！芝士好香，用嚟點雞肉食，完全perfect啊！ 芝士火鍋 冬天梗係要打邊爐，香濃芝士啱唔啱？ 足足用咗4款芝士，仲要有好多嘢食！ 前菜：三文魚、巴馬火腿、鮮果 配料：刺身級帶子、香腸、粟米、車厘茄、蘑菇、肉丸、薯條、麵包粒、意粉 重點推介！紐西蘭特級肉眼！ 牛肉味好香濃～配埋芝士食，真係會食唔停啊！ 北海道帶子 日本魷魚 墨汁意大利粉 呢到啲意粉都好值得食！ 意粉有咬口～海鮮好新鮮，份量都好足夠！ 帶子好好食啊～仲大大粒！Encore啊唔該！ ==================== 丼丼亭 海產天丼定食 呢間餐廳係大阪過江龍！必試招牌：海產天丼！ 有4款天婦羅，全部都皮薄香脆，一啲油膩感都冇～ 天婦羅有兩款食法！ 關東就點天汁，關西就可以點鹽，有得自己揀！ 醬油角切魚生丼定食 另一必嗌就係魚生丼喇！又新鮮，仲要超級多料～ 吞拿魚、三文魚、油甘魚、八爪魚、甜蝦，仲有玉子！包你夠食！ 串燒（牛腹肉/牛舌厚切/煙肉年糕/海老/甜蕃薯/雞肋骨） 串燒得銅鑼灣分店有！小編我梗係要食！ 特別推介牛腹肉啊～啖啖肉，肉汁好夠～ ==================== ZAKKA Café 梳乎厘班戟 配北海道牛乳雪糕 一定一定要食！班戟好鬆軟，而且好足蛋味～ 配忌廉/雪糕食都好正～ 期間限定 黑白朱古力流心布甸 配雲呢拿雪糕 此心太軟不同彼心太軟！外皮係黑朱古力，而流心餡係白朱古力！ 一次過試晒兩款味～ 期間限定 榛子朱古力慕斯班戟 除咗Pancake係用榛子醬做之外，就連中間啲Cream都係用榛子醬整！ 再加入少少堅果碎，有口感～仲好香榛子朱古力味！ 酥脆窩夫 […]

    author

    韓國濟州空運! 限量橘子蜜~ 炸雞＋龍蝦超滋味!｜香港美食｜放假去邊

    韓國過江龍炸雞店NeNe Chicken，大家冇聽過都可能記得係劉在石做代言人！ 小編發現餐廳最近推出秋季限定，係用橘子做主題！ 仲推出咗二人套餐，咁就咩款都可以試少少啦～ 小編：嘉儀（FB page: 嘉儀 / IG: chongkkayee） ==================== 二人套餐($358/2人用) 三層架設計，好有high tea嘅感覺啊～～ 份量都幾多，有四款食物+兩杯飲品，兩個人食絕對夠飽！ 最頂層係限定口味嘅橘子蜜炸雞，仲有芝士龍蝦！ 熱辣辣食炸雞，皮脆得嚟、肉好嫩啊～～ 橘子蜜好好食！酸酸甜甜夠開胃！ 芝士龍蝦調味不錯，仲啖啖肉～勁快食晒！ 第2層係卡邦尼意粉，雖然有加橘子醬，不過小編就唔係好食得出～ 意粉味道不錯，不過略嫌有啲乾～ 最特別係有年糕，都幾煙韌！ 最底就係沙律喇～ 除咗有特別梨子汁之外，仲有橙、藍莓等水果，冇咁單調亦好fresh~~~~ 套餐仲包咗兩杯橘子特飲，小編就覺得沙冰的確唔錯！ 食飽之後可以解下膩！ 唔想由頭橘到尾？ 飲品可以免費轉其他無酒精飲品，賣相同味道都幾唔錯啊～ ==================== 全份橘子蜜炸雞 (有骨$168/無骨$178) 炸雞一碟起碼有15隻，真係好好好好夠食！ 小編真係好鍾意隻橘子汁啊 T_T 配炸雞真係食極唔膩！ 濟州嘅橘子出名就係人都知，用佢嚟整嘅橘子醬果然唔簡單！ 呢隻橘子秘製醬汁，韓國暫時都未有得再賣，所以今次真係終極限量喇～ *葵芳同元朗分店，仲有揀半份無骨炸雞～($85)   NeNe Chicken Hong Kong 旺角朗豪坊11樓30號舖 葵芳新都會廣場185號舖 元朗形點商場一期1026號舖   ==================== 放假去邊 更多好介紹: 快啲like我哋Facebook 同follow我哋Instagram啦!

    author

    【龍蝦迷必食】啖啖肉! 新鮮又彈牙~ 銅鑼灣足料龍蝦大餐!｜香港美食｜放假去邊

    [facebook url=”https://www.facebook.com/openholidays/videos/1925648474314708/”][/facebook] 龍蝦！龍蝦！全部都係龍蝦呀！ 銅鑼灣呢間餐廳專食龍蝦，超新鮮彈牙，而且啖啖肉～絕對對得起個價錢㗎！ 鍾意食海鮮嘅朋友仔記得mark低喇～ 小編：嘉儀（FB page: 嘉儀 / IG: chongkkayee） ==================== 龍蝦包 $148 見到兩大隻龍蝦鉗，已經流晒口水！ 麵包係用牛油烘過，微脆得嚟又好鬆軟～～ 絕對足料，啖啖都食到龍蝦肉！ 小編覺得加埋龍蝦汁，係更加惹味！所以一定要點/直接倒落去食 😛 無呃你！呢個龍蝦包，係小編係香港食過最好食！ 果然係招牌菜啊～ ==================== 烤全隻波士頓龍蝦 $358 一上枱真係覺得好大份！ 套餐仲包埋一大兜新鮮炸薯條、沙律菜！ 龍蝦真係好大隻兼啖啖肉～仲有唔少龍蝦膏！ 就連鉗都好厚身，而且好容易就起到肉～ 好新鮮，肉質好爽口！ 龍蝦淨係用鹽輕輕調味，所以食到淡淡嘅海水味～ 但係絕對唔腥！龍蝦迷一定好鍾意！ ==================== 龍蝦意粉 $168 呢個意粉係自己倒龍蝦湯，重口味嘅小編梗係倒晒啲精華落去～～ 龍蝦肉依然好好食，無諗過就連意粉都好吸味！(又唔會因為浸得太耐而淋晒~~~) 小編覺得都幾似日式沾麵，哈哈！ 啲意粉好掛湯啊～每一粒都吸盡龍蝦汁，啖啖都好濃郁！ ==================== 法式龍蝦湯 $58 龍蝦湯會包一件蒜蓉包，用個麵包嚟點湯飲就最正！ 吸吸吸吸吸晒啲味啊～～～～～ 個湯比較杰身，未飲已經睇得出係好足料！ 飲落只能說一句：超！級！濃！郁！ 海水嗰種鮮味好重，所以一定要襯熱飲～   呢碗龍蝦湯，簡直就係藝術… 好似咖啡咁拉晒花哈哈！ ==================== 同小編一樣有選擇困難症？又想食龍蝦盛宴？ 可以直接嗌龍蝦餐 ($728)，咁就唔洗煩又咩都試到晒～～ 快啲嗌埋你個friend一齊去享受龍蝦大餐啦~~~~~~ Hungry Lobster 地址：銅鑼灣登龍街18號V Point地下3號舖 […]

    author

    旺角cafe攻略(下集) 懷舊風VS新派型格! 定係想聽現場音樂?| 假日好去處 | 放假去邊

    全港獨家水晶雙層巴士，用創新方法、舒適空間和特色美食帶你遊香港。 港人限定優惠，持香港身份證人士， 訂位時輸入『OpenHolidays』優惠碼，即享75折優惠! 特價：$285/一位 (原價：$380) 訂位及包車詳情：www.crystalbus.com.hk =============== 旺角cafe數都數唔哂，想搵有特色嘅cafe點算好? 我地為你搜羅6間與別不同嘅cafe~!! 今集三間cafe都唔同style，你鍾意新派型格定懷舊幽默風? 定係特別聽吓現場音樂?  總有一間啱你心水~ 延伸閱讀：旺角cafe攻略(上集) 3間花草系文青空間：http://opentour.com.hk/?p=59106 小編：Jaime（IG: jaimehomusic） ==================== Coffee Jobs 全店裝潢以廚具用品為主題，有落地玻璃，室內有各種燈飾，光線充足。 下午茶set：包一客餐飲(黑咖啡或拿鐵)，蜜糖燒南瓜沙律 $68 雖然係下午茶，不過沙律份量絕對唔少! Latte都唔錯，入口幼滑，又唔會苦~ 地址：旺角廣華街3號百利達廣場地下3號舖 =============== 呼吸咖啡 鍾意live music嘅你，可能都有聽過呼吸咖啡個名，間中週日會有本地音樂人喺其中一層開小型音樂會。 每一日最早開放嘅樓層為4樓，鍾意可以坐室內、室外都得。 室內有漫畫書比客人拎嚟睇。 Lunch Set $128 (木斯里生果沙律+意粉一款+$42以下飲品一杯) 木斯里生果沙律，有乳酪、純燕麥片及新鮮香蕉、蘋果、提子乾等。好味有驚喜! 微辣乾蕃茄煙肉鴨胸磨菇意粉，微辣嘅蕃茄汁令成碟意粉都好好味，仲有油浸乾蕃茄及芝士粉作點綴。 雜菌黑松露意粉，一上桌就聞到黑松露味，入口有忌廉香味，整體不錯但略嫌多咗少少油。 飲品方面，推介兩款特色飲品 (跟餐按原價減$20)： 西班牙冰咖啡 $49，特別之處係細心製作嘅咖啡冰棒，冰溶咗都唔會減低咖啡味！ 女士最愛嘅玫瑰朱古力沙冰 $59，用嚟打卡就最啱啦！朱古力味濃厚，亦混合咗玫瑰味。 地址：旺角登打士街恆威商業中心3至7樓 =============== 老二花廳 除咗店名夠懷舊，一入嚟就會見到綠白色格仔地板、二手懷舊物品及書籍佈滿每個角落，好有文藝感覺。 更特別之處係四幅帶有諷刺色彩嘅牆畫。 晚餐set (餐湯或沙律 + 主菜一款 + 飲品一杯 + 甜品一客) 海鮮帶子扁意粉餐 $158 […]

    author