萬柱海岸的山頂有個疊石陣，畫面非常壯闊。 打卡一流！ 疊石寓意祈福或避凶，相信都係到達山頂嘅山友疊成。祈求平安順利。 望住海景疊石都幾浪漫~ 新年去行個大運，疊石祈福，祈求來年平安。 路線大概三小時。 建議路線：萬宜水庫東壩-花山-萬柱海岸-撿豬灣-萬宜水庫東壩 前往方法：9A專線小巴來往北潭涌至東壩 -服務時間為逢星期日或公眾假期：1500-1800（每20-25分鐘一班) 圖片來源：@hiking.life_kei、@trish.journey
前深水埗配水庫去年政府希望清拆後引起一眾社會輿論，因其建築與古羅馬建築設計相類似，後於2021年3月被評定為一級歷史建築物，建築物內嘅混凝土拱形天花、仿羅馬紅磚及花崗石柱都好值得參觀。 水務署宣佈由2021年12月1日市民可內進參觀前深水埗配水庫，如果大家都想參觀就記住要預約參加水庫導賞團，導賞團每次為時約九十分鐘，可以參觀配水庫的內、外設計、建築結構，仲會介紹九龍食水供應系統發展歷史等，讓市民親身了解和欣賞這座歷史建築。 為保護配水庫嘅外露部分免被風化侵蝕而裝設的玻璃天窗。 另外，同時為咗導賞團而設嘅改善工程，例如內部照明、通風和消防設備、架高地台通道、便利進出設施。 、 雖然水務署人員表示可以觸摸，但大家切勿過度敲擊墻身，要保護文物。 深水埗配水庫導賞團：【預約網站按此】 圖片來源IG：@iamline819、@hkreminiscence
打卡必到！2018澳門光影節開鑼喇！ 全澳門都充滿燈飾，聖誕節又多一個好去處了～ 今年澳門光影節主題係「時光澳遊」，有5個光雕表演、唔同VR互動遊戲、燈飾裝置、文創夜市！ 而澳門作為UNESCO創意城市美食之都，今年仲首設光影美食車、美食夜市～ 小編教路：跟住3條路線行！咁就唔會錯過任何特色景點啦～ =============== 路線1 -《與時光玩遊戲》 呢條路線必睇嘅梗係大三巴！ 今年喺大三巴嘅光雕表演，除咗有澳門當地隊伍，仲首次邀請到葡萄牙、比利時隊伍！ *光雕表演每半小時一次，每次約五分鐘（第一場於7pm；最後一場於9:50pm） 之後可以去附近影靚相，其他燈飾裝置都好靚㗎！ 聖誕節喺呢啲靚靚燈飾下面影相，都咪話唔靚～～～ 喺瘋堂斜巷都有唔少打卡位～ 呢個掛滿發光燈籠嘅地方，行入去都覺得浪漫啊～～ =============== 路線2 –《青蔥時光》 呢條路線以南灣湖水上活動中心為重點！ 小編話你知：一定一定要嚟玩今年新增嘅VR啊～ 參加者只要戴上VR眼鏡、機械臂，就可以享受360度飛翔體驗「遨遊澳門」喇！ 跟住就要睇埋「時空熱氣球」！ 唔同顏色嘅發光熱氣球，勁靚～ 影相打卡一流～ =============== 路線3 –《尋味歲月》 又想感受澳門光影節，又想享受美食？！ 呢條路線啱晒你喇！ 路線喺北帝廟前地、氹仔街巿一帶，可以順便去埋「美食夜巿」～ 黑糖珍珠奶茶、日式章魚燒係小編比較推薦！ 行過覺得肚餓，可以買嚟食下～～ 一啲特色嘅景點，就連樓梯都會著燈～ 全個澳門都畀光影燈飾包圍啊～ =============== 必換禮品！發光棉花糖/飲品、環保袋 2018澳門光影節仲有光影美食車～ 喺康公廟前地、南灣湖水上活動中心、龍環葡韻都有！ 喺光影美食車可以索取活動資訊，換領發光飲品、發光棉花糖、紀念品！ 記得去換埋先好走啊～～～ 只要影任何2018澳門光影節照片，分享到Facebook/Instagram/微信/微博等社交平台… 然後加Hashtag #2018澳門光影節，集齊20個Like就換到喇～ 仲有得換環保袋！只要… 1. 分別同3隻指定地點嘅麥麥影相 2. 分享這3張相片到Facebook/Instagram/微信/微博等社交平台 3. Hashtag #2018澳門光影節 =============== Download個app就更方便！ 等小編教精你！ 預先下載「2018澳門光影節」手機應用程式，就可以知道最新活動詳情、具體時間表！ 或者關注澳門特區旅遊局嘅微信公眾號都得！ =============== 2018澳門光影節 […]
聖誕放假去邊好？梗係約齊班friend上PartyRoom玩啦！ 呢間PartyRoom超抵玩！有粉系波波池、有得Cosplay換衫影相，仲有間佈滿燈飾嘅房，最啱搞浪漫Surprise~~~ 唔止影到靚相，仲好多嘢玩！ VR、Switch、唱K、桌球乜乜乜，多到數唔晒啊！ [facebook url=”https://www.facebook.com/openholidays/videos/1933546313524924/”][/facebook] 小編：嘉儀（FB page: 嘉儀 / IG: chongkkayee） ==================== 聖誕佈置好靚啊~~~ 女仔一定可以狂影相！ 仲有粉色系嘅氣球畀你做道具！ ==================== 仲有個粉系波波池啊！ 簡直就係少女心大爆發！ 仲有大大隻氣墊公仔畀你坐住影相～～ ==================== 最特別係有間佈滿燈飾嘅浪漫房！ 最啱搞驚喜畀生日/求婚嘅朋友～ ==================== 有好多卡通人物/角色造型嘅Cosplay衫畀你換～ 等你可以著住，周圍係PartyRoom影相！ ==================== 有得唱K，又有跳舞機！ 睇嚟小編係時候換行，做唱跳歌手了～～～ ==================== 想打機？呢到一樣有～～ 有得玩VR打怪獸、嚇餐飽！仲有好受歡迎嘅Switch、Wii、PS4！ ==================== 小朋友嚟到都唔會悶！ 因為有專為小朋友而設嘅大型滑梯啊～連小編都玩到樂而忘返！ ==================== 煮食爐具好齊備，幾個朋友想煮飯仔都得！ 仲有部棉花糖機啊～又有得玩又有得食～～ ==================== 其他基本PartyRoom有嘅娛樂設施，呢到當然都有啦！ 仲唔快啲約埋班Friend，放假一齊上嚟玩？ DuDu PartyRoom 地址：荃灣沙咀道榮豐工業大廈 WhatsApp：(852) 52389749 ==================== 放假去邊 更多好介紹: 快啲like我哋Facebook 同follow我哋Instagram啦!
嚟到旺角區，食啲咩嘢好？ 旺角咁多嘢食，的確好難樣樣試。 求其行入一間餐廳又怕中伏，又貴又唔抵食？ 想知旺角有咩好食、抵食、最多人食？ 跟住平民美食地圖，教你由太子出發、一條路搵盡平價美食啦！ [youtube youtubeurl=VQEmXpLSDwc][/youtube] 小編：嘉儀（IG: chongkkayee） 第一站：津津好好味（麻辣小雲吞 $20/12粒） 雲吞皮好薄，仲要好抵食、19蚊仲要有12粒！ 麻辣味好香，食得辣嘅朋友一定要叫麻辣！ 地址：太子長沙灣道51號地下 第二站：利口福快餐店（沙嗲牛肉包 $16） Sell人情味嘅呢間細舖，所有沙嗲牛肉包都係即叫即做！ 熱辣辣放入口，好好味啊～～～ 地址：太子界限街43號恆富大廈地下1號舖 第三站：金華冰廳（鮮油菠蘿包 $10） 呢個菠蘿油出名到攞獎，一定一定一定要新鮮出爐嘅時候買！ 包夠熱、牛油夠凍，邪惡到肥10磅都要食！ 地址：太子弼街47號地下 第四站：奇趣餅家（紅豆燒餅 $5） 要喺香港搵到紅豆燒餅，其實唔難 不過要搵到啖啖紅豆嘅足料版，應該就非奇趣莫屬喇！ 地址：旺角花園街135號地下 第五站：Modos（流心蜂蜜雞蛋仔 $23） 雞蛋仔即叫即整，心急嘅朋友仔要畀啲耐性～～ 記得要快啲食，雞蛋仔凍咗淋晒就冇咁好味！ 粒粒雞蛋仔都有蜂蜜爆珠，一放入口就有流心效果～ 地址：旺角花園街174號A1舖 第六站：Candy Shake（抹茶芝士流心撻 $20） 覺得原味芝士撻太寡？加埋抹茶又啱唔啱你口味？ 其實仲有好多種口味任你揀！ 記得記得，店員話趁熱食先流心㗎～ 地址：旺角登打士街55號 係咪睇到好肚餓呢～～ 有齊哂地址，下次去到旺角就唔怕冇啖好食啦！ 仲唔即刻出發去旺角掃街？ *文中食物價錢只供參考* ——————————– 放假去邊 更多好介紹: Facebook Instagram
大圍近年越黎越多小食店~ 唔少人都會去大圍踩單車，出發前後梗係掃街填肚啦！ 至於好似小編呢啲唔鍾意做運動嘅，哈哈，掃街同去文青cafe打卡就夠啦~ 記者：Jaime （FB: Jaime Ho / IG: jaimehomusic） 1. Snapsy 一出大圍站就見到佢，位置超級方便！ 香蕉朱古力杏仁脆脆班戟 (加雪糕$10) $37 超多意大利雪糕，正呀!!! 所以食咗好耐先到香蕉朱古力餡料~ 地址：大圍村南道41號地下(大圍站A出口對面) ==================== 2. 華輝小食 手撕雞腸粉 $28 可以選擇原味至七級辣~ 小編呢個就係一級辣。手撕雞好嫩滑~舖頭堅持芝麻醬要用石磨，夠哂誠意! 腸粉仲keep到熱!! 一盒就滿足到小編兩個願望^^ 地址：大圍積福街積壽里4D號地舖 ==================== 3. 康和車仔麵茶餐廳 蜜汁龍鬚$34 一上菜已經聞到勁香!!!事關小編係個魷魚迷，呢碟真係唔可以錯過! 魷魚爽口彈牙~ 醬汁因為落咗片糖、冰糖，味道甜甜鹹鹹，煮得好香口~ 地址：大圍積富街40號 ==================== 4. Dear Coffee and Bakery 門口係俾客人等位嘅時候坐，非常貼心~ 當日下午冇咩人唔洗等位，小編即刻影返張相打卡! 主打自家手工麵包，用天然酵母發酵，食得健康人都開心啲！ 100%紫薯包 $33 Utopia (matcha+expresso) $48 Utopia係咩呢? 原來係綠茶加濃縮咖啡~ 朱古力拉花超靚呀(心心眼) d cream多到呢~~正! 地址：大圍積運街2-8號海福花園地下22號舖 ==================== 5. […]
咦 小丸子! 呢度咪係意大利嚟嘅?! 哦~ 原來係小丸子展! 今次嘅展覽配合電影《櫻桃小丸子：來自意大利的少年》, 係以意大利做背景~ 等小編同大家搵下邊d影相位一定要影啦! 必定要影嘅 當然係企喺許願池中間嘅小丸子啦! 你睇下小丸子條裙仔係咪好靚靚呢~ 有花輪同學為小丸子同你撐船, 係咪好想坐呢^0^ 呢個係熱門影相位! 排哂隊! 仲有永澤同學賣Gelato~ 好拍檔! 大野+杉山~ 真理之…野口! 其實野口同學都可以好靚女~ 夜晚去玩埋星空迷宮 好浪漫*v* 咁多隻小丸子! 想同佢地每一個selfie呀~~ (部份照片 轉自 The ONE facebook) 展期至 2016年8月31日 地點: 尖沙咀 The ONE ———————————- 放假去邊 更多好介紹: facebook Instagram
