Tag: 日文

每年1月-5月係日本士多啤梨季， 所以日文嘅日文名都係取1（いち）同5（ご）嘅發音而得名， 想瘋狂食士多啤梨？ 咁就唔可以唔知以下士多啤梨甜品嘅日文喇~ 士多啤梨奶油蛋糕（イチゴショートケーキ） 最經典嘅士多啤梨甜品！ 日文讀音係「ichigo – shotokeki」， 鬆軟嘅海綿蛋糕夾上鮮奶油內餡，蛋糕外層都有滿滿鮮奶油，加上頂端嘅士多啤梨點綴，真係睇到都好想食啊~~~ 草莓大福（いちご大福） 日式甜品草莓大福，日文讀音係「ichigo – daihuku」， 粒粒紅豆加上一整粒士多啤梨，酸酸甜甜嘅滋味真係絕配！ 士多啤梨軟雪糕（いちごアイス） 正所謂夏天要打邊爐、冬天要食雪糕， 講到雪糕點會少咗「ichigoaisu」啊？ 士多啤梨新地（いちごパフェ） 士多啤梨新地「ichigo – pafe」同士多啤梨軟雪糕唔知點選擇？ 計小編話，一於食哂兩款佢！ 士多啤梨塔（いちごのタルト） 喺酥脆餅皮同滿滿吉士醬上面鋪上滿滿士多啤梨， 士多啤梨控一定唔可以錯過「ichigo – daihuku」，大滿足啊~~ 士多啤梨果醬（いちごジャム） 士多啤梨果醬「ichigo – jamu」加埋乳酪或者麵包食， 再平淡嘅食材都變得超甜蜜~ =============== 放假去邊 更多好介紹: 快啲like我哋Facebook 同follow我哋Instagram啦!

By staff1

February 22, 2018August 5, 2022

小編最鐘意去日本旅行~ 咁多漢字，唔識日文都可以自由行周圍玩冇難度~ 但係原來…有好多日文漢字同中文差好遠㗎， 旅行前要睇睇，以防去日本鬧出笑話XD 切手（きって） 照字面睇仲以為係攞刀切落自己隻手度， 其實係指郵票咁解，喺郵局一定會見到嘅字~ 床（ゆか） 如果喺日本有人叫你訓「床」，千祈唔好制啊~ 因為日文漢字「床」係指地板，叫你瞓「床」即係叫你瞓地板啊~ 泥棒（どろぼう） 「泥棒」唔係指沾滿泥嘅棍，而係小偷咁解~ 偷內衣褲嘅小偷可以叫做「下着泥棒」（下着即內衣）~ 手袋（てぶくろ） 見到「手袋」大減價唔好開心得咁快住，因為日文漢字「手袋」指係嘅手套~ 而出街用嘅袋係かばん又或者バッグ先啱啊~ 汽車（きしゃ） 轉火車見到「汽車時刻表」，以為去錯地方？ 其實日文漢字「汽車」即係火車，「自動車」（じどうしゃ）先係我地平時搭嘅車啊~ 老婆（ろうば） 中文會用「老婆」叫自己太太， 不過日文「老婆」係指老婆婆、上咗年紀嘅女人， 如果想叫自己太太，就叫「家内」 (かない) 或者「妻」 (つま）喇~ 丈夫（じょうぶ） 「老婆」唔同意思，「丈夫」亦都唔係指老公咁解， 是解健康、強壯，而「大丈夫」就係「冇問題、唔好擔心」嘅意思， 想同人地自己老公就要用「夫」（おっと）~ 風船（ふうせん） 日文「風船」指嘅唔係一隻船，而係氣球咁解~ 日文都有「気球」（ききゅう）呢個詞語，不過係解熱氣球~ 玉子 /卵（たまご） 玉子和卵都可解作蛋， 但「卵」係指未煮過嘅生蛋，「玉子」係熟蛋， 唔好搞錯啊~ 人參（にんじん） 喺日本人地話請你食「人參」，唔好以為係高級食材， 其實「人參」係紅蘿蔔咁解，而白蘿蔔嘅漢字就係「大根」（だいこん）~ =============== 放假去邊 更多好介紹: 快啲like我哋Facebook 同follow我哋Instagram啦!

By staff1

January 19, 2018August 5, 2022