成日去旺角都唔知食咩好？ 推介去試下呢間Cafe，Cafe嚟講都幾多嘢食~ 主打泰西Fusion料理~ HA!蝦飯堡 配脆脆薯角&雜菜沙律 泰式風味魷魚鬚金柚沙律 配厚切蒜蓉烤多士 泰北酸酸腸 (9) 冚棒唥 地址：旺角廣東道983號廣福大廈地下D號舖
全新歐陸風格的70s Food Dining by Vintage House 登陸尖沙咀，場內設有七間各具特色嘅餐廳！ 橫跨兩層，地面美食廣場佔地 5,000 平方呎，加上一樓餐廳Earth佔地2,500平方呎。 維多利亞風格拱形扇門通向寬敞的用餐空間，大堂的復古吊扇、遍佈各處的竹燈和懷舊翠綠色調，好適合打卡。 亞洲香味屋，可以品嚐到馬來西亞和新加坡的地道東南亞風味咖哩，風味正宗的文昌雞、肉骨茶，由前文華東方廚師興叔精心炮製。 泰 GRILL，泰GRILL由泰國廚師主理，每道菜都充滿正宗地道的滋味，當中包括特色名菜冬蔭功湯、泰式燒魷魚及串燒組合，包括豬肉、牛肉和雞肉串，搭配秘制花生沙爹醬和泰式生蝦刺身汁，充滿泰式燒烤風味。 凱之味悉心呈獻多款健康素食。凱之味大量選用純素食材，客人可為自己的車仔麵揀選更健康的配料，其菜式之一蔬河鍋，包羅十種不同配料，湯底分別有番茄、咖哩和自家製口味。 馬麻辣（Ma Spicy Cuisine）主打四川水煮系列，蘊含四川麻辣湯的精髓，用料包括來自重慶、雲南、印度及四川的四種精選辣椒。其他香辣佳餚，包括酸菜辣椒水煮魚、蒜泥白肉及辣椒醬蒸雞（又名口水雞），及自家製足料燉湯。 Treasures Burger提供的「珍堡」，餐廳嚴選美國安格斯牛肉製作的漢堡扒，鮮嫩多汁，肉質和牛脂比例平衡恰到好處，賓客可自選不同配料，份量驚人。 意日Fusion餐廳 ─ Earth 除了選用新鮮空運到港的日本食材外，其醬汁及配料都各有特色，著名的菜餚包括：蜂蜜烤慢煮巴巴拉鴨胸配檸檬和日本枝豆醬及柚子汁、吞拿魚他他配芥末醬、迷迭香炭燒羊架，以及波士頓龍蝦配北海道帶子扁意粉。賓客亦可選宇治抹茶意式奶凍作甜品。 美食廣場內的Earth 520飲品吧亦配備種類齊全的各式飲品，除了一貫茶餐廳經典飲品以外，更提供鮮果茶、梳打、珍珠奶茶等，一應俱全。 主打的蝶豆花梳打更是必試之選，切勿錯過。 70s Food Dining by Vintage House 地址：香港尖沙咀加連威老道46號地下及一樓 電話：+852 2866-0111
位於九龍城嘅人氣早餐店，餐廳嘅All Day Breakfast 可供客人自選配料，確保每款食物都係客人自己心水~餐廳嘅皇牌絕對係All Day Breakfast，高峰期日賣80份，好受歡迎！即刻睇有咩食！ 屯馬線開通除咗可以嚟九龍城食泰國菜，仲可以食埋呢個All Day Breakfast喔~ 配料非常豐富，有龍蝦、煙肉、大啡菇、番茄等等。 配埋個流心班尼迪蛋就perfect喇~ 仲有肉眼扒食。 大家經過不妨過嚟試下喇！ The Yell-Owl seafood & grill 地址：九龍城福佬村道5-9號地下C 時間：10:00-22:00 電話：2336 6835 圖片來源：@hkfoodblogca、@zingchanphoto
都市人工作忙，好難有機會識朋友，趁住中秋佳節，參加情緣燈謎之旅，佳人才子樂悠悠！ 如果你係30至45歲嘅單身人士，機會嚟啦！ 活動行程都好豐富呀，可以參加工作坊一齊製作水墨畫燈籠，通過互動增加大家對彼此嘅了解！ 自製燈籠在水墨畫及書法導師Sue Yuen帶領下進行，其書法師承著名書法大師華戈先生，並以書法神交前賢、廣結名師。 Sue自幼擁有美術天賦，1999年於大專畢業後從事14年美術行業，及後自2013年至今專業從事水墨畫及書法教學， 曾接受電視台及各類雜誌採訪，其水墨畫、書法作品曾參加各類書畫展，備受好評。 晚餐可享用泰式晚餐，環境頗有異國風情，令人放鬆。 晚飯後可以坐開篷巴士，一齊賞月。 另外，透過其他精心設計的互動遊戲，讓大家增進了解。 詳細行程如下： 情緣燈謎之旅 (名額已滿) 出發日期：2021年9月18日（活動前會有專人聯絡預約面談） -專人面談了解參加者喜好及興趣，保留記錄，永久服務 參加年齡：30-45歲之單身人士 集合時間：下午2時正 集合地點：Focus工作坊（旺角彌敦道574-576號和富商業大廈5樓全層） 費用：每位HK$880 【升級優惠】情緣燈謎之旅+一晚城景酒店（單人房）住宿連自助早餐 每位HK$1300
香港人一向鐘意食泰國菜，今次就搵嚟5款泰國菜食譜， 大家趁多咗時間留喺屋企，不妨試整喇！ 泰式蝦醬炒飯 材料：白飯2碗、雞蛋4隻、蝦仁100克、蒜頭4瓣、辣椒仔2條、紅蔥頭2個、蔥1條、蝦醬2湯匙、鹽適量、胡椒粉適量、砂糖適量、魚露適量 將蝦仁洗淨，用廚房紙印乾，再用鹽、胡椒粉以及砂糖醃製10分鐘 將蔥、紅蔥頭、蒜頭以及辣椒切碎 打蛋備用 用中大火落油預熱炒鑊，加入蝦仁略炒，差唔多煮熟就拎起備用 爆香蔥、紅蔥頭、蒜粒、蝦醬 加入白飯，將飯炒至均勻 加入雞蛋炒到半凝固，再加入蝦仁以及辣椒 最後加入魚露炒勻就完成 泰式炒金邊粉 材料：金邊粉300克、雞蛋2隻、蝦仁100克、豬肉碎100克、豆乾適量、豆芽菜適量、芫茜適量、花生粉適量、泰式甜辣醬2湯匙、魚露1湯匙、檸檬汁適量 將金邊粉用溫水浸20分鐘至軟身，瀝乾撈起備用 落油起鑊，打蛋炒熟備用 加入蝦仁、豆乾、豬肉略炒 喺碗混合泰式甜辣醬同魚露，加入上面步驟 將金邊粉加入鑊炒，如果金邊粉太乾，可以加少少水 加入炒蛋以及豆芽菜，快速炒勻上碟 最後灑上花生粉、芫茜，以及淋上檸檬汁即成 泰式青咖哩雞 材料：泰國茄子8個、冰鮮雞半隻、椰漿200毫升、青咖哩醬3湯匙、洋蔥半個、南薑半個、檸檬葉少許、椰糖適量、魚露適量、泰國羅勒適量、紅辣椒適量 落油熱鑊，洋蔥、南薑以及雞件炒至白色後備用 炒香咖哩，可以落少少水至香味散出 加入雞件，再加少少水冚蓋煮8分鐘（視乎雞件大小） 加入泰國茄子至水滾，轉細火加入椰槳至微滾 最後加入泰國羅勒及紅辣椒做裝飾就完成 千層斑蘭椰汁糕 材料：椰漿1000毫升、木薯粉500克、砂糖200克、斑蘭葉15塊、水200毫升 將椰漿、木薯粉、砂糖同水攪拌 班蘭葉剪碎，加入清水，放入攪拌機攪成班蘭汁，隔渣備用 將粉漿過篩去除結塊之後，分為一半，其中一半加入斑蘭汁 倒入斑蘭汁粉漿，大火蒸3分鐘至熟，再倒入白色粉漿，蒸3分鐘至熟，重複以上步驟直至粉漿用完 最後一層粉漿蒸15分鐘，確保千層糕全部蒸熟 放涼後脫模就完成 椰汁西米糕 材料：西米25克、砂糖、椰奶50毫升、熱水40毫升、水40毫升、砂糖20克、鹽少許、生粉15克、粟米幾粒（裝飾用） 先將班蘭葉洗淨抹乾，剪出20cm長度，每隔4cm距離剪一刀，總共有5段 再將剪好嘅班蘭葉圍成正方形，交接處可以用牙簽或者膠紙固定 西米加入滾水煮5分鐘，熄火冚蓋焗20分鐘 西米過冷後再加熱，加5克糖攪拌 西米放入班蘭葉盒至一半滿 將糖及鹽加入熱水攪勻；生粉加入水攪拌 椰奶用細火煮滾，先加入糖水 椰奶再煮滾之後，將生粉水分三次加入，中間不停攪拌 將椰漿加入班蘭葉盒，加上粟米粒做裝飾 最後放入雪櫃冷凍兩個鐘即成
香港有唔少泰國餐廳，灣仔石水渠街都有一間好值得介紹！ 呢間餐廳嘅老闆係澳洲人，曾經喺泰國工作，本身對泰國菜充滿濃厚興趣～ 加上又有唔少做廚師嘅經驗，喺2016年終於決定開一間屬於自己嘅餐廳！ [instagram photo=”BtOaSslgY4V”][/instagram] 雖然以香港泰式餐廳嚟講，呢度嘅定價比較高，但依然人氣不減！ 更加有唔少人願意花成個鐘頭嚟排隊，為嘅就係呢碗招牌和牛船麵！ [instagram photo=”BtcXLzlhp65″][/instagram] 呢度嘅香料同食材堅持採用泰國產地，務求煮出最地道好食嘅食物！ 睇佢嘅湯底真係好濃郁，味道鮮甜！ [instagram photo=”BuOpbC5HYf6″][/instagram] 和牛煮得恰到好處，充滿牛羶味！ 仲有牛肉、牛腩嘅肉質相當鮮嫩，自家製牛丸亦爽口彈牙！ [instagram photo=”Bs2p8LShElm”][/instagram] 配埋脆卜卜嘅炸豬皮～加分！ [instagram photo=”BtNYEZ6nqy1″][/instagram] 船麵份量亦足夠，吸收哂湯嘅精華～ 食落好惹味！難怪會吸引一班食客慕名而嚟幫襯～ [instagram photo=”BtYQMpthzET”][/instagram] 泰麵 地址：灣仔石水渠街68號地下 =============== 放假去邊 更多好介紹: 快啲like我哋Facebook 同follow我哋Instagram啦!
吃貨福音！「第18屆澳門美食節」終於到喇！有成超過150個美食攤位，果然係美食之都～ 今屆嘅主題係「百變心情好煮意、美食之都譽全球」，一共有5大主題街，同埋1條新加坡村！ 全球嘅美食，呢到都搵得到！點可以唔嚟掃晒佢？！ =============== 海鮮控注意！必掃歐陸美食街 鍾意食海鮮嘅朋友仔，Mark實呢條「歐陸美食街」喇～ 龍蝦、生蠔、帶子… 有！蒸、燒、煮、炸… 齊！ 小編大大大愛～ 仲長過小編塊面嘅「蒜蓉波士頓龍蝦」！ 新鮮惹味之餘，仲啖啖肉！ 鍾意食龍蝦嘅朋友仔，可以試埋其他款～ 激多芝士嘅又得，加咸蛋黃嘅亦得！兩款都好吸引啊～～～ 燒生蠔都係必食～ 望到成排蒜蓉燒生蠔已經流晒口水喇～～～ 芝士控就一定要揀芝士燒生蠔～ 芝士夠多、夠濃，生蠔燒完仲keep住大大隻！ 日韓台泰菜！亞洲美食街 亞洲咁大… 你今次真係咩都食得晒啊！ 日本菜、韓國菜、泰國菜、越南菜、台灣菜，應有盡有！總有一款啱你心水嘅～ 芝士鰻魚包 必必必食呀！ 厚切嘅燒汁鰻魚夠晒香、配埋芝士一齊食，沒有不好吃的理由！ 爆丼都係全場焦點～ 小編特別推介：原條鰻魚左口魚、三文魚子蟹肉，兩款CP值都好高！ 四式玉子燒都好抵食～ 一個價錢可以食晒四款！芝士、紫菜、沙律醬乜乜乜… 選擇困難症都唔洗怕！ 亞洲美食嚟講，點少得台灣菜？！ 台式肉燥飯好吸引啊～～～ 每一粒飯都吸盡肉燥嘅精華！ 仲有好正宗嘅台南蚵仔煎，台菜控不能錯過～～～ 韓國菜嘅代表：韓式五花肉！ 豬腩肉嘅脂肪勁香～ 肥肉層次好分明～～～ 竟然仲搵到韓式傳統魚糕，必必必食啊！ 必必必食！新加坡美食 今屆美食節有成條「新加坡村」！ 你講得出嘅新加坡美食，呢到全部齊！等小編話畀你知，邊幾款夠正宗、最值得食啦～～～ 不能不食嘅，梗係咸蛋乜乜乜！ 呢到有咸蛋黃炸雞扒、炸薯條… 行過已經聞到好香喇～～～ 真．來自新加坡嘅海南雞飯！ 無骨就基本啦～ 再配埋油飯一齊食… 啖啖新加坡傳統味！ 仲有好重麻油香嘅手撕雞～ 份量好足、啖啖肉，食肉獸是時候出動了！ 去飲茶喇喂！超多款中式點心 點心控！「中式酒樓街」一定係你心水喇～ 可以食到茶樓嘅點心，間間都好地道！除咗粵菜之外，仲有上海菜、汕頭菜等等… 食得到嘅傳統味啊～～～ 蒜蓉蒸帶子全部都大大粒～ 40蚊就食到3隻，幾抵喎！ 中式酒樓嘅生炒糯米飯、辣酒煮花螺，呢到都搵得到～ […]
大埔美食多多～ 小編又有好介紹！就係食大埔泰國小店嘅菠蘿蝦炒飯！ [instagram photo=”Bbg7kfpFUxp”][/instagram] 呢個菠蘿蝦炒飯嘅顏值真係好高！ 仲係用原個新鮮菠蘿上碟～太強喇！ [instagram photo=”BcL6lkMg84u”][/instagram] 上面係大大串新鮮烤菠蘿.，仲有兩隻虎蝦襯托～ 虎蝦味道正正常常，菠蘿就幾清甜～ [instagram photo=”BmDrFXPnWan”][/instagram] 仲有勁多肉鬆！啱哂小編！！ [instagram photo=”BidciZdBOU6″][/instagram] 至於下面就係炒飯～ [instagram photo=”BbPGa4Rh_oO”][/instagram] 整體嚟講，份量都好多～ 性價比高，必叫必食！ 大家不妨試試～～ [instagram photo=”BgBoa9tnfsH”][/instagram] 木船 Wooden Boat 地址：大埔太和路34號 (翠怡花園地下) =============== 放假去邊 更多好介紹: 快啲like我哋Facebook 同follow我哋Instagram啦!