Open Tour
邊個話飲茶一定係公公婆婆嘅消遣活動？ 元朗有一間新派點心店， 唔止會不定時推出唔同唔公仔點心，而且仲好好食添啊～ 其中紫薯流沙煎堆仔係必食推介！ 紫薯煎堆皮薄香脆，紫薯嘅波波實在太靚啦～ [instagram photo=”BYYEefTn8yC”][/instagram] 一咬之下唔止有紫薯味，奶皇味都好出眾，兩樣加埋超夾！ [instagram photo=”BT1Jrf2g2Uy”][/instagram] 奶皇餡真係會流沙㗎！味道夠晒濃，記得要趁熱食～ [instagram photo=”BZNzWOplYYs”][/instagram] 成粒煎堆脆卜卜好好食！ [instagram photo=”BTtMoNDjS_s”][/instagram] 紫薯啊～流沙啊～拉埋你個紫薯迷朋友一齊去試新派飲茶啦～ 一哥點心 地址：元朗教育路89號鴻發大廈地舖 電話： 2780 1388 營業時間：8:30 -01:00 =============== 放假去邊 更多好介紹: 快啲like我哋Facebook 同follow我哋Instagram啦!
返工放Lunch會同老闆飲茶，放假就同屋企人飲茶，甚至有人鍾意宵夜去飲夜茶！ 雖然一盅得兩件、望落又細細件，但其實唔少點心蘊含好多脂肪！ 唔想一盅兩件，變成一啖兩磅？知道大概卡路里，識得揀嚟食就唔怕啦！ 文：嘉儀 點心類 蝦餃（1粒）：37kcal 可以放心食～～ 食多兩粒都唔怕！ 燒賣（1粒）：42kcal 卡路里唔算高，不過唔少燒賣都落咗肥豬肉！如果係鵪鶉蛋燒賣會更肥！ 鮮蝦腸粉（1條）：60kcal 算係腸粉家族中最低卡路里！如果牛肉腸/鵝腸就會肥好多！ 鮮竹牛肉球（1粒）：94kcal 牛肉球中暗藏肥豬肉！一粒起、兩粒止好喇～～ 鹹水角（1件）：170kcal 睇佢炸過嘅外皮就知道，卡路里不簡單啊～～～ 糯米雞（1件）：400kcal 食一件已經佔咗半餐卡路里Quota！ 入面足料（亦都好足脂肪），雖然飽肚不過同人Share就比較好喇～ 包類、糕點類 水晶包（1個）：38kcal 雖然餡料多數有加糖，不過都算低卡！食晒兩款味都唔怕～～ 蒸饅頭（1個）：60kcal 無餡饅頭本身唔高卡，但如果拎去炸、仲要點煉奶食，脂肪就同你Say hello喇～～ 蓮蓉包（1個）：88kcal 食一個都無妨！不過唔少酒樓加埋蛋黃入蓮蓉包中，咁就唔止88kcal喇！ 奶皇包（1個）：140kcal 流沙奶皇包真係好好食～～～間唔中放肆下啦～～～～ 叉燒包（1個）：160kcal 原來叉燒有好多肥膏，再加埋醬汁就更加肥了… （不要再說了，小編平時仲要係食叉燒餐包… 即係有蜜糖搽係包面嗰啲…） 馬拉糕（1件）：370kcal 以為無餡、蒸糕，等於健康？原來食一件已經有接近400kcal！ 入面又有豬油又有糖，好危險… 睇 住啊！ 雖然唔少點心卡路里都幾高，不過間唔中食下都無所謂嘅！ 計小編話齋，食得是福啊嘛！最緊要食得開心～～～ 唔食多啲，邊有力減肥？ ———————————– 放假去邊 更多好介紹: 快啲like我哋Facebook 同follow我哋Instagram啦!
