鍾意食日式烏冬、飲鯛魚湯嘅你哋，一定要試灣仔呢間烏冬店！ 餐廳主打鮮味鯛魚湯，聽講做法仲跟足日本！小編試完真心覺得勁香、勁濃郁，飲晒都唔會口渴！ 元祖叉燒鯛魚濃湯烏冬 $82 日式叉燒超大塊，而且勁香勁軟，小編真心推介！表面有微微炙燒，再配上特製醬汁，好惹味～ 配特濃鯛魚湯烏冬一齊食，真心正！ 龍蝦櫻花蝦濃湯烏冬 $138 估唔到係原隻波士頓龍蝦！呢個價錢真心好抵！ 啖啖肉，勁鮮甜，配合鯛魚湯底勁正～ 肉質鮮甜彈牙，勁多蟹膏、蟹籽！龍蝦迷不能錯過！ 松葉蟹帆立貝蟹棒魚子濃湯烏冬 $135 一碗有齊多款海鮮！海鮮迷首選啊～ 鮮甜鯛魚湯底，配合松葉蟹腳、帆立貝、蟹棒、魚子，仲有彈牙烏冬！勁正！ 蒲燒鯛魚腹定食 $98 香港好少會食到鯛魚腹，呢到竟然有！仲要係超級好食～ 蒲燒鯛魚腹魚油豐富，超嫩滑、入口即融！加上惹味嘅特製醬汁，配埋珍珠米真係一流～～ 石鍋鮑魚花膠鯛魚湯泡飯 $138 又想滋補又想食好嘢？呢個啱晒你喇！ 有兩隻鮑魚、兩大塊花膠，湯底同樣有濃郁鯛魚湯～ 呢個湯飯充滿膠原蛋白，女士必愛啊！ 鳥冬彈牙、湯底鮮甜濃郁，仲有咁多款選擇！ 你哋快啲去試吓啦～ 赤鯛 地址：灣仔灣仔道221A號天樂大廈地舖 電話：2357 4899
