Open Tour
夏日炎炎成日都好想食返碗冰凍糖水！就咁食好Dry？！呢款食譜幫到你搞搞新意思！ 材料非常簡單！只有三樣：乾玫瑰花、荔枝汁、木薯粉。 乾玫瑰花 30克 荔枝汁 75克 木薯粉 100克 先將荔枝汁加熱。鍾意甜啲嘅朋友可以再加少少糖！ 荔枝汁加熱至沸騰後熄火。 再快速將荔枝汁加入木薯粉。 快速不停攪動混合物。 之後就會結成粉團。 再加入乾玫瑰花碎混合粉團。 混合後再將粉團逐少搓成丸子。 煲滾熱水 水滾後放入丸子煮至熟透。 煮丸子期間可輕輕攪拌防止癡底。 熟透浮起就可以撈起。 隔水撈起放入冰水，冷卻後隔水撈起就食得！ 丸子可以加入甜品、糖水、鮮奶、椰汁或者飲品都得！ 煙煙韌韌仲有淡淡玫瑰香氣！快啲試下啦！
有上海餐廳推出全新季節限定「賞花嚐花饌」系列，多款滋味京川滬名菜皆以花入饌，包括玫莓脆脆豬頸肉、夢幻雲朵蝦球、漫天櫻花蝦炒飯、玫瑰醉迷丸子等等。 漫天櫻花蝦炒飯，櫻花蝦嘅鹹香同蝦仁配合以紅肉火龍果著色嘅炒飯，口感層次豐富，視覺同味覺同時感受到春日嘅柔和氣息！ 玫莓脆脆豬頸肉，秘製嘅草莓、玫瑰糖醋汁配上香脆可口嘅豬頸肉，醬汁精華被充份吸收，味道酸甜有口感！ 夢幻雲朵蝦球，大大隻蝦球，肉質爽脆配上櫻花蛋黃醬，入口鮮味彈牙，絕對係大人小朋友至愛！ 櫻花蝦粉粉拌麵 （堂食限定），櫻花蝦嘅鮮香同清新的青瓜絲互相輝映，配上即叫即整嘅粉紅手製拉麵，碗底備有蔥油，簡直為味蕾帶來無限驚喜！ 玫瑰醉迷丸子，每一粒煙韌嘅丸子都係人手搓成，陣陣玫瑰花香撲鼻，酒糟味道唔會好濃烈。 甜鹽物語櫻花特飲，採用鹽漬櫻花同口感十足嘅椰果，飲用時清新有層次，觀嘗時有如櫻花飄落，非常浪漫！ 翡翠拉麵小籠包 按此查詢各分店地址及營業時間（西環及機場店除外） 供應日期：即日起至2021年6月30日 供應時間：11:00-22:00（金鐘店11:00-21:00）
珀薈酒店嘅天台餐廳 Uptop Bistro and Bar 一向都極多好評！餐廳有室外位置提供，室外位可遠眺270度維港海景，環境高質 珀薈酒店餐廳推出盛夏玫瑰下午茶最近佢哋推出最新「盛夏玫瑰」主題下午茶，製作出多款精緻鹹甜點，款款都好靚 以充滿少女心嘅花束作裝飾擺設，配上旋轉托盤襯托各式鹹甜點啱哂同閨蜜一邊享用一邊打卡！甜點必試「士多啤梨玫瑰配泡芙」，用咗新鮮士多啤梨造成玫瑰模樣， 再配上忌廉泡芙串喺竹籤上，外型十足玫瑰花一樣，靚到唔捨得食！ 鹹點方面亦非常豐富，大家一定要試下人氣之選「煙燻三文魚花配意式軟芝士」 喺濃厚意式軟芝士上，放上捲成花形嘅煙燻三文魚片，口感豐富 下午茶亦會包埋飲品，有一系列熱茶或香濃咖啡提供 客人可每位加$32將餐飲升級至多款特飲，當中包括：「玫瑰荔枝梳打」、「玫瑰拿鐵」等等 鍾意飲酒嘅你亦可以另加$52將餐飲升級至特選紅、白或汽酒 另陫，酒店招牌「閃亮摩天輪」下午茶亦同時供應，大家可以啱自己口味嘅下午茶享用下午茶價錢： 星期一至五 $388/兩位 星期六、日及公眾假期 $428/兩位 另收加一服務費，分別包咖啡或茶 除咗下午茶，主廚 Chiu Ng 亦打造咗「環亞風味」五道菜主題晚餐 客人可以一試過食到集合咗中、日、韓、泰、越式嘅美食 晚餐前菜「虎蝦配木瓜蜜糖莎莎」，口感清爽開胃 餐湯可以二選一，分別有「泰式南瓜湯配椰奶布丁」同埋「韓式牛骨湯」可供選擇 主菜一共有五款畀大家揀 當中包括︰「香煎蒜蓉是拉差三文魚配泰式沙律」、「韓式雞卷配泡菜芝士薯條」、「日式豬腩串燒配大根櫻花蝦煎餅」、「越式羊扒配炸軟殼蟹」同埋「美國肉眼扒配中式烤薯及紅酒八角汁」，款款都好吸引！ 同時亦有甜品提供，款式可以二選一 分別有「北海道牛奶布丁配白桃果凍」或者「D24榴槤雪糕配朱古力脆筒」 晚餐包括咖啡或茶，每位可另加 $198 配上 3 杯紅/白葡萄美酒配搭 或可另加 $58 品嚐「紅莓真露特飲」或「香茅青檸梳打」 非常豐富！ Uptop Bistro and Bar 地址：尖沙咀漆咸道南 117 號珀薈酒店 19 樓 電話：(852) 2117 3526 電郵：[email protected] 營業時間： 早餐：7am -10am 午餐： 12nn […]
繼去年推出嘅「Le Petit Prince 小王子珍藏版成人八達通卡」瘋靡一眾粉絲後， 今年八達通同Le Petit Prince小王子再聯乘推出特別版八達通 以全新小王子經典場景同埋星閃LED燈作設計，收藏價值極高！ 「Le Petit Prince 小王子特別版八達通卡」嘅設計靈感源自《小王子》經典語錄︰「如果你愛著一朵盛開在浩瀚星海裡的花，那麼，當你抬頭仰望繁星時，便會感到心滿意足。」 所以特意用咗玫瑰為主要設計元素，而且呢款亦係八達通Facebook專頁舉行嘅網民投選中得票最高嘅設計，好受大家歡迎 八達通中嘅小王子於閃爍星空下守護住玫瑰，好吸引 除咗構圖唯美，星空中嘅一顆星星亦採用咗LED燈，當八達通接觸讀寫器上，卡面上嘅星星就會閃閃下， 會發光嘅八達通真係好特別！ 「Le Petit Prince 小王子特別版八達通卡」同其他八達通產品一樣，可用於乘搭公共交通或於全港約40,000個零售點消費購物 非常方便！ 購買詳情: 訂購方法：請首先成爲八達通銀包用戶，再透過八達通 App 訂購 售價：港幣128（包括郵費） 訂購數量：每個八達通銀包限購3張 送貨日期：2021年6月10日開始由香港郵政陸續派遞 網址 : www.octopus.com.hk
香港朗廷酒店推出BVLGARI主題下午茶，粉紅色主題勁吸睛，令人少女心爆發！ 今次酒店首度同寶格麗BVLGARI合作，會由2021年2月1日至3月31 日期間於廷廊限時推出「寶格麗玫香金漾」下午茶 以全新2021寶格麗限量版玫香金漾香水為創作靈感，餅房行政總廚Jean-Marc Gaucher特別設計玫瑰粉紅色主題下午茶 除咗展現到寶格麗獨有嘅品牌元素，同時亦配合咗朗廷酒店品牌專屬粉紅色嘅形象 下午茶主要以小桑莓同埋粉紅番石榴等天然食材製造，好味之餘仲好靚 非常適合打卡，而且令人少女心爆發！ 甜點用咗玫香金漾香水嘅主調香氛、玫瑰嘅獨有香味同顏色為藍本，打造多款可愛又好味嘅甜點 當中包括有櫻桃、櫻花流心嘅「玫香金漾」、有一顆閃爍可食用鑽石嘅小桑莓玫瑰朱古力「永恆寶石」有清新粉紅番石榴同柑桔味嘅芝士蛋糕慕絲「大膽築夢」，同埋佈滿罕有野生草莓嘅野生草莓柚子奶凍「跳脫不拘」，款款都好似藝術品咁靚！ 而鹹點亦非常吸引，當中包括「松露雞肉蘆筍三明治」、「意大利巴馬火腿配蛋黃醬」、「蘇格蘭煙三文魚卷配魚子醬」、「鵝肝慕絲配粉紅香檳果凍」 仲有包括自家新鮮焗製嘅鬆軟英式鬆餅同埋櫻花提子鬆餅，配以傳統德文郡厚忌廉、士多啤梨同埋玫瑰花醬食用，好好味！ 下午茶嘅飲品仲可以選配精選優質JING茶品或Taittinger香檳，如果想試吓玫瑰香味嘅Enchanted Rose雞尾酒亦可加錢享用 快啲約埋好姊妹去試吓啦！ 「寶格麗玫香金漾」下午茶 供應日期︰ 逢星期一至五︰下午3時至5時30分供應 周末及公眾假期︰下午2時15分至4 時15 分及下午4時30分至6時30分 供應日期︰由2021年2月1日至3月31日 價錢︰定價每位港幣398元、兩位港幣688元 / 飮品升級至Taittinger香檳為每位港幣588元，兩位港幣888元 地址︰香港九龍尖沙咀北京道8號
就快到情人節啦，諗咗買咩花畀另一半未呢！？ 主打高級絲花嘅本地品牌 Pavo Florals 會推出全新嘅玫瑰絲花禮盒， 充滿貴氣之餘亦夠哂得體 PAVO Florals於2019年由品牌創意總監 Juliet C. Lam 成立，係本地首個高級絲花品牌 Juliet 嘅爸爸父親有「絲花大王」嘅稱號，於業界有超過 40 年歷史，好多外國名人，甚至外國皇室成員都會挑選 Pavo Florals嘅絲花產品 由於絲花容易打理，而且永遠都唔會凋謝，耐看又美觀，好多人都會揀絲花做禮物！ 品牌更用咗Pavo Florals 首創「模仿真實觸感技術」嘅獨有製造技術，令絲花像真度更高，當你觸摸花瓣時會有濕潤感，就好似真花一樣！ 而且每片花瓣、葉子都會壓上由技師雕刻嘅紋理，再用人手為每朵花瓣塗上顏色，造工好用心 花束亦會有自家調配嘅獨特香氣，散發出淡淡清新保加利亞玫瑰芳香，比真花更完美！ 今次品牌只推出兩款花盒，當中 Pavo Florals玫瑰花盒採用品牌主打嘅麥當娜玫瑰Madonna Rose 呢款玫瑰比一般玫瑰大兩至三倍，非常搶眼，而且仲有靚靚嘅圓形禮盒，女朋友收到一定心心眼！ 呢款玫瑰花嘅顏色共有5種，當中包括︰紅色、紅色、漸變粉紅色、紫色同埋藍色 而花嘅數量分別有12枝、24枝、36枝同埋 50枝，顏色同數量都有代表唔同同浪漫意義，可以借花寄語 而且禮盒設計特別，盒蓋好似帽子一樣附加喺花盒背面，散發著法式高級感覺，喺出面好少見 伴隨花盒仲會附送心意卡，而且係由書法家親筆手寫，非常貼心 玫瑰花盒顏色分別有Pavo品牌嘅粉紅色、黑色同埋白色，Pavo 更免費為客人於盒身印上兩行英文字， 分別係英文姓名同埋英文語句，為你提供個人化服務 而另外亦有唯美浪漫嘅透明心形玫瑰花禮盒 Madonna Heart Box畀大家選擇 透明心形玫瑰花禮盒以不同顏色嘅麥當娜玫瑰同伊莉莎白玫瑰製作，心形花束夠哂浪漫 花盒有唔同顏色同大小嘅配搭，大玫瑰花盒共有13朵玫瑰，而細玫瑰花盒就有8朵玫瑰 別緻嘅透明禮盒外可以加上自訂英文名，打造一份獨特嘅情人節禮物 Pavo Florals依家更推出情人節限定優惠，將由1月16日至3月14日於尖沙嘴兩大型商場舉行兩場 Pop-Up 活動， 客人只要於網上訂購情人節花盒並親臨 Pop-Up 店提取產品，就可以獲送 Pavo Florals 全新玫瑰花香香水一枝(10ml) 真係機會難得！ […]
台南「阿鴻手工包子饅頭」出品嘅玫瑰饅頭喺IG超受歡迎！ 玫瑰造型嘅饅頭非常可愛，而且有唔同顏色唔同味道， 南瓜味嘅黃玫瑰、紅麴味嘅紅玫瑰等等～ 而且所有色素都係天然成分，大家打完卡可以放心食～ [instagram photo=”BqaIUsoH5Dm”][/instagram] 哇～一盤好靚嘅玫瑰花啊～ [instagram photo=”Bo37FQWh1nE”][/instagram] 造型非常神似！ [instagram photo=”Bu_mVPKANYJ”][/instagram] 顏色好鮮艷，打卡好靚！ [instagram photo=”BswXB_hFsQ0″][/instagram] 一定要買哂咁多款，款款唔同味～ [instagram photo=”Bq87spDAOqT”][/instagram] 白玫瑰，黑糖玫瑰，南瓜玫瑰，蝶豆花玫瑰，紫地瓜玫瑰同紅麴玫瑰 [instagram photo=”Bo_UPnPnOcv”][/instagram] 靚到唔捨得咬啊！ 阿鴻手工包子饅頭 地址：台南市北區西門路四段101號 電話：0980526802 時間：08:00–18:00（週日一休息）
日本「TOKYO TULIP ROSE」嘅鬱金香玫瑰造型餅乾一推出就大受歡迎，因為真係好可愛啊！ 「TULIP ROSE」係一款外型結合鬱金香同玫瑰朱古力甜品，外層係酥脆嘅餅乾，入面係入口即融嘅朱古力。 之前池袋專櫃店一開幕已經大排長龍，依家喺東京車站再開鋪頭！大家可以更加方便買到啦～ [instagram photo=”B74jiv6n6Ib”][/instagram] 三種口味，草莓加覆盆莓、焦糖堅果同芒果口味。 [instagram photo=”Bs4m7gzgGfO”][/instagram] 酥脆嘅餡餅加上鮮奶油朱古力，外層係由蘭朵夏餅乾包住～ [instagram photo=”B7fkYMAAeXG”][/instagram] 好可愛啊！ [instagram photo=”B73TfqZANkV”][/instagram] 每一粒都好有心思～ [instagram photo=”B7zhOkTJG44″][/instagram] 包裝咁大體，做手信一流～ 『チューリップローズ』 地址：東京都豐島區池袋1-28-1 西武池袋總店B1F (西武池袋商店) 東京都千代田區丸之內1-9-1 JR東京站1樓 (JR東京站商店) 價格：756円/4個裝、1,080円/6個裝、1,620円/9個裝、2,160円/12個裝、3,240円/18個裝 網址：tuliprose.jp
台中嘅「中社觀光花市」一年四季都有唔同嘅花卉盛開，鍾意花嘅朋友一定要嚟打卡！ 園區入面有多花種，尤其是紅色一片嘅雞冠花海，真係令人有置身喺法國嘅感覺～ 而且園區入面有白色鋼琴、鞦韆等做拍攝道具，真係浪漫到爆！！ [instagram photo=”B3EvzNqnwqJ”][/instagram] 哇！一片紅色嘅花海啊！！ [instagram photo=”B3B-qoWlzlh”][/instagram] 真係超夢幻！ [instagram photo=”B3EfpC7DXl0″][/instagram] 好有MV feel啊！ [instagram photo=”CGh2n9JBy_k”][/instagram] 真係勁靚～ [instagram photo=”B3DYjyiACjj”][/instagram] 真係好似去咗外國！ [instagram photo=”B3CR-iWp7Ws”][/instagram] 真係好鍾意花海～ 中社觀光花市 地址：台中市后里區三豐路5段333號 電話：042-5576926
