邊個話食素一定清淡？ 旺角呢間素菜餐廳，專門食Fusion菜！ 好多特別款式，唔講都唔知食緊素！ =============== 猴頭菇芝士薄餅 (10吋) 呢個Pizza超級無敵足料～ 一上枱已經聞到好香Pizza味，真．完全唔覺得係素！ 啲餡多到瀉出嚟，口感好豐富～ 特別係芝士控一定會鍾意，食完好滿足！ =============== 北海道芥茉龍蝦球 (6件) 食落似炸魚蛋！ 配埋啖啖Wasabi、勁多芝麻一齊食，好香口～～～ =============== 台式鹽酥雞 食落有台灣夜市feel喎！ 不過就冇咁油膩～ 鍾意台灣口味嘅朋友可以試下！ =============== 椒鹽茶樹菇 鍾意食炸嘢嘅話，呢個一定啱心水！ 椒鹽味好重～ 配埋腰果食Perfect啊～～～ =============== 紅油抄手 上海菜呢到都食得到～ 辣得好惹味，仲有淡淡花生醬味！幾唔錯～～～ =============== 菠蘿咕嚕肉 食肉獸必選！件件都好夠大嚿～ 酸酸甜甜幾開胃，食落幾有肉感！ =============== 自家製香煎野生竹笙腐皮卷 呢個腐皮卷係自家製，仲特別加入咗野生竹笙，令到口感更加豐富～ 煎得好香口！ 仲有好多唔同配料做餡，係小編食過最厚最足料嘅腐皮卷！ =============== 養身藥膳雲吞 最健康之選！呢個夠晒滋補喇，湯底仲落咗椰汁！ 雲吞大大粒，另外仲有唔少菇類、木耳、淮山、杞子～ =============== 薑茶菊花 其實呢個係薑汁豆腐花！整得好靚好精緻啊～～～ 甜品一定要揀呢款，薑味好濃啊～ =============== 有機可樂 獨家！呢款可樂其他地方冇得賣！ 有機嘅可樂健康啲，飲落都冇咁甜～ 想一嚐食素嘅滋味？ 嚟呢到試下Fusion菜式啦～～～ =============== 素食一家 地址：旺角洗衣街145號正華大廈地下 […]
