Open Tour
鍾意食唔同款式海鮮嘅朋友一定要試吓佐敦逸東酒店嘅自助海鮮晚餐！ 客人仲可以自己揀海鮮再揀埋煮法～另外仲有好多冷盆熱盆海鮮任你揀！ 同埋有成10款movenpick雪糕任你揀！咁多好嘢食你仲唔快啲去！ 客人可以用竹籤揀自己想食嘅海鮮同煮法～ 即叫即整俾你！ 仲有新鮮即開生蠔～ 想熱食都有！ 當然要試哂咁多樣啦～ 仲有好多海鮮食物俾你揀！ 芝士龍蝦正啊！ 真心推介呢個蕃茄海鮮粥～超鮮甜！ 最後一定要食埋movenpick雪糕啊！！ 逸東酒店「普慶餐廳」 地址：香港九龍彌敦道380號Eaton HK B1樓層 日期：由2019年10月3 日至11月30日 電話：2710 1901 售價：星期一至四：HK$568（成人） | HK$398（小童及長者） 星期五至日及公眾假期：HK$618（成人） | HK$448（小童及長者） 優惠：• 現凡2位成人顧客以正價惠顧週日自助海鮮晚餐，同行之2位小童(11歲以下)即可免費享用豐盛的。 • 自助海鮮晚餐可享啤酒和汽水任飲。 網址：theastorhk.com
韓國過江龍炸雞店NeNe Chicken，大家冇聽過都可能記得係劉在石做代言人！ 小編發現餐廳最近推出秋季限定，係用橘子做主題！ 仲推出咗二人套餐，咁就咩款都可以試少少啦～ 小編：嘉儀（FB page: 嘉儀 / IG: chongkkayee） ==================== 二人套餐($358/2人用) 三層架設計，好有high tea嘅感覺啊～～ 份量都幾多，有四款食物+兩杯飲品，兩個人食絕對夠飽！ 最頂層係限定口味嘅橘子蜜炸雞，仲有芝士龍蝦！ 熱辣辣食炸雞，皮脆得嚟、肉好嫩啊～～ 橘子蜜好好食！酸酸甜甜夠開胃！ 芝士龍蝦調味不錯，仲啖啖肉～勁快食晒！ 第2層係卡邦尼意粉，雖然有加橘子醬，不過小編就唔係好食得出～ 意粉味道不錯，不過略嫌有啲乾～ 最特別係有年糕，都幾煙韌！ 最底就係沙律喇～ 除咗有特別梨子汁之外，仲有橙、藍莓等水果，冇咁單調亦好fresh~~~~ 套餐仲包咗兩杯橘子特飲，小編就覺得沙冰的確唔錯！ 食飽之後可以解下膩！ 唔想由頭橘到尾？ 飲品可以免費轉其他無酒精飲品，賣相同味道都幾唔錯啊～ ==================== 全份橘子蜜炸雞 (有骨$168/無骨$178) 炸雞一碟起碼有15隻，真係好好好好夠食！ 小編真係好鍾意隻橘子汁啊 T_T 配炸雞真係食極唔膩！ 濟州嘅橘子出名就係人都知，用佢嚟整嘅橘子醬果然唔簡單！ 呢隻橘子秘製醬汁，韓國暫時都未有得再賣，所以今次真係終極限量喇～ *葵芳同元朗分店，仲有揀半份無骨炸雞～($85) NeNe Chicken Hong Kong 旺角朗豪坊11樓30號舖 葵芳新都會廣場185號舖 元朗形點商場一期1026號舖 ==================== 放假去邊 更多好介紹: 快啲like我哋Facebook 同follow我哋Instagram啦!
