Open Tour
位於長山灣新開嘅木系咖啡店，隱藏係李鄭屋邨商場入面，大家嚟嘅時候要俾啲耐性搵下喇~ 感覺令人感覺非常舒適，極具空間感，採用雙層樓梯座位並放置多個草編座位~ 店內裝潢充滿禪修味道~色調都係以簡約木系風為主調，水泥地板配上木系家具，空間超大~室內座位分為雙層樓梯區域、座椅區同埋吧檯，餐廳中間位置更擺放枯樹裝飾，咖啡Bar上都同樣有舊巨型木頭擺設。 店舖喺食物擺設方面都十分用心，咖啡同茶會應有弧形木托盤，仲會放上一張卡仔印有經典佛語“一念愚即般若絕 一念智即般若生 ”，（意思：希望以最好最聰明嘅方式處理事件，切勿陷入愚笨思想的死胡同。） 一盞燈Lumière 地址：長沙灣發祥街10號李鄭屋商場地下110號舖 電話：2381 0988 營業時間：12:00-21:00 圖片來源：@skeatravelife、@yysfoodiary、@littlewomenspick
位於荔枝角D2 Place嘅室內遊樂場，PowerPlay Arena將開設全新區域The Battlefield分為3個玩樂區，包括競技遊戲、團體活動同埋合家歡攤位遊戲，即睇內文有咩玩啦！ 區域A有以下4個區域，即刻睇有咩玩~ 超級笨豬跑，扣好腰帶，拿著計分貼，向前直衝！以全身嘅力量與彈力繩較勁，喺極限一刻將計分貼在中間距離尺上，大家可以同朋友嚟鬥下睇邊個跑得最快！ 暗黑潛行，在黑暗嘅房間中，多條光線會不時閃爍，玩家要看準時機，以靈活嘅走位避開光線，到達終點！ 腳尖上嘅桌球，足球版嘅桌球你又試過未？玩家於巨大桌球桌面上，用適中嘅腳力將白色球踢向其他顏色球，只要顏色球入洞即可獲得相應分數！ 瘋狂擊球手，自問反應和運動神經超卓的你又怎可錯過「瘋狂擊球手」？網球會自動從機器飛出，玩家需要揮動球拍將網球撃中顏色燈板，即可得分！ 區域B以團體遊戲為主，「攻防箭」室內wargame、「泡泡足球」同「左閃右避」都十分講求團隊溝通及互相合作，想加強團隊凝聚力或者一大班朋友齊齊玩返餐就最適合。 區域C設有合家歡嘉年華攤位遊戲，「球球當入樽」和「讓豆袋飛」讓大朋友小朋友都可以享受遊戲樂趣，輕鬆贏走豐富禮品！ Power Play Arena – The Battlefield 地點：D2 Place 二期 3 樓 306 至 308 號舖 營業時間：星期日至四及公眾假期11:30-21:30 | 星期五六及公眾假期前夕 11:30-22:30 電話：3165 1628 收費詳情： 平日首30分鐘/HK$60、其後每30分鐘/HK$40 週末及公眾假期首30分鐘/HK$80、其後每30分鐘/HK$60
知名ART TOYS潮牌POP MART ROBOSHOP終於登陸荔枝角D2 Place啦！ 今次ROBOSHOP雲集咗10幾位海內外頂尖設計師嘅原創作品， 有MOLLY、PUCKY、LABUBU、DIMOO、INSTINCTOY，真係好吸引！ 而且仲有好多跨界合作品牌嘅的盲盒玩具， 如DISNEY、SESAME STREET、HELLO KITTY、火影忍者，Fans一定唔可以錯過 而且仲會展出首次喺香港亮相嘅DIMOO紙盒太空人大型公仔 同埋一直深受大家喜愛嘅PUCKY馬戲團大型公仔，大家可以盡情影相打卡 依家買滿指定盒數仲會送DIMOO行李牌同PUCKY小錢包，大家一定唔可以錯過 POP MART HONG KONG ROBOSHOP 日期: 2020年11月27日至2021年11月26日 地點：D2 Place二期地下The Garage入口旁
今年雖然無得去日本過聖誕，但D2 Place為大家準備咗《荔湯物語》活動 等大家唔洗飛日本都可以浸到雪中溫泉，仲有日本地道澡堂畀大家慢慢打卡 到時仲會有逼真溫泉同雪國階梯，加埋飄雪美景，好似去咗日本一樣！ D2 Place天台花園會化身做「雪の泉」，連同一篇白色「雪景」，真係好浪漫 不斷湧出嘅蒸氣令你感覺好似去咗真嘅溫泉一樣 旁邊仲有打卡必影嘅「雪國階梯」， 指定時段仲會有雪花漫天飛舞， 大家一定可以影靚相！ 除咗漫天雪景，仲會有日式澡堂 D2 Place聯同PowerPlay Arena於商場二期地下 The Garage 打造獨家室內澡堂「荔の湯」， 入面仲有好玩嘅小遊戲畀大家玩，仲有精美富士山主題禮品送畀大家！ 澡堂設計參照地道「錢湯」而打造，勁有日本風味 而活動期間累積消費滿 HK$500，即可連同最多三位人士入場， 更可即場換領「Murasaki 聖誕限定和風珪藻土杯墊」乙個，分別有「飄雪版」同「限量櫻花版」兩款 款式隨機贈送，大家一定唔可以錯過 換領日期:2020 年 11 月 28 日至 2021 年 1 月 3 日(逢星期一暫停換領) 換領時間:中午 12 時至晚上 9 時 換領地點:D2 Place 二期地下 The Garage 《荔湯物語》活動詳情 活動日期︰2020 年 11 月 28 日至 2021 年 […]
荔枝角D2 Place又有一個新嘅室內好去處啦！ PowerPlay Arena係一個全新室內遊樂基地，入面有好多唔同嘅遊樂設施 大人細路都會鍾意！ PowerPlay Arena嘅飄移車場係主打遊戲之一 用咗粉紅色迷你水馬砌成嘅車道有多個彎位，仲有提供大人同小朋友專用嘅兩款飄移車 同埋一系列裝備好似頭盔、護肘、頸箍等等 場內仲有多款經典遊戲機，可以一邊玩一邊做運動 各位爸爸媽媽一定要帶埋小朋友去專為小朋友而設嘅「FUN FUN ZONE」 入面有迷你籃球機、保齡球機、射擊遊戲、夾糖機 真係聽到都想去呀 玩到肚餓仲可以去隔離嘅熱狗店 LineUp Hotdog 佢哋有獨創嘅「頑皮熱狗系列」、「Shake Shake 薯條」同「點止冰冰 Slushy」等多款小食同飲品 PowerPlay Arena 地址︰D2 Place 二期 2 樓
唔想排咁耐隊，又想食到好味又高質嘅壽司！？ 唔洗擔心，Sushiro壽司郎荔枝角店 外賣自取上市啦繼佐敦店有咗外賣自取服務之後， 荔枝角店亦都開始咗呢個服務，壽司郎嘅Fans有福啦！ 壽司郎一共推出咗三款外賣盛合壽司，一人前盛合有8件壽司，賣$88而二人前盛合有16件壽司，賣$176款式包括有︰A.超人氣盛合、B.壽司郎特製盛合、C.超值三文魚盛合 外賣服務暫時只限佐敦店及荔枝角店販售 荔枝角店外賣自取下單方式： 電話下單：26887833、來店下單：請前往收銀台下單、來店用餐＋順便外賣下單 外賣可下單時間： 10：30 – 21：30（停止Walk-in後亦可訂外賣） 可預訂1週之內的外賣 可指定領取外賣時間（10:45-22:00內） 除咗外賣餐單之外，其實壽司郎本身堂食嘅壽司都好吸引架難得有外賣自取服務，一定要去試吓 Sushiro壽司郎荔枝角店 電話下單：26887833 地址︰九龍長沙灣道680號麗新商業中心G樓G38號舖 Sushiro壽司郎佐敦店 電話下單：23887887 地址︰佐敦彌敦道348號彌敦坊UG樓
夏天咁熱，唔少寵主帶毛孩去街時都會行到滿頭大汗，真係咪話唔辛苦 不過作為盡責嘅主人又點可以唔帶狗狗去放電，如果有個室內地方俾狗狗玩就好啦！ 今次小編會為大家介紹一間荔枝角嘅室內派對活動場地「Five by 5」 ，等你可以嘆住冷氣放狗 Five by 5 室內外超過四千呎，適合舉辦各種活動 佢哋會不定期同其他動物組織舉辦領養活動，同時場內亦會有籌款箱，希望可以幫助更多有需要嘅貓狗 每隻上去嘅毛孩都可以免費獲得一份零食，好貼心！ 主人仲可以借閱唔同嘅寵物書籍，增進寵物知識 場內有分室內同室外位置，室內有兩個活動室，提供咗寵物玩具俾狗狗玩， 而且仲有多個打卡位，幫狗狗影相呃like無難度！ 呢個狗狗波波池真係毛孩至愛，狗狗玩得好開心！ 室外更有一個狗狗泳池，夏天一定好消暑 Five by 5亦有多款寵物用品發售，主人可以慢慢選購 佢哋更設有BEMER療程，可以減低毛孩壓力、促進復原同肌肉再生 利用磁場治療儀放鬆狗狗嘅精神同肌肉 狗狗坐喺度就輕鬆嘆住冷氣做到療程，好方便呀！ Five By 5 地址︰荔枝角青山道702-704號合興工業大廈4樓G 電話︰6511 0550
香港泰國潑水節話咁快又到啦！今年4月將繼續喺荔枝角D2舉行，仲會延長至6天添！ 全港唯一泰國夜巿、文化展、親子工作坊、泰式古法按摩、十大打卡位…… 千祈唔可以錯過大人細路最愛嘅 激Fun水戰派對，4月14日約定你！ 場內更會提供更衣室及儲物服務，大家可以放心盡情地玩喇！ 今年活動特色 ⭐ 活動由往年3天延長至6天 ⭐ 一連兩日浴彿供僧儀式 ⭐「潑水節古色巡遊2019」全新巡遊路線 ⭐「激Fun 水戰派對」增加供水點，加強安全措施 ⭐「泰國新年市集」劃分5區，引入更多泰國好玩好食的商品 ⭐ 潑水節都有禁忌，大家要注意啊！ ❌ 唔好向僧人、嬰兒、孕婦、老人、工作人員同埋古色巡遊隊伍潑水 ❌ 唔好潑污糟水 ❌ 唔好用大型水槍裝置 活動時間表 4月12日 (星期五) 香港潑水節2019 開幕典禮 開篷巴士巡遊 泰國文化表演 4月13日 (星期六) 浴彿供僧慶典 – 由泰國僧侶主持 4月14日 (星期日) 香港潑水節2019巡遊 街頭水戰場 4月13日-17日 (星期六至三) 潑水節文化展 泰國美食展 翟道翟市集 Live！表演 傳統泰國服飾體驗 4月15日-17日 (星期一至三) 泰菜教學示範 親子工作坊 「香港潑水節2019 」 日期： 2019年4月12-17日 (星期五至三，共6天) 時間： […]
西九多嘢食，兼且平靚正！ 小編今次帶大家係深水埗出發，決戰深水埗、長沙灣、荔枝角美食！ 腸粉2蚊條？仲有大家最愛嘅抹茶、紫薯甜品！ 一齊去掃食啦！ 為食小編 : 嘉儀（IG: chongkkayee） ==================== 合益泰小食 拎過米芝蓮小食獎嘅腸粉，係深水埗必食～ 腸粉 $2/條（$8起） 價錢平，腸粉滑！ 充滿米香嘅腸粉，加埋豬油花生醬，話咁快就食晒成碟喇！ 地址：深水埗桂林街121號 ==================== 華 Hana Soft Cream 小店專賣雪糕，但竟然發現抹茶出沒？ 抹茶8.0盆栽 $30 表面極多抹茶粉，抹茶味香濃～ 加上牛奶雪糕係濃度8.0，一次滿足你兩個願望！ 地址：深水埗欽州街37號西九龍中心6樓628A號舖 ==================== 三姐松記糖水 紫薯大行其道，見到有紫薯甜品點可以唔試？ 紫薯撈河 $32 賣相雖然唔討好，不過竟然好好食！ 河粉用椰汁糕整成，香濃椰汁配上天然紫薯，出奇地好食～ 地址：深水埗元州街151號地下 ==================== 老鳳冰室 黑松露炒蛋多士 $38 一上枱已經好香黑松露味，炒蛋嘅份量仲好多！ 十秒食晒輕鬆啦～～～ 地址：深水埗基隆街216號地舖 ==================== 王孖記果子 聽講每日糯米糍都好快賣晒，到底有幾勁？ 款款都好大粒，新鮮水果香甜！ 珍寶芒果糯米糍 $30/2件 皮薄芒果靚，越食越滋味～ 原個芒果放入去，一件竟然已經有手板咁長！ 楊枝金露芋圓子 $20 一杯飲得到嘅甜品！芋圓比平時食到嘅細粒，不過依然好食！ 地址：荔枝角青山道475A號地下A舖 ==================== […]
荔枝角雖然沒有很多大型商場，但也可以讓三五知己玩一整天! 要找回兒時的感覺? 人少少也想『開房』玩board game? 甚至想影文青相? 荔枝角區暗藏多個好去處! [youtube youtubeurl=Q2RnkUYWmRQ][/youtube] 小編：My叔 (FB page: My叔 / IG: @ my.rilla) 4人可包房! 迷李Party House Party House未必要人多先好玩，位於荔枝角的Simple House可接受最少4人的預訂! 4人剛剛好，可以開枱! 「麻雀雖小，五臟俱全」 基本的娛樂設備都有！PS4和卡拉OK裝置當然不缺少 VR眼鏡效果相當不錯! 另亦置有多款桌上遊戲 Simple House購有多本旅行書，上來跟朋友安靜地計劃行程也不錯！ Simple House 地址：荔枝角青山道658號福至工業大廈8樓12室 收費：每人$68/小時 (最少4人包房) 官網：https://www.facebook.com/thesimplehousehk/ ==================== 走進時光隧道 懷舊『新店』美樂士多 想尋回小學年代吃過的味道、玩過的絕版遊戲？ 美樂士多幫到你！ 多款絕版、或已很難找到的復克遊戲機，都能在主打懷舊玩意的美樂士多找到 人客更可重新『試玩』，但謹記要愛惜這些古董遊戲機 要數最經典的，必定是下圖這個『食鬼』街機 除了懷舊遊戲，還可以找到已失去的味道 曾經在小學小食部熱賣的糖果和零食，都能在這裡買到 店主特意把糖果放在這些膠瓶內，重塑舊時的擺設 經典零食：吱吱冰，你喜歡哪一種味道？ 美樂士多 地址：荔枝角青山道500號百美工廠大廈12樓C室 營業時間：12:00 – 7:30pm 官網：https://www.facebook.com/meilokstore/ ==================== 悠閒文青的下午 饒宗頤文化館 饒宗頤文化館位於荔枝角，前身為荔枝角醫院，為香港三級歷史建築。 到處都有紅磚牆背景，拍照好去處 還有機會賞到荷花 […]
