嘩嘩嘩！澳門嘅「第二十一屆葡韻嘉年華」真係不能錯過！ 有得睇歌舞表演、玩攤位遊戲，仲有超多特色美食… 一次過滿足你幾個願望啊～～ 必食！葡語國家特色美食 第一時間梗係醫肚！ 葡語國家美食餐廳會喺午餐及晚餐時段，提供特色燒烤，仲有勁多款葡語國家烹飪嘅美食！ 唔止好食兼地道，仲好有風味啊～～～ 葡萄牙特色鴨飯 啲鴨油入晒啲飯到，勁香勁好食！ 葡式甜品 有正餐梗係要有甜品～ 去澳門點少得食葡撻啊？！ 食物款式日日都會轉，每日都有啲唔同㗎！ 必玩！富有特色嘅傳統Game 呢到竟然有葡國傳統遊戲：爬竹竿、大腳八、扯大欖、跳麻包！ 仲有電腦模擬澳門格蘭披治大賽車遊戲，又刺激又好玩！ 現場設有啱小朋友玩嘅「兒童遊戲區」，大人、小朋友都可以現場報名參加「手動足球比賽」… 總之勁勁勁多嘢玩啦！ 必睇！高質葡國歌舞Show 既有風格又有特色嘅歌舞表演，簡直係將嘉年華氣氛 無 限 提 升 呀！ 表演者來自9個葡語國家或地區、以及幾個本地葡語表演藝團！萬勿錯過啊～～～ 必行！齊集10個地區嘅文化攤位 想感受葡式風情，點少得行文化市集！ 今屆「葡韻嘉年華」邀請到10個居澳葡語社群，喺現場設置多個特色文化攤位，展示佢哋嘅音樂、相片、手工藝、特色服飾、書籍、地道小食飲品！ 行一轉就好似眼睛去旅行咁啊～～～ 民族風嘅手袋、服裝好靚、好有特色！ 小編表示想大手購入！ 仲有超級多手工藝陶瓷、飾物！全部都好吸睛～～～ 10個居澳葡語社群分別來自：安哥拉、巴西、佛得角、幾內亞比紹、果阿．達曼和第烏、莫桑比克、葡萄牙、聖多美和普林西比、澳門、東帝汶！ 咪諗咁多喇！即刻出發啦！ 「第二十一屆葡韻嘉年華」 時間：2018年10月19至21日 地點：氹仔龍環葡韻 節目詳情：http://edocs.icm.gov.mo/events/20181011.pdf?t=1539921514679
