講起邪惡小食之選，點少得蝦多士呀！ 今次呢個粒粒蝦多士易整又好食 快啲跟住學整啦！ 食材︰ 蝦肉200g、澱粉10g、黑胡椒粉、麵包2片、蝦尾 做法： 1.將蝦肉切碎 2.蝦肉混合澱粉、胡椒粉 3.使用圓形模具將麵包切成圓形 4.將切碎嘅蝦肉放喺圓麵包上，喺上面加上3隻完整嘅蝦確保將尾巴放喺外面 5.喺120°C油中煎炸，直到變成淺棕色 影片來源︰COOKAT
冰室，可以話係陪著香港人成長～ 由70年代開始流行，多數都係飲下紅豆冰、吃下小食、雪糕為主嘅地方，係當時香港人下午茶必到之地！ 被視為係「茶餐廳前身」嘅冰室，係香港已經越嚟越少… 雖然環境古舊、燈光暗淡，但勝在食物夠平又夠地道，仲有值得細味嘅人情味！ ===================== 中國冰室 開業已經超過半個世紀嘅中國冰室，不但Keep著舊瓷磗、牆壁、地板，更有木製樓梯同閣樓！ 冰室除咗有懷舊小食，亦有符合港人口味嘅茶餐～ 最特別就係呢杯招牌鴛鴦冰，紅豆加蓮子，夠味又有口感！ 地址：廣東道1077A號地鋪 ===================== 百利冰室 必食傳統沙翁！ 將一大堆拳頭咁大嘅沙翁，放晒係玻璃櫃，大概就係冰室嘅特別之處喇～ 地址：西灣河筲箕灣道 216 號地下 ===================== 廣成冰室 呢間舊冰室，相信唔少新界人都聽過！ 最出名一定就係呢杯… 有成條冰柱嘅真・紅豆冰！ 除咗有好嘢飲，當然唔少得食啦～ 鮮牛肉通粉、菠蘿油、超足料厚蛋治，小編大力推介啊！ 地址：上水石湖墟新成路10號 ===================== 奇香冰室 冰室勁就勁在，明明食材好普通，但依然非常吸引！ 奇香冰室食啲咩？梗係雙蛋啦～ 見到已經覺得好治癒～～ 地址︰何文田勝利道26B ===================== 美都餐室 呢間冰室裝修懷舊，仲有霓紅燈牌，吸引好多遊客慕名而來㗎！ 嚟到梗係要影返幾張相，環境食先啦～～ 餵飽相機，就係時候醫肚喇！ 個個都嗌嘅焗豬扒飯，係連鎖快餐店食唔到嘅味道… 究竟有幾特別？ 地址：油麻地廟街63號地下 ===================== 祺森冰室 呢間冰室點解出名？之唔係因為佢個「全港最好味的蝦多士」囉！ 睇見都脆卜卜，流晒口水啊！ 地址：坪洲永安街3B地下 ===================== 永生冰室 據說呢到嘅水餃，其他地方絕對食唔到！ 到底係咪真係咁厲害啊？ 地址：大澳吉慶街50號 ===================== 金記冰室 本身係筲箕灣屹立45年，結業之後因為仍然好受歡迎，所以係西環重新開業！ 吸引之處在於環境，同埋食物質素！ 就連餐牌都咁特別，淨係影相都覺得抵～～ 大大個農夫包，真係睇見都開胃！同朋友仔share就最開心喇～ […]
唔講唔知，原來坪洲面積得三分一個長洲咁大! 就係勝在島仔細細少啲人，真係好舒服~ 推介俾大家去hea大半日! [youtube youtubeurl=”Tfg2JB8ZqrE” ][/youtube] 文 : Jaime (IG: @ jaimehomusic) 六七十年代係繁盛嘅商業中心，所以好有懷舊特色! 例如坪洲石屋、天后宮都係香港三級歷史建築物~ 行入內街，周圍都係呢啲懷舊鐵閘~ 坪洲有幾間有名冰室，今次就試試好受歡迎嘅蝦多士啦~ 祺森冰室 地址：坪洲永安街3B地下 蝦多士餐 全日早餐 金源冰室亦係坪洲另一老字號冰室，由一個家庭經營，非常親切! 坪洲永興街15號地下 公司炒通係招牌菜之一，大雜燴得嚟好入味~ 奶茶紅豆冰 (好少地方有架!) 金源冰室正旁邊，就係單車出租店 不妨考慮下單車遊坪洲! 老闆話1個鐘咩都夠，小編試過，1個鐘真係好夠! 沿住志仁街，行到篤就係東灣~ 沿路見到有間粉紅色嘅學校，忍唔住要影相! 有山有海有沙灘，點都要影下照騙…. >> 石澳10個影相位! 影盡歐陸彩色小屋 沙灘旁係悅龍聖苑，又叫龍母廟，可進內參拜 跟住就出發去手指山、銀洲仔亭。呢條路線喺行山嚟講真係極短程，而且輕鬆! 都幾易搵嘅，公廁嘅左後方就係起點啦~ 見到分岔路，左邊上就行三百幾級樓梯，想舒服啲可以行右邊上去，路面較平 話咁快就上到95米高嘅手指山! 向下行就可以去到180度海景嘅銀洲仔亭，又稱天涯海角。 遠處係愉景灣、青馬大橋、尖沙咀、中環~ 行到入去果吓，小編真係覺得有啲似去咗世外桃源⋯⋯ 落山之後又再食~ 蕃薯、魷魚都炸得勁香勁脆! 堅好食! 炸蕃薯 $8, 炸魷魚$8 華記小食 地址：坪洲志仁里2B 號地下 食完野去返碼頭，沿海邊行去坪洲嘅西北面－大利島 呢度啱哂睇日落~~~~ […]
