Open Tour
如果大家呢期去開澳門，有時間就去下期間期定嘅康公夜市，今年已經第五次舉辦喇，呢個夜市為期三個月逄星期六日夜晚喺十月初五街附近開市，已經開咗一段時間，去到7月8日就完喇! 雖然地方細細，但都算幾多街坊美食，好多即炒海鮮，好似燒生蠔、炒蟹，仲要有燒龍蝦，呢啲海鮮檔隔離多數都有一兩張枱仔俾你坐低食，都咪話唔夠風味! 唔想食海鮮，都可以嚟呢度食其他美食，好似燒雞翼、腸仔、魷魚、炒糯米飯、煎蠔餅、炒花膠…… 唔食咸嘢，呢度都有其他甜品小食俾你揀，砵仔糕、雞蛋仔雪糕、茶凍、糯米糍、台式飲品…… 食完葡國餐走嚟呢度當宵夜都確係唔錯，裏面仲有幾檔賣啲手作仔添，喺大三巴行過嚟都唔駛十分鐘，去開澳門有時間不妨嚟呢度行下啦~ 康公夜市 澳門十月初五街(康公廟到新馬路路段） 日期 : 2018年4月14日 至 7月8日 (逢星期六、日) 開放時間 : 18:00 至 22:00 =============== 放假去邊 更多好介紹: 快啲like我哋Facebook 同follow我哋Instagram啦!
去旅行，吃貨們應該都離唔開一個目標，就係不停咁食好野~~ [instagram photo=”BQDEMfYBas9″][/instagram] 喺日本札幌，有一間以任食三大蟹為主既舖頭！ 講緊嘅三大蟹咪就係毛蟹、帝王蟹同埋松葉蟹囉，晚餐只係￥4,730就可以盡情任食100分鐘，而午餐就係￥3,700任食70分鐘，包你食到飽! [instagram photo=”BPkH4yqBhmO”][/instagram] 又幾夠份量喎~ [instagram photo=”Bwjds2BllGE”][/instagram] [instagram photo=”BwexlOInMdq”][/instagram] [instagram photo=”BQZDi9SD0Xq”][/instagram] 烤爐加熱咗之後啲蟹香聞到都流哂口水，真係食到停唔到口 [instagram photo=”BxmYrNlndYe”][/instagram] 現場仲有其他海鮮任均選擇~ 蜆、三文魚、扇貝、魚乾、大蝦、螺我通通都要! [instagram photo=”BQdI5r8ApPK”][/instagram] 一於盡情享用高級食材啦! 由於「難陀」係一間人氣店，建議嚟之前先打個電話預約。而官方網頁24小時都能確認空位與定位。店內都有數名識講外文嘅工作人員，對於唔識講日文嘅朋友都唔駛太擔心。 海鮮バイキング 難陀 地址：北海道札幌市中央区南五条西2丁目 サイバーシティビル B2F 営業時間： 午餐 11:00〜16:00（L.O.15:00） 晚餐 16:00～22:00（L.O.20:30） 交通方法：札幌市営地下鉄南北線すすきの駅徒歩4分鐘 官方網站 : g-nanda.com [map url=”https://www.google.com/maps/embed?pb=!1m18!1m12!1m3!1d5830.685737690278!2d141.352656572287!3d43.05525587710313!2m3!1f0!2f0!3f0!3m2!1i1024!2i768!4f13.1!3m3!1m2!1s0x5f0b29756277c535%3A0xbbd20fb2644357c7!2sSeafood+Buffet+NANDA!5e0!3m2!1szh-TW!2shk!4v1508384896110″][/map] =============== 放假去邊 更多好介紹: 快啲like我哋Facebook 同follow我哋Instagram啦!
澎湖絕對係一個世外桃源！ 藍天白雲，海水清到見底，重點係有好多新鮮海鮮食啊～～～ 之前係台灣去都要搭飛機，但係依家已經殺出一條海路！只要搭大概1個鐘船就已經去到！ 下次去台灣識做呢～ 特別鳴謝：台灣觀光局 小編：嘉儀（IG: chongkkayee） [youtube youtubeurl=”Kcs8BMtzLOw”][/youtube] =============== 澎湖東北海跳島遊 其實所謂跳島，係指由當地人帶領，搭快艇係白沙鄉岐頭碼頭出發，登上險礁嶼、目斗嶼、鳥嶼、員貝嶼4個離島，全程約6個鐘！ 每個島都各有特色，重點係全部都海天一色！ 可以同陽光玩遊戲之餘，仲可以落沙灘同踩下海水～ 睇下小編曬到眼都擘唔大！ 過程中亦都會即釣海鮮，拎去鳥嶼餐廳即製海鮮粥，真係超級新鮮啊～ 海鮮足料，而且超新鮮，入面仲加咗芋頭粒～啲粥煲得好綿好綿啊！ 點少得澎湖特產：小魚干！辣辣地好香口，送粥一流啊～ 即釣嘅蟹唔洗講，就梗係新鮮啦～ 之後仲可以跟導遊哥哥上山睇風景～佢話呢款草一定要影相喎哈哈～ 不過澎湖又點止咁少嘢食？ =============== 龍門海鮮 呢間餐廳聽個名，就知道專食海鮮！想食到新鮮又特別嘅菜式，嚟呢到實冇錯！ 烤角螺隻隻都肥肥白白，上到枱都仲燒緊！ 之後必點嘅就係水晶小卷，即係原隻魷魚啊～ 配埋啲沙律醬一齊食，簡直食唔停口！ 蒸青鯛亦都好特別～ 魚肉夠滑唔腥都不在話下，重點係竟然係用哈密瓜蒸！甜味加倍～～ 最後必嗌係海膽，完全唔腥！ 成板海膽放入口真係好幸福啊～～～～ 地址：885台灣澎湖縣湖西鄉龍門村58-2號 =============== 白灣景觀餐廳 呢間餐廳唔止好食，仲好好影！ 因為佢隔離就係一個睇日落好靚嘅海灘～ 坐係吊椅上面搖，望住個靚景，簡直係一流！ 重點推介，海鮮意粉一定要嗌！ 魷魚超級大！鮮蝦超級大！仲要好爽口～ 之後就有牛肩肉燉飯～ 牛肉夠淋，燉飯就不過不失啦 海鮮總匯必點是常識吧！食勻多款時令海鮮，有魷魚、大蝦、螺、石斑～正啊！ 最後飲返杯仙人掌冰沙，味道比平時果汁更甜，都幾特別～值得一試！ 地址：885台灣澎湖縣湖西鄉林投村13鄰26-9號 =============== 放假去邊 更多好介紹: 快啲like我哋Facebook 同follow我哋Instagram啦!
入秋又係食蟹嘅好時機~ 其實食蟹都好有學問同禁忌，最緊要食得開心！ 以下有 項食蟹注意事項，食蟹前，不妨留意下！ 1) 脾胃虛寒者少吃為妙 蟹肉性寒，脾胃虛寒者多吃會引起腹痛腹瀉。 2) 飲熱茶都唔得? 進食蟹時和食蟹後1小時內都不宜飲茶，熱水會沖淡胃酸，而茶會使蟹的某些成分凝固，妨礙消化吸收，更可能會引起腹痛、腹瀉。 3) 柿同蟹 切勿一起吃! 柿子中的鞣酸等成分會使蟹肉蛋白凝固，繼而在腸道內會發酵腐爛，以致嘔吐、腹痛、腹瀉。 4) 膽固醇超標 蟹黃中膽固醇含量高，不建議大量進食！少吃多滋味~ 5) 食花生都唔得? 花生脂肪含量達45%，油膩之物遇冷利之物容易引致腹瀉，腸胃虛弱者尤應忌之。 6) 吃螃蟹後勿吃梨~ 梨與蟹同屬寒涼食物，二者同食，易傷腸胃。 7) 與螃蟹相剋的食物 紅薯、南瓜、蜂蜜、橙子、梨、石榴、西紅柿、香瓜、花生、蝸牛、芹菜、柿子、兔肉、荊芥，這些食物都不宜與蟹同食，嚴重可導致食物中毒！ ——————————– 放假去邊 更多好介紹: Facebook Instagram
醬油生蟹，在韓國被稱為「飯之賊」，因為用醬油醃的關係，單吃是不可能的，用白飯伴醬蟹（尤其是蟹膏）就是最佳的配搭。當嚐過第一口蟹膏伴飯後，根本沒有停下來的理由，只有一直添一直吃，直到碗裡碟裡沾有蟹膏的飯一顆不剩，才捨得停下。 每年3、4月，母蟹進入產卵季節，就是醃蟹的好時候，餐廳會大量入貨，保證全年供應不缺。因此每年4月至6月是醬油蟹當造的季節，不少人在這個季節到訪韓國，就是為了品嚐醬油蟹。 到首爾旅遊，想起「醬蟹」，就會馬上想到新沙洞醬蟹美食街，「開團」編輯部精選了兩間醬油蟹專門店供大家選擇。 「PRO醬蟹專賣店 프로간장게장」 營業長達三十年，網上評價近乎一致地好，當然明人效應為這間店舖加了不少分，牆上掛滿韓國及亞洲藝人的照片，有一種曬「冷」的感覺。 這裡有各式蟹料理，生的熟的都有，主打當然是醬油醃간장게장及辣醬醃양념게장這兩種醬蟹啦! 價位上算是頗貴，畢竟是政商名流明星光顧的店，大size 的蟹（兩隻），約售HK$580，size 算很足秤，而且那「爆膏」的狀態，愛蟹者必會流口水。一放入口，蟹膏與醬油混為一體，鮮味非常突出，而沒有一點腥味，叫人回味無窮。（另有小size 的蟹售HK$390） 吃至蟹蓋時，韓國人會加入飯同吃。飯吸收了蟹膏、醬油的鮮味，每一匙都是珍味。 這裡格局雅致，服務良好，食物質素有保證，小編光顧了數次，都未有失望過，貴一點也是值的。 地址︰서울특별시 서초구 잠원동 27-1（首尔特别市瑞草区蚕院洞27-1,专业大厦） 電話︰02-543-4126 前往方法︰地鐵至新沙站4 號出口，一出地面直行3 分鐘，見到Caffe Pascucci 的路口右轉便見到。 「元祖馬山辣燉安康魚원조마산아구찜」 元祖馬山雖然沒有PRO醬蟹專賣店來得有氣派，但也是在日本觀光客與及韓國老饕喜歡的店，起碼，韓國當地朋友也推薦，自然要給大家介紹。 「元祖馬山辣燉安康魚」開業已有 40 年以上，以馬山為名，因為馬山位在韓國南邊，大概離釜山40公里左右，那裡的海產頗為知名，蒸煮鮟鱇魚是馬山的名產料理，配上山葵醬油相當好吃。這裡一方面可以嘗到醬蟹，另一方面又可以嘗到馬山鄉土料理 – 辣炖安康魚，一份大的醬蟹 (三隻)、一份小的辣炖安康魚、兩份蟹膏拌飯、兩份蒸蛋及兩份海鮮蔥餅，四人份量，約HK$1100，價格相宜。 地址：首爾市瑞草區蠶院洞 21-1 號 電話：02-544-4304 前往方法：地鐵至新沙站4 號出口，向前行直至看見 KB Bank，然後轉右。 不過醬蟹的味道，並非人人合適，吃醬蟹前要注意以下3點： 1. 醬蟹是未經煮熟、全生醃製的，不能吃生或醃製食物的朋友，吃前要考慮清楚，自己是否真的接受得了。 2. 不喜歡口感黏黏稠稠的人要有心理準備，因為醬蟹就是這種口感。 3. 記得配白飯，醬蟹是醃製食品，味道偏重，而且單吃蟹膏、蟹肉會較膩，用來撈飯，味道就剛剛好！
