Open Tour
知道大家咁耐無得去旅行，一定好掛住日本呢個「鄉下」 D·PARK愉景新城為咗一解大家思鄉之愁，會於3月27日至6月27日期間舉行「高山老街食の祭」 日本超人氣景點「高山老街」一向都有「飛驒小京都」之稱 今次愉景新城特意將場內佈置成古色古香嘅高山街屋第，大家可以置身充滿江戶風情嘅環境中享用日式嘅美食 「高山老街食の祭」會為大家帶來超過14間日式小吃攤，包括特意引進高山名物飛驒牛食材、炭烤串燒小食、關東煮、玉子燒等等 飲品方面，亦有極罕見嘅日本燒酎、清酒、日本茶，100%還原風味 除此之外，D·PARK愉景新城更每逢週末特意加推「宮川朝市週末市集」， 市集會有超過40間特色攤檔，主要販售各類型日本雜貨、家品、手工小物！ 以「 日本三大早市」之一嘅宮川朝市為主題，場內滿佈以白色帆布搭建出來嘅小帳篷攤檔， 咁多嘢睇，就好似去咗日本一樣！ 而愉景新城更特設「高山古い町」大手門，大手門前更特設日式小商店同埋日式人力車打卡位，大家必定要去打卡留念！ 一個地方集齊食、玩、買，大家記得要去行下啦！ D·PARK愉景新城「高山老街食の祭」 日期︰3月27日至6月27日 地址︰荃灣青山公路荃灣段398號
邊個話文青唔襯飲啤酒！？ 生力清啤再度聯乘台灣新生代插畫家，推出一系列文青風限定禮品 生力清啤每100毫升只含28千卡路里，酒精含量只有3.6%，絕對係至light之選 為配合生力清啤 (San Mig Light) 輕盈 、健康嘅生活態度，品牌聯乘台灣新生代插畫家李秉軍manual_for_all推出「城市．輕．生活」企劃 今次推出嘅有「罐型玻璃杯」同埋「不銹鋼杯連開瓶器」，以小清新風格打動一眾文青 「罐型玻璃杯」設計輕巧，大小適中，設計有特色 而「不銹鋼杯連開瓶器」底部設有開瓶器，方便又實用！ manual_for_all擅於描繪城市嘅多元樣貌，今次系列以戶外運動插畫為主軸， 簡單線條勾勒出少男以滑板、單車遊走城市，暢飲生力清啤嘅圖樣， 表現出「在城市與戶外遊走」嘅創作概念，小清新風格一定可以滿足到一班文青 由3月3日至3月16日於 7-Eleven 購買生力清啤滿HK$25 (以單一收據計算) 即可免費換領「罐型玻璃杯」 或由3月18日至3月31日於Circle K 購買生力清啤滿HK$25 (以單一收據計算) ，即可免費換領「不銹鋼杯連開瓶器」 大家記得留意，絕對係數量有限，換完即止！
由於疫情關係，去酒吧飲酒「飲醉少少就會有親密行為，增加交叉感染風險」，真係好唔安全，搞到一眾酒鬼叫苦連天！ 其實要飲酒都唔一定要去酒吧，如果真係想放工嘅時候chill一chill，不妨試吓喺屋企自己調酒喇！ 琴通寧 Gin and Tonic [instagram photo=”CCr2wGQF2z6″][/instagram] 酒精濃度：約10% 材料：氈酒45毫升、湯力水90毫升、青檸一片、冰塊適量 先倒入氈酒 加入適量冰塊 再倒湯力水 最後用青檸做裝飾就完成 血腥瑪麗 Bloody Mary [instagram photo=”CCn_GZJJMcZ”][/instagram] 酒精濃度：約20% 材料：伏特加50毫升、蕃茄汁120毫升、檸檬汁10毫升、Tabasco辣醬適量、冰塊適量 先加入伏特加同適量冰塊 再倒入番茄汁同適量Tabasco辣醬 之後可按個人口味考慮加唔加少量胡椒粉或食鹽，提升嗆辣口感 最後加入檸檬汁，大功告成 莫吉托 Mojito [instagram photo=”CCsHInpnkPO”][/instagram] 酒精濃度：約10% 材料：蘭姆酒60毫升、薄荷葉8-10片、青檸汁20毫升、糖水30毫升、梳打水少量、碎冰適量 先倒入糖水，糖水做法係用相同份量嘅糖、熱水攪溶 加入薄荷葉，喺杯內將薄荷葉輕輕按壓，注意唔好將佢哋完全壓碎 再加入新鮮青檸汁 最後加入蘭姆酒、碎冰同梳打水，攪勻即可 馬丁尼 Martini [instagram photo=”CBYGvJxJzNH”][/instagram] 酒精濃度：約35% 材料：琴酒74毫升、苦艾酒15毫升、檸檬皮一片、冰塊適量 先放入冰塊，再倒入琴酒同苦艾酒，向同一個方向攪下 隔走冰塊，然後倒入酒杯 最後放入一片新鮮檸檬皮就搞掂 螺絲起子 Screwdriver [instagram photo=”B4nkT7fHbF4″][/instagram] 酒精濃度：10% 材料：伏特加50毫升、橙汁100毫升、乾燥橙乾一片、冰塊適量 加入冰塊 加入伏特加同橙汁，混合 最後用乾燥橙乾做裝飾
呢間新開嘅Tapa Room位於觀塘工商廈區，所以平日夜晚嚟到都冇咩人，放工想同同事朋友靜靜地放鬆傾吓計啱哂，相對都坐得舒服啲；一轉入內街嚟到就被門口大大嘅霓虹燈裝飾吸引著，啱哂打卡~ 餐廳分咗內外兩個area，喺室外可以享受寧靜嘅街景，飲吓酒chill吓；而室內就可以享用正餐。 介紹完環境就講吓呢到超吸引嘅食物！ 買咗呢個套餐可以用$100食到有齊西班牙火腿、曼徹格芝士、蕃茄醬麵包、2杯Sangria嘅套餐，就咁單嗌原價要$180㗎！平咗成倍！ 西班牙火腿世界聞名，黑毛豬嘅味道有滿滿嘅油香，芝士味道溫和但口感飽滿，成個配搭都好夾~ 順帶一提，呢到嘅所有設計都好高級、有品味，連餐具抽櫃都好靚，間格睇得出喺特別訂做，而且侍應服務態度好好，會主動幫你添水、換碟，算得上係高級享受XD 如果想食飽啲就可以試下$180套餐B：炸黑毛豬火腿球、炸薯條配蒜蓉旦黃醬、2杯Sangria，食齊三樣招牌菜！如果唔跟呢個套餐，原價要成$230！ 炸黑毛豬火腿球炸得幾鬆脆，食落唔會覺得好粉，黑毛豬味道都算香濃~ 呢個西班牙水果茶啫喱賣相超吸引，唔會整得好實或者太冧，質感啱啱好，而且果肉超多，食得好滿足，仲有小小冰鎮嘅感覺！ 嚟到bar梗係要叫返杯西班牙果酒（Sangria），果味好重，非常易入口，啖啖都係陣陣清涼嘅果香味，飲落仲有微微嘅酒勁~ 總結嚟講，呢間Tapa Room嘅西班牙菜高質好食，非常值得一試，而且環境舒服自然，雖然價錢唔算平，但可以坐好耐慢慢hea、食物又高級，都真係值哂！ 有興趣可以參考呢個套餐優惠，買咗就可以平成一半去食，要去試下啦~ Tapa Room 地址：觀塘觀塘道348號國際貿易中心地下G02號舖 套餐優惠：www.kkday.com/zh-hk/product/37014/ 按此參加
放假做咩好？要飲酒放鬆、happy下~ 日本就有個Twitter網友自製咗「威士忌味西瓜」大快朵頤~ 推主「小池田マヤ」(@koikedama) 喺西瓜上面開洞，再將威士忌例轉插喺洞上面，令到酒可以滲入西瓜肉當中~ 不過佢就話要等四日先可以灌哂成支威士忌~ 將西瓜切開，啖啖肉等你嚟食，又甜又有酒味~ 折衷案も悪くなかったです(外から失礼しました)。 pic.twitter.com/lYrAplX1du — 草薙刃@《死に狂い》書籍化＆東方連載中 (@KaguyaKurokawa) 2019年9月10日 不過其實等4日太耐啦，就有網友提議可以喺水果中間切個洞倒酒都得！ 等小編即刻去買西瓜同酒實測下係咪真係咁正先XD 來源：Twitter @koikedama
灣仔一間西班牙餐廳嘅火腿芝士松露多士配鵪鶉蛋，賣相非常精緻可愛!! 懶洋洋嘅鵪鶉蛋就咁攤咗喺度…不停向我招手~~ 真係忍唔住 好想一啖食咗佢啊! [instagram photo=”BN9TCjpAbU_”][/instagram] 火腿芝士多士配黑松露，隔住個mon都feel到有幾香 [instagram photo=”BOE6uDBAlYl”][/instagram] 鵪鶉太陽蛋大細啱啱好，可以一啖食哂! [instagram photo=”BOI62qBAh5g”][/instagram] 好治癒嘅早餐顏色呀~ [instagram photo=”BMTgfnaAZwX”][/instagram] [instagram photo=”BK0xwWQhmTk”][/instagram] 提提大家，係全日供應架~ [instagram photo=”BMJokVOA-Od”][/instagram] Ham & Sherry 地址：灣仔船街1-7號地下 營業時間：星期一至六: 12:00-15:00; 18:00-23:00 星期日: 12:00-15:00; 18:00-22:00 =============== 放假去邊 更多好介紹: 快啲like我哋Facebook 同follow我哋Instagram啦!
