天氣咁凍，當然要整兩串熱辣辣嘅串燒～ 呢間九龍城串燒長期都有人龍排隊，店內秘製醬汁非常惹味～ 串燒有多款選擇，必試雞軟骨同牛肉！ 串燒係一早燒好咗，叫咗再翻燒～雖然肉質會有影響，但係呢間店嘅靈魂係醬汁～店內秘製沙嗲醬同酸辣汁好惹味！ 次次經過都忍唔住買返兩串食～ 醬汁必試酸辣汁，令到串燒嘅味道昇華咗！如果叫唔辣就冇咁好味啦～ 金泰沙冰 地址：九龍城衙前圍道21號A2舖 圖片來源：@wingwing.foodfood、@ceciliangsh
小編發現尖沙咀有間新開嘅居酒屋！ 好有日本Feel之餘，食物質素仲好高！ 即刻睇下有咩好食！ 蟹肉蟹膏甲羅燒 $68 超級無敵多蟹肉！勁勁勁足料！ 加埋蟹膏、蛋黃、蔥花一齊燒！ 係小編食過最足料嘅甲羅燒！ 餐廳仲會附上薯片畀你一齊食，超級香濃！必食！ 備長炭串燒（牛舌串 $42、黑毛豬腩串 $36、明太子雞肉串 $38） 呢到有接近20款串燒！ 小編大推厚厚的牛舌啊～～～ 油脂勁豐富！ 豬腩肉燒完之後特別香，雞肉串上嘅明太子亦畀得好足料！ 海膽木魚醬芝士 $75（四件） 海膽鮮甜，帶淡淡海水味～ 配埋鹹鹹地嘅木魚醬、勁大粒芝士、餅乾，呢個小食送酒一流啊！ 關東煮 日本居酒屋必食！ 呢到有足足20款配料畀你揀，全部都煮得勁入味啊～～～ （日本魚餅、日本魷魚鬚魚蛋 $30；日本蘿蔔 $35；野菜炸豆腐餅、雞蛋福袋 $40） 小編發現無論係野菜餅、定係蘿蔔，件件都好足料好大份！！ 最推薦就係日本魷魚鬚魚蛋、原隻雞蛋福袋！ 出面好少見之餘，味道仲好正 T_T 燒飯團（明太子、三文魚、梅）$35/三件 餡料畀得好足，每食一啖都食到料！ 咁就唔怕要乾啃白飯啦～～～ （不過燒過嘅飯團好好食，仲要有飯焦，其實就咁食都爽 T_T） 日本玉子燒 $68 雖然睇落好簡單，但係小編拍心口保證好食！ 蛋味係超級超級濃！ 蛋皮煎到微脆，但係入面依然嫩滑！ 呢到有好多款酒精飲品！ 啤酒、手工啤、果物酒、梅酒、威士忌咩都齊晒！ 依家仲要有優惠啊！ 酒精飲品 新張優惠 (只限6pm-7:30pm Happy Hour時段)： 1. 惠顧啤酒 (手工啤酒除外)，可享買一送一優惠 2. 惠顧手工啤酒或杯裝酒精飲品，第二杯可享半價優惠 […]
