Open Tour
今次要推介呢間餐廳，由室內裝飾至食物擺盤全部都係花，呢度必試招牌菜，包括龍蝦意粉同薑蔥意粉，小編推介呢度嘅曲奇杯甜品，絕對可以帶俾你驚喜！ 全間餐廳都被花花包圍曬，整體感覺非常之放鬆~ 呢個龍蝦意粉擺盤真係好有心思，上面全部都係食用花，仲有網格雞蛋蛋皮蓋住啲意粉，龍蝦肉好實淨，啲汁都幾香濃。 夠薑蔥爆你，聽個名都知道佢犀利，其實係薑蔥炒意粉，薑蔥味道好濃烈~令整體味道非常惹味。 曲奇杯，將牛奶倒入曲奇杯度一齊食，杯上面仲有可愛嘅兔仔，全哥曲奇都可以食落肚㗎。 店主都好貼心咁喺打卡牆下邊準備咗張凳，擺喺度俾大家坐住影相！ 白房子White Hse. 地址：銅鑼灣謝斐道508號聯成商業中心15樓1501室 營業時間： 星期一三四五六 星期二（全日休息） 電話：39562183/94498079 (whatsapp) 圖片來源：@snowy_lifestyle、@whitehse__
鐘意食士多啤梨嘅朋友注意喇！尖沙咀人氣過江龍茶室，近日推出全新春日餐單，甜品以士多啤梨入饌，新品有士多啤梨法式可麗餅、士多啤梨抹茶酥餅、三文魚水果沙律飯，除咗多款甜品，餐廳亦有供應多款意粉同三文治，即睇內文介紹喇！ 全新推出嘅「法式士多啤梨可麗餅」用上發過嘅蕎麥粉製作，煎至酥脆可口。再配上紅茶味海鹽焦糖醬同士多啤梨雪糕，口感清新而不膩~ 呢個滿滿少女心嘅「士多啤梨下午茶餐」，包括有店舖大熱嘅Scone、Short cake同芭菲杯，喺餐廳都可以感受到野餐氣氛。 「抹茶士多啤梨海綿三層蛋糕」，蛋糕夾雜住抹茶、白朱古力忌廉、紅莓醬，味道酸酸甜甜。 「士多啤梨配核桃鬆餅」，雪糕選用Haagen Daz抹茶雪糕和撒上抹茶粉，面層淋上紅豆醬再配埋新鮮嘅士多啤梨，咁就非常完美！ 「煙熏三文魚水果飯」感覺已經非常春夏，新鮮蔬果沙律配上柑橘汁，特別得嚟又幾好食。 除咗甜品，更有多款意粉同法式多士供應。 「明太子醬野菜魷魚意粉」鹹鮮嘅明太子醬非常惹味，海鮮和蔬菜都好鮮甜，大家都可以配上麵包點醬吃～ 「法式雞肉芝士三文治」，雞肉芝士食落鹹香味好濃郁，雞肉都幾嫩滑，食完甜品唔夠喉都可以嗌番個試下~ Afternoon Tea Tearoom HK 地址：尖沙咀梳士巴利道18號Victoria Dockside K11 Musea B1樓B112B號舖 營業時間：星期一至日11:00-20:00 電話：2671 0288 IG@marcosora、@hkfoodiechris、@afternoontea_tearoom_hk
鍾意食Bagel 嘅朋友要注意啦！今次小編要為大家介紹一間位於大角咀嘅Cafe，佢哋主打激厚足料Bagel店內主打8款唔同配料嘅Bagel，你可以先選擇配料，再選擇Bagel款式，非常個人化 Bagel 有唔同口味供應，另外亦有主打口感煙韌嘅New York Bagel，味道有甜有鹹，選擇勁多 除咗Bagel ，餐廳亦有提供唔同口味嘅義大利麵包Panini或者沙津 不論你係健身運動人士，定係超鍾意食肉嘅食肉獸，都總有一款可以滿足你嘅口味！ 今次會推介三款美食畀大家，分別係「AVO CHICKEN」、「KATSU ITALIANO」同埋「THE STACK」「AVO CHICKEN」用咗牛油果、雞肉等材料製成有豐富嘅營養同蛋白質，啱哂做運動嘅朋友，配上Panini同自家調配醬汁食用，有飽腹感而且非常清新！ 專為食肉獸而設嘅「KATSU ITALIANO」用咗吉列豬扒做主要食材 再配上蕃茄、青瓜等蔬果，中和炸物嘅油膩感 連埋芝士味Bagel 齊齊食用，啖啖都好滿足！ 「THE STACK」以燻牛肉、火腿、小黃瓜等等配料組合而成，呈現地道外國風味 飲品方面，店鋪有果昔、手工啤、咖啡任你揀 加上咁Chill嘅環境，好似去咗外國嘅小店一樣，大家記得唔好錯過啦！ The Hangout Bar & Cafe 地址：大角咀博文街18號 營業時間：星期一至五 8am-5pm，星期日 11am-5pm
鍾意飲茶嘅你要注意啦！ Tea WG 推出季節春日季節限定綠茶系列「永恆之櫻茶 Always Sakura Tea」 呢款限定茶葉係2021頂級訂製茗茶系列永恆之一，芳香嘅特選綠茶勁啱春天飲用 「永恆之櫻茶」有甜櫻芳華同埋芬芳花香，啖啖都散發著櫻花、綠杏仁香氣 而今次茶罐包裝採用淡雅海洋碧綠色為主，優雅大方 當中仲加上金色同埋當季櫻花設計作點綴，無論係送禮定自己飲都好啱 綠茶更含有豐富礦物質鋅同埋維他命C」，有抗炎、抗氧化功效，健康又好飲 除咗全新茶葉之外，Tea WG 更推出櫻茶香馬卡龍， 以淡粉紅色嘅酥脆杏仁圓餅搭配柔滑朱古力夾心，配上Tea WG 經典茗茶一齊食，簡直係完美！ 另外亦有精緻茶饌法式糕點「抹茶蜂蜜蛋糕」，以抹茶蛋糕、蜂蜜內餡同埋抹茶茶香慕斯製作而成 清新、而且茶味濃郁，好食到停唔到口！ 最後，點少得Tea WG 以綠茶入饌嘅限定午餐同埋晚餐菜式。 多款自選主菜菜式都好吸引，包括︰菠菜乳清芝士意大利雲吞佐牛油汁，伴蘆筍及炒杏鮑菇，並以抹茶泡沫點綴 另外亦有香焗比目魚，以白味噌及味醂醃製，搭配融入雁音的鰹魚高湯，配白蘿蔔，蠶豆和海帶等等 春日盛饌季節限定菜單將於2021年3月15日至5月15日下午6時起， 喺Tea WG又一城沙龍及精品店及Tea WG國際金融中心沙龍及精品店供應， 價錢為每位HK$378起 限定晚餐包括頭盤或湯品、自選主菜、綠茶茶香甜品，仲有由茶藝師推介嘅茗茶或冰茶 大家快啲去試下啦！
想知香港有咩好食、好去處？等小編介紹你睇「深度美食遊」啦！ 「深度美食遊」係一個介紹香港美食同埋景點俾食客嘅美食項目～仲不時會有大量嘅現金購物券、美酒、酒店住宿券，送俾各位食客！ 例如去吓石澳～有好多嘅特色嘅建築物，最啱鍾意影相打卡嘅大家！特別係情人橋呀！ 而「深度美食遊」嘅創辦人仲試過着韓服遊南丫島！既可以影相又有特色，沿途仲有好多人搵佢哋影相添！ 南丫島仲有間叫富記嘅餐廳，海鮮大餐又豐富又抵食！必食推介啊～ 「深度美食遊」仲接受過叱咤903朱薰你好嘢嘅訪問！ 想聽重播，又或者想知更多好玩好食嘅地方？去佢哋Facebook或者Instagram睇睇啦！ Facebook：https://www.facebook.com/HKWDE60 Instagram : https://www.instagram.com/hkwde60/
咁耐無得飛韓國，係咪好掛住韓國美食呢！？ 韓國No.1連鎖果汁店JUICY最近聯同韓國人氣卡通 LYCHEE & FRIENDS推出品牌首個聯乘系列， 推出一系列清新荔枝口味特調飲品同埋滋味熱狗套餐，等你喺香港都食到韓國滋味！ 今次嘅期間限定飲品同埋熱狗系列好吸引，由飲品至小食都有 飲品方面，呢款「士多啤梨荔枝雪沙」酸酸甜甜，味道開胃 而「荔枝泡沫特飲．就用咗荔枝肉打成，而且有啖啖豐富果肉口感，勁清新又飽肚！ 另外亦有「荔枝味拿鐵」，非常特別嘅口味，由濃郁荔枝香氣配搭純厚鮮奶，帶畀大家一個Good Morning 小食嘅話，呢款「墨西哥青醬牛油果熱狗」絕對係必食之選 由傳統墨西哥醬料加上牛油果、熱狗腸製作而成，營養十足！ 另外亦有「Juicy炸雞」，炸雞以5件輕量裝供應，配埋荔枝口味特調飲品一齊食，可以中和油膩感 絕對係下午茶/收工時必食嘅美食之選！ 今次聯乘系列仲會推出驚喜活動，只需惠顧系列產品滿HK$100， 就會送LYCHEE & FRIENDS荔枝熊可愛造型原子筆一枝，記得先到先得，送完即止！ JUICY中環店 地址︰香港站42號店 JUICY尖沙咀店 地址︰加拿分道8號嘉芬大廈A1號舖
各位食肉獸有福啦！日本產直燒肉名店「Beefar’s」全新品牌「牛舞Gyumai」終於登陸香港 新店主打多款極上和牛、黑豚肉，提供放題形式嘅燒肉或者涮涮鍋 放題食物種類多達165種，而自助區亦有逾30款日本美饌，包括特選刺身同埋雪糕供應，真係好似去咗日本一樣！ 全新燒肉放題及涮涮鍋專門店「牛舞Gyumai」選址於元朗YOHO MALL 店鋪嚴格挑選全球各地品質上乘嘅珍稀肉品，提供一系列高質食材同埋日本料理 燒肉方面，餐廳提供5款燒肉放題套餐，大家可以根據自己心水價位選擇唔同質素嘅牛肉放題 價錢最優惠嘅「特選美國黑安格斯牛肉放題」，成人最平每位只需$238起 必試套餐入面嘅「美國黑安格斯肩胛牛肉薄燒巨切」，呢個價錢可以食到多款美國優質靚肉，勁抵！ 當中CP值非常高嘅「樂天澳洲和牛放題」，小童及長者只需$268起就可以任叫任食，而成人最平只需$308起 樂天澳洲L’grow和牛更係香港首次引入嘅和牛，呢款和牛有專門嘅飼養員去照顧， 由日本純種黑毛和牛配種而來，每隻均超過360日穀飼過程，食落有咬口，牛味香濃！ 另外亦有非常罕見嘅「日本薩摩和牛放題」， A4等級以上的鹿兒島薩摩牛全由極少數嘅獲獎飼養員飼養， 嚴格規定南九洲飼養嘅100%純鹿兒島黑毛和種，BMS霜降程度達5級以上，肉質鬆軟細滑，牛肉迷一定鍾意！ 惠購以上套餐嘅食客更可免費獲贈「牛舞拼盤」！ 當中包括咗美國SRF極黑和牛，結合日本和牛細緻嘅油花同美國黑安格斯牛濃厚肉味，嫩滑又多汁 同時亦有美國黑安格斯牛肉、軟腍滑溜嘅北海道黑豚肉等等，種類勁多勁豐富！ 除咗燒肉放題之外，餐廳亦有提供午市套餐同埋涮涮鍋套餐 小編推介當中嘅「牛舞拼盤午市套餐」，只需$208起就可以一次過食到餐廳主打嘅5大極品優質靚牛同埋黑豚肉， 當中包括薩摩和牛牛肋肉、樂天澳洲和牛肩胛肉、美國SRF極黑和牛板腱、美國黑安格斯下肩胛翼板肉、牛舌薄切、北海道黑豚腩厚切、美國雞腿肉 加$48更可以升級至涮涮鍋，當中必試牛骨Cappuccino濃湯湯底 湯底以大量牛骨、牛尾、雞骨同埋蔬菜熬製6小時造成之後，再於鍋底打上一層幼細泡沫， 泡沫均勻分佈於肉片上，食落有綿綿口感，非常特別！ 同時亦有供應一系列午市定食套餐，包括樂天澳洲和牛封門柳扒配薯條、和牛漢堡配薯條、雜錦串燒等等 選擇勁多勁豐富！ 係咪好吸引呢，大家快啲去試吓啦！ 牛舞Gyumai 地址：新界元朗元龍街9號形點一期L1層1073號舖（近元龍街出口） 營業時間：星期一至五 11:30-22:00│星期六、日及公眾假期 11:00-22:00 訂座電話：2813 2382
台灣人氣「KiKi麵店」最近同網上外賣優惠平台合作推出限時優惠！ 由即日起，凡透過網上外賣平台Openrice訂餐或親臨餐廳外賣自取， 就可以享單點主餐牌上嘅七五折優惠！ 當中必試招牌麵食「鮑魚花膠濃湯雞灌麵」，以濃雞湯加豬骨熬製四至六小時嘅湯底超級入味 佢哋嘅花膠喺泡製過程中會先泡浸兩小時，之後再慢煮切絲， 加入咗鮑魚絲之後湯底會更鮮甜，值得一試 另外推薦秋冬時令必食嘅「蟹黃油拌麵」，用咗KiKi手工日曬乾拌麵配以自家製蟹粉醬、蟹油、手拆蟹肉同黑醋， 味道層次豐富又有鮮味！ 鍾意食辣嘅朋友可以試吓「麻辣肉片紅白麵」， 配上板豆腐、台灣鴨血、白灼肉片，啖啖都係台灣滋味 而「鮑汁海參拌麵」亦係人氣之選，當中有豐富蛋白質嘅海參對提升免疫系統大有幫助 仲有「胡麻棒棒雞拌小醋麵」、「川味牛肉湯麵」等等，全部都好吸引！ 飲品方面，「KiKi茶」亦聯同KLOOK推出限時優惠 大家可以優惠價港幣112元購買KiKi茶「買四送一」電子優惠劵 可以憑電子優惠劵去「KiKi茶」嘅金鐘太古廣場店、K11 MUSEA店丶中環國際金融中心店同埋九龍灣德福廣場分店兌換港幣38元以下飲品 「KiKi茶」嘅飲品選用台灣優質茶葉丶黑糖同蔗糖製作而成， 採用頂級真空萃取「BKON」技術，茶香味濃 必試「鮮萃金鑽鳳梨青茶」、「凍豆乳雪絨仙草KiKi烤茶豆奶」、「自家桂圓紅棗茶」等等 想安坐家中食到KiKi麵嘅大家亦可於網上外賣平台Deliveroo預訂外賣送遞服務， 大家快啲去試吓啦！ 「KiKi茶」買四送一優惠 購買網址 立即訂購
節目假期經常會見到親朋好友，幾個人一齊最啱就係食蛋糕！ 今次小編集合咗幾間網上人氣蛋糕店畀大家 唔同款式都有，快啲訂返個啦！ 1) 404.lot.fine 主打鮮花蛋糕嘅「404.lot.fine」嘅蛋糕好似藝術品一樣咁靚 [instagram photo=”CI3akQ1jrO7″][/instagram] 蛋糕款式好高貴，送畀女朋友一定鍾意 佢哋嘅旺角地舖開放交收，都幾方便 [instagram photo=”CHNuk-ljSyJ”][/instagram] 404.lot.fine https://www.instagram.com/404.lot.fine/ ========== 2) byj.hk 呢間蛋糕店嘅老闆將蛋糕當成畫紙 喺大理石蛋糕面上畫上好靚嘅圖像，夠哂特別！ [instagram photo=”CJFZ1_RpKGy”][/instagram] 仲有客製化嘅蛋糕，畫上你哋嘅樣，好有意義呀！ [instagram photo=”CJNl_WLJrXb”][/instagram] 簡單嘅款式亦有，好想試吓！ byj.hk https://www.instagram.com/byj.hk/ ========== 3) 65.cakes 復古蛋糕嘅人氣愈來愈高！ 呢間小店嘅蛋糕以搶眼顏色、大大粒車厘子同超厚唧花奶油打造濃濃復古味 [instagram photo=”CJLlvLljAAR”][/instagram] 鬆軟嘅海棉蛋糕仲可以加配水果口味，令蛋糕口感更豐富 [instagram photo=”CI3Oy8AjWad”][/instagram] 味道不錯之餘，賣相更係滿分 65_cakes https://www.instagram.com/65.cakes/ ========== 4) holam_bakery 呢間小店嘅千層蛋糕出哂名！ 每日新鮮製造而且口味多多，總有一種啱你心水 [instagram photo=”CIFeH-Lp02f”][/instagram] 可以散裝咁買，不時仲會推出8件口味蛋糕，好吸引呀 [instagram photo=”CG6a74ypWzn”][/instagram] 每日嘅味道都有機會唔同，記得留意啦 holam_bakery https://www.instagram.com/holam_bakery/ ========== 5) […]
荃灣出晒名多好嘢食，今次小編就試咗兩間東南亞菜！ 食物價錢抵，而且質素幾高，絕對試得過！ 第一間係專食新加坡菜+馬來西亞菜嘅餐廳「馬六」！ 新加坡喇沙摻摻 呢個喇沙最正係用咗油麵+米粉，彈牙、掛湯，又夠正宗！ 湯底超濃郁，豆卜吸晒啲味勁好食！仲有鮮蝦、蜆肉等海鮮～ 馬六無骨海南雞飯 拼巴生肉骨茶 鍾意食海南雞飯嘅朋友仔，呢間真心推！無論係份量、味道、質素都係一流！ 嫩滑雞肉配油飯，再加秘製醬汁，夾到爆～ 重點係巴生肉骨茶！勁足料已經好濃郁，可以翻兜！ 巴東牛肉飯 如果想食啲濃味嘅飯餐，呢個就絕對適合喇！巴東牛肉微辣得嚟勁惹味，個醬汁撈飯一流！ 牛肉份量好多，而且夠晒淋，肉質唔鞋～ 檳城蝦麵 蝦麵都係星馬菜必食之一，呢間做得幾唔錯！湯底真‧好濃蝦味，但飲晒都唔會口渴～ 而且用料、份量十足，食極都仲有，勁高CP值！ 南洋咖央多士 (斑蘭) 點可以唔試埋咖央多士？ 厚切牛油+香濃斑蘭醬，再加香脆多士！小編保證，呢個會食唔停口！ 芒果冰 飲品方面，小編就最推介芒果冰！因為真係有半個芒果喺隔離！ 飲完濃郁嘅芒果冰之後，仲可以食埋香甜嘅芒果，爽！ 馬六 地址：荃灣眾安街68號荃灣千色匯1樓1023A號舖 而另一間食越南菜嘅餐廳就叫「越北牛肉粉」，就喺正「馬六」隔離！ 一場嚟到，梗係要試埋佢啦～ 越北綜合牛肉湯粉 食越南菜，首先梗係試佢嘅生牛河！ 呢碗牛肉粉除咗有生牛肉之外，仲有牛腩片、牛丸等等，啱晒一眾牛魔王啊～ 順化香茅牛肉撈檬 小編當日仲試咗撈檬！檬粉彈牙，配合秘製酸汁都幾開胃～ 不過重點係牛肉！真係好嫩滑好好味！ 法式蒜蓉牛油雞翼 小食方面，小編首推係蒜蓉牛油雞翼！ 雞翼size勁大，而且外皮炸得香脆，配埋蒜蓉牛油，點會唔好食？ 鮮蝦米紙卷 米紙卷都幾唔錯，清清地～ 配埋其他濃味嘅主菜一齊食，都幾夾！ 越北牛肉粉 地址：荃灣眾安街68號荃灣千色匯1期1樓1023號舖
