咪再自己一個匿埋打機喇！不如成班Friend一齊去玩VR，同場加映超多音樂表演、手遊體驗，仲有機會贏到精美禮品！ 「毒」樂樂不如眾樂樂！今年香港旅遊發展局主辦嘅「工銀亞洲香港電競音樂節」，喺8月24至26日灣仔會展舉行，等小編話你知有咩好玩啦！ 陳柏宇現身！必玩3款VR 工銀亞洲館（A01）有3款VR遊戲畀大家試玩，全部都勁吸引！ 唔怪得連陳柏宇都現身玩埋一份，正呀！ 1. 《極限對決》(Overkill) 電競Fans不能錯過！呢個首次登陸香港嘅VR電競遊戲超級好玩！ 唔單止考你個人技術，仲講求團隊合作！ Overkill需要4至10個人分成兩隊、以對戰形式咁玩！ 又要打虛擬嘅對手，又要Carry真實嘅隊友，超刺激啊～ 2. 《生化煉獄》(Zombie Jail) 自問大膽嘅各位，一定要玩下喪屍Game！ 咪話小編唔提你… 呢個驚嚇程度有100%！準備好心情先好出發，同喪屍決一死戰啊！ 3. 《城市守護者》(City Hero) 唔想玩到咁驚嚇？！合家歡嘅VR一樣有！ 唔恐怖得嚟又有挑戰性，最啱一家大細、幾個人一齊玩！ 免費玩5款最Hit VR！ 喺HTC VIVE + ZOTAC 攤位（D01-D02）都有好多嘢玩！ 千祈唔好錯過呢個攤位！ 1. 《Beat Saber》 呢到有超熱門嘅《Beat Saber》VR遊戲！小編表示玩得勁過癮啊！ 呢個VR音樂遊戲又點少得「專人」表演？！ 活動期間，除咗邀請咗6間大專院校Dance Society過嚟PK一番，仲搵嚟依家喺呢個Game世界排名第三嘅泰國VR eSport超新星HanzerXyria嚟親身示範兼同現場觀眾交流遊戲心得！ 2. 《Plank Experience》 畏高人士慎玩！小編大推呢個整蠱VR！ 玩嗰陣真係好似企咗喺半空，每行一步都真係嚇一嚇！（莫名奇妙的離心力…） 3. 《Front Defense》 你哋除咗可以免費玩之外，仲有得睇嚟自泰國、中國、台灣、杜拜、越南嘅20位VR電競高手進行《英雄防線：勇士們－亞洲邀請賽》，爭奪「亞洲第一」！ 仲有《Ping Pong King》同《Baseball King》有得免費體驗！ 有得打乒乓波，又有得玩棒球，大家記住嚟試玩喇～～～ 除咗呢啲VR遊戲，csl亦會舉辦《PUBG MOBILE》全港電競挑戰賽，同埋「全日食雞大作戰」，贏咗仲可以拎到豐富獎品。 而創辦手機轉珠遊戲《神魔之塔》嘅公司瘋頭，亦會為粉絲搞大抽獎，有機會拎到強勁嘅遊戲角色！ 屎萊姆、達哥等KOL現身決戰！ 一連3日嘅電競音樂節，仲邀請到多位網絡紅人嚟對決！屎萊姆、達哥、小花（譚杏藍）都會喺晒到！ 佢哋仲會分別玩《Overcooked2》、《Saturn Bomberman》、《MARIOKART […]
