小編自從喺台灣夜市食過鹽水雞之後就愛上咗！ 簡簡單單嘅雞脾肉/雞胸肉，再配搭時令蔬果同醬汁～真係好滋味！ 想知近近地香港邊到有得食? 即刻睇吓香港鹽水雞大集合啦～ (排名不分先後！) =========================================== 阿佳拌麵 呢度嘅店主曾經喺台灣學廚兩年～ 佢哋嘅鹽水雞拌麵鹹香味十足～重口味人士大愛呀！ 仲可以揀肉燥、溏心蛋、豆腐等配料～ 醬汁方面就可以揀沙茶、芝麻、麻辣～ 呢度仲引入紅葱酥、麻辣花生～食落更惹味！ [instagram photo=”BT6891xhRGR”][/instagram] INFO. 地址：葵芳葵富路7-11號葵涌廣場3樓303F號舖 =========================================== 阿土伯鹽水雞 以往有唔少幫襯過嘅客人，都話呢度嘅鹽水雞係最貼近台灣味道！ 咁當然要試吓！ 一人份量可以揀去骨胸腿肉半份/三隻雞翼 + 三個配菜～ 仲可以追加埋拉麵㗎～ 配料上選擇都幾多！仲有唔同調味同辣度～ 小編就覺得地道椒鹽味係最正！ [instagram photo=”CTwxq1hhBYo”][/instagram] INFO. 地址：觀塘成業街7號東廣場地下23號舖 =========================================== 肥仔黎 雖然香港好多賣台式鹽水雞嘅鋪頭都係用盒裝～ 但呢間小店就仍然保留著台灣夜市嘅做法， 將鹽水雞同其他配菜放喺塑膠袋裡面～ 喺呢度客人同樣可以自選雞翼、雞胸或者雞腿部分～ 而常見嘅配菜一樣有供應，食材新鮮，食落更特別有台灣夜市風味！ [instagram photo=”CNhHZ3jDzC1″][/instagram] INFO. 地址：元朗鳳琴街15-21號鴻運中心地下12號舖 =========================================== 台灣ET鹽水雞 由台灣夜市進駐香港嘅台灣ET鹽水雞~ 利用鹽水同上湯浸熟台灣土雞再拆皮去骨，做法夠正宗！ 客人仲可以揀雞胸、雞腿或雞翼～ 配料選擇亦超過30款，當中有唔少係台式配料～ 包括台灣直送嘅麻吉燒、米血糕同甜不辣，真係好似去咗台灣咁呀！ [instagram photo=”CWLCs_fvL9H”][/instagram] INFO. 地址：上水符興街41號地下5B號舖 =============== 放假去邊 […]
