Open Tour
各位點心迷要留意啦！ 五星級酒店W酒店嘅中菜廳星宴推出咗點心放題 由即日起至2020年8月31日期間，每日下午3時30分至5時30分期間快閃推出！ 有20款招牌點心、時令老火湯同埋甜品供應，可以俾您盡情任點任食 酒店鄰近鐵九龍站，交通方便 星宴點心放題詳情︰ 日期︰即日起至2020年8月31日 ( 週一至週日 ) 時間︰下午3時半 – 下午5時半 價錢︰每位港幣$188+10% 查詢: 852 3717 2848 / [email protected] 網址︰星宴點心放題 地址︰尖沙咀柯士甸道西1號港鐵九龍站香港W酒店1樓
每次一有點心放題優惠，大家嘅反應都好熱烈，可想而知點心係幾咁受香港人歡迎～ 今次介紹嘅「海雲天」係九龍海逸君綽酒店入面嘅高級中菜廳， 佢哋同kkday推出豪食點心放題優惠，每位只需 HK$158 起， 就可以係90分鐘內任點任食多達40款點心，好吸引！ 平時去五星級酒店食嘢至少都幾百蚊埋單，仲要未必食得飽 依家$158就可以任食，食到飽先走，真係好抵 點心有成40款咁多，而且每位客人都會送花膠瑤柱灌湯餃、芝士焗蟹蓋同富貴鮑魚撻， 好想試吓酒店級嘅質素！ 呢款黑金流沙包係必叫之選，啖啖奶黃流出，好正 鍾意食辣嘅你一定要試川味口水雞，辣味香濃 香口小食推介椒鹽豆腐粒，香脆外層配埋滑一滑嘅豆腐，真係食到停唔到口！ 鍾意食點心嘅你快啲Bookmark呢個咁正嘅點心放題啦！ 下午茶90分鐘點心放題 價錢：每位港幣$158 適用時段：星期一至日及公眾假期14:30 – 16:30 午市90分鐘點心放題 價錢：每位港幣$158 適用時段：星期一至五 11:00 – 15:00 午市假日90分鐘點心放題 價錢：每位港幣$198 適用時段：星期六至日 及 公眾假期 11:00 – 14:30 訂購網址 地址：九龍紅磡德豐街20號海逸君綽酒店二樓
點心真係香港人其中一樣最愛嘅美食！ 今次小編又發現到一間超抵食嘅點心放題，只需$68就可任歎55款點心 當中竟然仲有紅燒乳鴿，要食到回本完住無難度～ 點心放題雖然平，但質素一啲都唔參差， 人氣點心晶瑩蝦餃皇、蝦仁燒賣皇等全部都係即叫即蒸 小編推介黃金奶黃箭豬包、雞皮餃子同三重芝士春卷，款式新穎又好食！ 蒸炸包點造型可愛，大人細路都鍾意 想食到回本，一定要試濃雞湯花膠米線、鮮茄龍蝦湯粒粒泡飯同惹味紅燒乳鴿， 紅燒乳鴿原價成$88/隻，即叫即燒，皮脆肉嫩嘅乳鴿真係食一隻都已經回本 而女士一定要任食滑溜養顏嘅花膠！ 大廚將「濃雞湯花膠米線」以香濃雞湯配以營養豐富嘅花膠熬煮而成，既養顏亦低脂，必食 酒樓仲有蘇杭風格嘅裝修，好別緻 快啲約埋屋企人一齊去食啦～ 神燈海鮮酒家 「$68午市放題收費 」 【上班食好啲】星期一至五：$68/位 (60分鐘) 【加時慢慢歎】星期六、日及公眾假期：$98/位 (90分鐘) ※註：免收加一服務費及醬油費，茶錢每位收$10 推出日期：2020年7月2日至7月31日 供應時間：11:30am-3:00pm﹙最後下單：2:00pm，3:00pm前離座﹚ 地址：佐敦長樂街14-20號，18廣場地下及一樓 查詢及訂座：2866 6177 / 2866 6292 WhatsApp訂座：5122 0046
香港人平時好鍾意飲茶，但點心逐碟計都唔平，叫吓叫吓可能都幾百蚊埋單～ 為咗方便大家「大飲大食」，好多出名食點心嘅中菜廳都推出咗點心自助餐，大家只需俾一個價錢就可以任點任食， 今次我哋會介紹五間點心放題俾大家，價位由低至高都有，一齊睇吓有咩好食！ 1. 川流 川流嘅點心由國際級大廚陳啟德師博掌廚，佢哋推出精選假日任食川式點心， 將川菜惹味香濃的風味注入傳統點心，好吸引！ 南北點心好特別，可以一試 呢款蜂窩魚香茄子芋角配搭特別，突顯點心師博心思 川流「假日90分鍾任食點心」 地址：灣仔太和街28號灣仔薈賢居地舖 供應日子：逢週末及公眾假期的早上11時至下午3時 收費：港幣$168 (另加每位茶芥$25及加一服務費) 2.點一龍 點一龍嘅點心放題有超過30款點心任食，好多選擇 推介黑蟹子小籠包、杞子鮮蝦燒賣同生磨芝麻小卷等等，全部都係大熱款式！ 佢哋連鳳爪排骨蒸飯同牛腩麵都係任食，真係唔怕唔夠飽 兩間分店嘅供應時間都唔同，大家要留意啦！ 點一龍「2小時點心放題」尖沙咀店 地址：尖沙咀廣東道3-27號海港城港威商場地下G103號舖 供應日子：逢星期一至日下午2時半至下午9時半 收費：港幣$188 (另收加一服務費) 點一龍「2小時點心放題」荃灣店 地址：荃灣楊屋道8號如心廣場商場一期地下G01A號舖 供應日子：逢星期一至五下午2時半至下午9時半 收費：港幣$188 (另收加一服務費) 3.唐人館 唐人館主打港式懷舊點心，放題有超過50款點心， 當中包括點心、粥粉麵飯同甜品等，啱哂鍾意傳統口味嘅你 唐人館位於海港城，位置方便 呢款肉醬和牛包加入A 5佐賀牛肉同水牛芝士，見到都流哂口水 唐人館「2小時懷舊美點放題」海港城店 地址：尖沙咀海港城港威商場四樓 4101 號舖 供應日子：星期一至五上午12時至下午3時 星期六、日及公眾假期上午11時半至下午3時 收費：星期一至五港幣$138；星期六及日港幣$168 (另加每位茶芥$25) 4.龍逸軒 龍逸軒係九龍酒店入面嘅中菜廳，佢哋嘅點心放題有超過50款點心、飯麵、甜品同燒味等，好豐富！ 有興趣嘅朋友可以去佢哋嘅官網訂購，無需另加茶芥同加一，好抵 酒店環境舒適，嘆Brunch一流 龍逸軒「2小時任點食點心Brunch」 地址：尖沙咀彌敦道19-21號九龍酒店2樓 供應日子：星期一至五上午10時45分至下午12時45分/ 下午1時至下午3時 收費：約港幣$265 5. 金葉庭 金葉庭曾獲米芝蓮一星殊榮，平時單叫一碟點心都要約$100， […]
吃貨福音！「第18屆澳門美食節」終於到喇！有成超過150個美食攤位，果然係美食之都～ 今屆嘅主題係「百變心情好煮意、美食之都譽全球」，一共有5大主題街，同埋1條新加坡村！ 全球嘅美食，呢到都搵得到！點可以唔嚟掃晒佢？！ =============== 海鮮控注意！必掃歐陸美食街 鍾意食海鮮嘅朋友仔，Mark實呢條「歐陸美食街」喇～ 龍蝦、生蠔、帶子… 有！蒸、燒、煮、炸… 齊！ 小編大大大愛～ 仲長過小編塊面嘅「蒜蓉波士頓龍蝦」！ 新鮮惹味之餘，仲啖啖肉！ 鍾意食龍蝦嘅朋友仔，可以試埋其他款～ 激多芝士嘅又得，加咸蛋黃嘅亦得！兩款都好吸引啊～～～ 燒生蠔都係必食～ 望到成排蒜蓉燒生蠔已經流晒口水喇～～～ 芝士控就一定要揀芝士燒生蠔～ 芝士夠多、夠濃，生蠔燒完仲keep住大大隻！ 日韓台泰菜！亞洲美食街 亞洲咁大… 你今次真係咩都食得晒啊！ 日本菜、韓國菜、泰國菜、越南菜、台灣菜，應有盡有！總有一款啱你心水嘅～ 芝士鰻魚包 必必必食呀！ 厚切嘅燒汁鰻魚夠晒香、配埋芝士一齊食，沒有不好吃的理由！ 爆丼都係全場焦點～ 小編特別推介：原條鰻魚左口魚、三文魚子蟹肉，兩款CP值都好高！ 四式玉子燒都好抵食～ 一個價錢可以食晒四款！芝士、紫菜、沙律醬乜乜乜… 選擇困難症都唔洗怕！ 亞洲美食嚟講，點少得台灣菜？！ 台式肉燥飯好吸引啊～～～ 每一粒飯都吸盡肉燥嘅精華！ 仲有好正宗嘅台南蚵仔煎，台菜控不能錯過～～～ 韓國菜嘅代表：韓式五花肉！ 豬腩肉嘅脂肪勁香～ 肥肉層次好分明～～～ 竟然仲搵到韓式傳統魚糕，必必必食啊！ 必必必食！新加坡美食 今屆美食節有成條「新加坡村」！ 你講得出嘅新加坡美食，呢到全部齊！等小編話畀你知，邊幾款夠正宗、最值得食啦～～～ 不能不食嘅，梗係咸蛋乜乜乜！ 呢到有咸蛋黃炸雞扒、炸薯條… 行過已經聞到好香喇～～～ 真．來自新加坡嘅海南雞飯！ 無骨就基本啦～ 再配埋油飯一齊食… 啖啖新加坡傳統味！ 仲有好重麻油香嘅手撕雞～ 份量好足、啖啖肉，食肉獸是時候出動了！ 去飲茶喇喂！超多款中式點心 點心控！「中式酒樓街」一定係你心水喇～ 可以食到茶樓嘅點心，間間都好地道！除咗粵菜之外，仲有上海菜、汕頭菜等等… 食得到嘅傳統味啊～～～ 蒜蓉蒸帶子全部都大大粒～ 40蚊就食到3隻，幾抵喎！ 中式酒樓嘅生炒糯米飯、辣酒煮花螺，呢到都搵得到～ […]
自港島延線開通後，越來越多人去發堀的舊區西環 訪尋大街小巷，不難找到傳統糖水、平民價抵食點心、潮式茶粿。 叁去壹 地址：西環薄扶林道11號 屹立了30幾年 以平價抵食的點心作招徠 是西環居民的必食推介! 燒賣 $15 雞包 $14 窩蛋牛肉飯 $20 馬拉糕 $13 海安咖啡室 地址： 上環干諾道西17號號 地下 於1952年在上環幹諾道西開業，是本地幾間最老的茶餐廳之一，店面一直維持原貌 鍋仔公司麵 $43 奶茶/咖啡紅豆冰 $30 曾記粿品 地址：上環皇后街1號皇后街熟食市場8號檔 香港少數僅存的潮式粿品專門店，經常有人特地前來品嚐傳統潮式食品 招牌潮式茶粿：紅桃粿、芋泥粿、黑桃粿、韭菜粿 各$6 芋泥白果 $28 源記甜品專家 地址：西環正街 32 號地下 源記甜品以提供傳統中式甜品而聞名，於1855年開業，是西環一間歷史悠久的糖水店 窩蛋合桃露 $36 雞蛋糕 $8 =============== 放假去邊 更多好介紹: 快啲like我哋Facebook 同follow我哋Instagram啦!
返工放Lunch會同老闆飲茶，放假就同屋企人飲茶，甚至有人鍾意宵夜去飲夜茶！ 雖然一盅得兩件、望落又細細件，但其實唔少點心蘊含好多脂肪！ 唔想一盅兩件，變成一啖兩磅？知道大概卡路里，識得揀嚟食就唔怕啦！ 文：嘉儀 點心類 蝦餃（1粒）：37kcal 可以放心食～～ 食多兩粒都唔怕！ 燒賣（1粒）：42kcal 卡路里唔算高，不過唔少燒賣都落咗肥豬肉！如果係鵪鶉蛋燒賣會更肥！ 鮮蝦腸粉（1條）：60kcal 算係腸粉家族中最低卡路里！如果牛肉腸/鵝腸就會肥好多！ 鮮竹牛肉球（1粒）：94kcal 牛肉球中暗藏肥豬肉！一粒起、兩粒止好喇～～ 鹹水角（1件）：170kcal 睇佢炸過嘅外皮就知道，卡路里不簡單啊～～～ 糯米雞（1件）：400kcal 食一件已經佔咗半餐卡路里Quota！ 入面足料（亦都好足脂肪），雖然飽肚不過同人Share就比較好喇～ 包類、糕點類 水晶包（1個）：38kcal 雖然餡料多數有加糖，不過都算低卡！食晒兩款味都唔怕～～ 蒸饅頭（1個）：60kcal 無餡饅頭本身唔高卡，但如果拎去炸、仲要點煉奶食，脂肪就同你Say hello喇～～ 蓮蓉包（1個）：88kcal 食一個都無妨！不過唔少酒樓加埋蛋黃入蓮蓉包中，咁就唔止88kcal喇！ 奶皇包（1個）：140kcal 流沙奶皇包真係好好食～～～間唔中放肆下啦～～～～ 叉燒包（1個）：160kcal 原來叉燒有好多肥膏，再加埋醬汁就更加肥了… （不要再說了，小編平時仲要係食叉燒餐包… 即係有蜜糖搽係包面嗰啲…） 馬拉糕（1件）：370kcal 以為無餡、蒸糕，等於健康？原來食一件已經有接近400kcal！ 入面又有豬油又有糖，好危險… 睇 住啊！ 雖然唔少點心卡路里都幾高，不過間唔中食下都無所謂嘅！ 計小編話齋，食得是福啊嘛！最緊要食得開心～～～ 唔食多啲，邊有力減肥？ ———————————– 放假去邊 更多好介紹: 快啲like我哋Facebook 同follow我哋Instagram啦!
小新! 又係小新呀! 呢個咁調皮嘅小朋友 依家大家可以好好教訓佢啦… (咦?!) 創意多多嘅新潮點心餐廳 — 点心代表 Dim Sum Icon 最近同蠟筆小新crossover! 唔只有小新嘅special menu, 就連餐廳嘅裝修都充滿小新嘅影子呀! ~尖沙咀分店同中環分店都有得食啦~ 『嗶嗶嗶…動感光波!!』 Well…野食先係main point! 上菜先~ 1) 大象朱古力流沙包 – $49/2件 朱古力流沙餡係用原粒瑞士朱古力，再混入烘焙過嘅鹹蛋黃嚟製作，足料! 可以話係最受歡迎嘅小新點心呀! 得呢款包可以睇到小新最奀皮嘅一面! 2) 三兄弟鮮蝦餃 – $49/3件 趁呢三兄弟瞓得咁冧…等小編一啖一粒食咗佢啦…(奸笑) 蝦餃入面入面有越南原隻大蝦同手打豬肉，超級爽口彈牙! 仲好鮮甜呀~ 3) 小新＆Friends牛奶流沙包 – $49/3件 妮妮終於出場啦!呢三個豆釘今次化身牛奶豆沙包~ 牛奶餡都好足料! 日本3.6牛乳+蛋白+紐西蘭奶粉, 奶味好重好滿足~~ 4) 不理不理左衛門奶黃流沙包 – $49/2件 呢款傳統流沙包亦都係小編今次試食嘅推介呀! 流沙餡香得嚟不膩, 秘製鹹蛋黃好入味! 玩完先食是常識吧? 5) 小新桃味特飲 – $39 […]
