Open Tour
如果大家呢期去開澳門，有時間就去下期間期定嘅康公夜市，今年已經第五次舉辦喇，呢個夜市為期三個月逄星期六日夜晚喺十月初五街附近開市，已經開咗一段時間，去到7月8日就完喇! 雖然地方細細，但都算幾多街坊美食，好多即炒海鮮，好似燒生蠔、炒蟹，仲要有燒龍蝦，呢啲海鮮檔隔離多數都有一兩張枱仔俾你坐低食，都咪話唔夠風味! 唔想食海鮮，都可以嚟呢度食其他美食，好似燒雞翼、腸仔、魷魚、炒糯米飯、煎蠔餅、炒花膠…… 唔食咸嘢，呢度都有其他甜品小食俾你揀，砵仔糕、雞蛋仔雪糕、茶凍、糯米糍、台式飲品…… 食完葡國餐走嚟呢度當宵夜都確係唔錯，裏面仲有幾檔賣啲手作仔添，喺大三巴行過嚟都唔駛十分鐘，去開澳門有時間不妨嚟呢度行下啦~ 康公夜市 澳門十月初五街(康公廟到新馬路路段） 日期 : 2018年4月14日 至 7月8日 (逢星期六、日) 開放時間 : 18:00 至 22:00 =============== 放假去邊 更多好介紹: 快啲like我哋Facebook 同follow我哋Instagram啦!
去大阪，好多人都會去黑門市場！ 等小編話你知有咩美食！睇完保證你想馬上出發！ =============== 即燒帆立貝 全部都係即叫即燒，大大粒、好滿足！ 唔想食原味？仲可以加芝士一齊燒！ 原粒帆立貝串燒 旁邊亦有已經煮好、配燒汁食嘅原粒帆立貝～ 一樣係勁大粒㗎！ 原條鰻魚 鰻魚迷必食！大條兼厚肉，仲要冇骨㗎！ 鰻魚玉子燒 想留肚？又想淺嚐鰻魚？呢款真係啱晒！ 燒大蝦 隻隻都長過小編手掌！真．啖啖肉！ 即燒原隻龍蝦 成隻龍蝦咁食，會唔會太爽啊～～ 好新鮮啊！ 帝王蟹腳 呢隻蟹腳… 長過小編隻手… 到底要食幾耐先食晒？！ 厚切刺身/壽司 去日本點可以唔食壽司？ 新鮮！厚切！大件兼抵食！ 小編嘅必食推介係：帶子、大拖羅、鰻魚！ 即炸天婦羅 呢間嘅天婦羅全部新鮮炸起，餡好多、炸粉夠薄～ 天婦羅梗係要熱辣辣咁食！好爽啊！ 草莓大福 日本嘅士多啤梨、配日本必食嘅大福，點會唔好食？！ 燒菠蘿/哈蜜瓜/蜜瓜 日本啲水果真係好甜！燒完之後更加香～ 掃完街食返幾件水果，解膩一流啊！ =============== 放假去邊 更多好介紹: 快啲like我哋Facebook 同follow我哋Instagram啦!
想係旺角搵到間西餐… 價錢唔高、食物有質素、環境靚、坐得舒服？ 小編有好介紹！睇下有咩好食啦！ ===================== 火焰脆燒德國原隻鹹豬手 $165 嘩嘩嘩！火燒豬手啊！ 望住啲充滿油脂嘅豬皮，好吸引啊～ 豬手本身已經熟，上枱之後會有職員幫手點火加熱！ 等啲火熄晒就可以切嚟食喇～ 豬皮超級香脆！ 仲要啖啖肉，加埋少少肥膏一齊食真係一流～ （有配埋酸菜、芥末醬㗎） 小編冇呃你！豬手幾乎有我個頭咁大！ 切開係超級多肉，絕對抵食啊～ ===================== 香烤原隻波士頓龍蝦 $235 有龍蝦唔算特別，但呢隻係特別大！特別多肉！ 仲要配咗蕃薯蓉，唔係平時用薯蓉粉開出嚟嘅普通薯蓉～ 餐廳仲提供芫茜汁配龍蝦食，成件事Fresh好多！ 加埋一齊食好清新啊～ 真係啖啖肉，每一舊都好大件㗎！ ===================== 皇牌威寧頓牛柳 $245 呢個真係必點！呢到竟然有超考工夫嘅威寧頓牛柳！ 價錢唔算十分貴，但係好足料兼好味道啊～ 一上枱已經聞到好香牛油酥皮味！ 酥皮同牛扒之間，仲夾咗一層有黑椒嘅菇，令到牛扒更加好食啊～ 肉質嫩滑，好淋、好容易切開～ ===================== 和風蜜芥鹹牛脷熱脆包 $55 呢款小食一啲都唔小，同樣係好足料～ 三大件麵包，入面夾住厚厚嘅鹹牛脷、Wasabi醬，仲有菠蘿畀你解膩！ 麵包係超！級！脆！包控一定會好滿意～ 仲要每一件都有超碼三塊鹹牛脷，全部都好嫩滑，好淋好易入口！ ===================== 溫泉玉子菠菜大啡菇 $65 芝士！溫泉蛋！菠菜！大啡菇！ 呢個係比較清新嘅選擇～ 溫泉蛋流心！ 真係好大隻菇啊～～～ ===================== 冰球沙律 $85 其實沙律入面係有蟹肉、芒果、木瓜、牛油果，份量都唔算少～ 最特別係用咗真冰球裝住，啲沙律食極都可以keep住凍！ 呢個冰球食得又睇得，淨係影相都覺得好靚啊～ ===================== 原隻低脂蜜桃雪葩 $55 最後梗係要食甜品！呢到有好多款水果雪葩，全部都用真·果肉㗎～ […]
主打龍蝦嘅Master Kama，係荃灣開咗分店啊！ 除咗照舊有好多款海鮮，仲加入唔少意粉、意大利飯、Pizza乜乜乜！ 菜式仲可以自己配搭～咁咪可以試多幾款囉！ ===================== Bossy Royal Set (二人用) $358 可選兩款沙律/餐湯、兩款前菜、一款主菜、兩款Burger/Pizza/Pasta/Risotto 勁多款菜式任你配搭，咁就可以咩都試啲啦！ 小編推介前菜：芝士蟹肉釀蟹蓋、香草龍蝦蛋捲（配竹炭脆多士） 芝士蟹蓋係一定一定要食！啖啖蟹肉好足料，同芝士味好夾啊～ 主菜揀咗烤蒜蓉牛油龍蝦～ 成隻上，多肉多膏，加埋蒜蓉牛油真係一秒食晒！ （主菜仲有海鮮拼盤、慢煮三文魚、西班牙豬腩肉、安桐斯西冷乜乜乜… 好多款！） 海膽忌廉蟹肉意粉、Lady煙肉蘑菇忌廉意大利粉（配62度溫泉蛋） 呢到全部都係手工意粉，粉紅色嘅Carbonara唔止好睇，仲好好食好creamy！ （其實仲可以揀Burger/Pizza/Risotto，有超過20款選擇！） 三文魚柚子檸檬玻璃杯沙律、凱撒沙律配漬溏心蛋玻璃杯沙律 沙律都唔普通，竟然係自己落汁自己Shake！份量都幾足～ ===================== GirlPower Set (一人用) $138 自己一個又有咩怕喎！食返個一人餐先啦～ 任揀一款Burger/Bun，仲有一份Shake Shake薯條、一杯Lady’s Beer！ 小編強力推薦慢煮豬腩肉包！ 豬腩肉煮得好淋，啖啖都有齊厚肉＋厚脂肪～ 調味超香口，加埋少少花生碎，食一打都仲得！ Shake Shake薯條梗係要自己Shake！ 有10款由日本直送嘅Shake粉任揀～ 章魚燒味、梅子味、咖喱杯麵味、芝士味，乜都有啊！ 最後梗係要試Lady’s Beer！望落似啤酒，但其實無酒精㗎！ 奶蓋係蘋果味忌廉梳打，飲落好清新～ ===================== Half Half 雙拼 $128 呢到最特別係可以揀雙拼！ 每款份量減半，但就可以試到兩款菜式，最啱選擇困難症朋友啦～ 三文魚白汁五色蝴蝶粉、梅子吉列大蝦五穀米茶漬飯 五穀米茶漬飯比較健康～ 梅子、大蝦都係日本直送㗎！ ===================== 飲品走可愛路線～但絕對有質素㗎！ […]
呢間位於韓國釜山廣安里嘅海鮮店，店外就係廣安海水浴場，食海鮮就最地道最有feel喇~ 豪邁浮誇嘅食法就更加令客人食得非常過癮，打卡影相無難度! [facebook url=”https://www.facebook.com/openholidays/videos/1952714361608119/”][/facebook] [instagram photo=”BYiboqqHVpR”][/instagram] [instagram photo=”BYvU78JAuDM”][/instagram] 海鮮雜燴 檯上面小木槌原來就係為個呢道鎮店之寶而設，成張木檯都係你嘅碟同碗，店員會將成桶海鮮倒喺檯面，客人就隨意用手上木槌等工具將海鮮解拆! [instagram photo=”BYZ7j_UBSSr”][/instagram] 材料有蝦、蜆、粟米、蕃薯等等，而最勁嘅當然就係原隻大龍蝦 [instagram photo=”BYx0Hb0BtEc”][/instagram] 喺呢到唔駛怕尷尬，盡情用手享受海鮮啦~ [instagram photo=”BZORV99jUOZ”][/instagram] 冰鎮生蝦拼盤 另一道菜式「冰鎮生蝦拼盤」，乾冰嘅煙霧好似火山爆發咁湧出嚟，浮誇得嚟又可以令鮮蝦保持鮮嫩肉質口感 [instagram photo=”BYdQax3AsUD”][/instagram] [instagram photo=”BY8GT6eB5-f”][/instagram] 焗芝士蝦 都係蝦嘅菜式，焗芝士蝦外表一睇已經令人留晒口水，上菜後店員仲會用火鎗喺你面前燒一次，簡直將菜式提升到另一個層次! [instagram photo=”BY8E4QHBgJz”][/instagram] [instagram photo=”BY5AuWvFSim”][/instagram] 釜山不愧係一個超級海鮮市場，連食市都咁多驚喜，海鮮控、蝦控記得唔好錯過喇~ 숨비소리 海女的呼吸 地址 釜山誰營區廣南路84號街5 （부산 수영구 광남로84번길 5） 營業時間 11:30am – 02:00 am （週二休息） 交通方式：地點金蓮山1號出口 步行8分鐘 [map url=”https://www.google.com/maps/embed?pb=!1m18!1m12!1m3!1d3262.2841702104356!2d129.1122138509475!3d35.149533066458034!2m3!1f0!2f0!3f0!3m2!1i1024!2i768!4f13.1!3m3!1m2!1s0x3568ed27119b1863%3A0xe74d10fb6daed75!2z5rW35aWz55qE5ZG85ZC4!5e0!3m2!1szh-TW!2shk!4v1515479034743″][/map] =============== 放假去邊 更多好介紹: 快啲like我哋Facebook 同follow我哋Instagram啦!
西九多嘢食，兼且平靚正！ 小編今次帶大家係深水埗出發，決戰深水埗、長沙灣、荔枝角美食！ 腸粉2蚊條？仲有大家最愛嘅抹茶、紫薯甜品！ 一齊去掃食啦！ 為食小編 : 嘉儀（IG: chongkkayee） ==================== 合益泰小食 拎過米芝蓮小食獎嘅腸粉，係深水埗必食～ 腸粉 $2/條（$8起） 價錢平，腸粉滑！ 充滿米香嘅腸粉，加埋豬油花生醬，話咁快就食晒成碟喇！ 地址：深水埗桂林街121號 ==================== 華 Hana Soft Cream 小店專賣雪糕，但竟然發現抹茶出沒？ 抹茶8.0盆栽 $30 表面極多抹茶粉，抹茶味香濃～ 加上牛奶雪糕係濃度8.0，一次滿足你兩個願望！ 地址：深水埗欽州街37號西九龍中心6樓628A號舖 ==================== 三姐松記糖水 紫薯大行其道，見到有紫薯甜品點可以唔試？ 紫薯撈河 $32 賣相雖然唔討好，不過竟然好好食！ 河粉用椰汁糕整成，香濃椰汁配上天然紫薯，出奇地好食～ 地址：深水埗元州街151號地下 ==================== 老鳳冰室 黑松露炒蛋多士 $38 一上枱已經好香黑松露味，炒蛋嘅份量仲好多！ 十秒食晒輕鬆啦～～～ 地址：深水埗基隆街216號地舖 ==================== 王孖記果子 聽講每日糯米糍都好快賣晒，到底有幾勁？ 款款都好大粒，新鮮水果香甜！ 珍寶芒果糯米糍 $30/2件 皮薄芒果靚，越食越滋味～ 原個芒果放入去，一件竟然已經有手板咁長！ 楊枝金露芋圓子 $20 一杯飲得到嘅甜品！芋圓比平時食到嘅細粒，不過依然好食！ 地址：荔枝角青山道475A號地下A舖 ==================== […]
嚟到聖誕季節，咁開心梗係要食好嘢啦！ 小編發現呢間係韓國BBQ餐廳排第1嘅過江龍，最近有聖誕套餐～ 食材高級、份量唔少，價錢唔算貴，仲好好味啊！ 小編：嘉儀（FB page: 嘉儀 / IG: chongkkayee） ==================== 前菜：香煎帶子 帶子調味好香，小編覺得好好食！ 不過太細粒，完全唔夠喉啊… T_T ==================== 前菜：三文魚飛魚籽沙律 伴花生醬 呢份沙律整到好似漢堡包咁，一啖有齊所有口感！ 加咗花生醬係入面好特別，但又出奇地夾喎～ ==================== 主菜：芝士焗原隻波士頓龍蝦 一上枱已經聞到好香～～ 肉質爽口，都幾大件！ 隻龍蝦仲大過小編塊面啊～幾厚肉！ 除咗有好多芝士，仲有好多好多蒜蓉！ 重口味之選，超級香超好味啊～～ ==================== 係時候嚟到重頭戲：韓燒喇！ 重點係極品1++韓牛 (200克)，係由韓國直接空運過嚟！ 套餐仲有鮑魚 (2隻)、新麻蒲護心肉 (100克)、秘製豬頸肉 (100克)、磨菇！前菜、爐邊蛋都係任添～ ==================== 極品1++韓牛 (200克) 1++係韓牛嘅最高級別，絕對韓國空運！ 大大塊，好厚肉，未燒已經流晒口水喇～ 小編建議唔好燒太耐，生生地食韓牛就最正！ 超超超超濃牛味，仲要勁多汁！ 記得要襯熱食啊～食極品韓牛，真係極品享受！ ==================== 鮑魚 (2隻) 套餐仲有一人一隻鮑魚，記住要加牛油燒～ 香口得嚟又食到鮮味！ ==================== 新麻蒲護心肉 (100克) 護心肉係新麻蒲嘅皇牌，果然係好食，超級淋～～～ 一隻豬得好少護心肉，所以好矜貴㗎！ 聽講呢款肉冇咁肥，食得多仲對心臟有益，即食！ ==================== 秘製豬頸肉 (100克) 豬頸肉香口，一啲都唔會韌～ […]
生蠔迷出動！小編發現荃灣有10蚊生蠔！ 雖然只係$10一隻，但質素超高～仲要可以無限任嗌食到夠！ 仲有美國斧頭扒呀，龍蝦呀，德國咸豬手… 全部都好食兼大份，CP值極高啊~~~ [facebook url=”https://www.facebook.com/openholidays/videos/1933017960244426/”][/facebook] =============== 新鮮生蠔 $10/隻 呢間餐廳主打生蠔，全部都超新鮮肥美！ 每日都會有一款特價，只係$10一隻咋～仲要無限任嗌，食到你滿足為止！ 有海水味，超大隻新鮮～絕對唔會將貨就價！ $10係超超超值！ =============== 精選刺身拼盤 $99 刺身都好抵食！一盤有齊赤貝刺身、三文魚刺身、左口魚裙邊、日本甜蝦刺身、加拿大翡翠螺～～ 加拿大翡翠螺好大粒！超新鮮啊～ 小編最推介係左口魚裙邊，超超超好食！ =============== 脆炸德國咸豬手配蜜糖芥末籽醬 $268 炸豬手好抵食，因為真係好大份啊～仲大過小編隻手！ 一定要配蜜糖芥末籽醬食，因為真係好夾好惹味～ 皮又脆又厚，充滿骨膠原！ 肉好嫩，而且啖啖肉，幾個人都未必食得晒！ =============== 火焰龍蝦 $188 龍蝦就食得多喇，上到枱先即燒嘅龍蝦你試過未？ 龍蝦肉唔會燒過火，好新鮮啊～～～～～ 加上微微燒過嘅蛋白，係意想不到咁配合！ 同龍蝦肉好夾，完全冇違和感～ =============== 美國斧頭扒 $1388up 呢塊牛扒真係好震撼… 好大塊好厚肉… 以為淨係sell大塊？錯喇～肉質超嫩超好味，真係幾飽都仲食得落！ 不過小編提提你，真係要同朋友開心Share啊～ 建議6位或以上先好order，因為份量好大，成40幾50安士㗎！ =============== 巨峰提子乳酸 $36 Somersby Cocktail Tickled pick $68 食咗咁多嘢，梗係要嗌返杯飲品！ 兩杯飲落去都好爽啊～～～清完味蕾又係時候繼續食～ Oyster Station 荃灣 […]
澳門美食節今年已經係第十七屆啦！ 今年場內有超過150家商舖擺檔～ 美食真係多到花多眼亂啊 等小編為大家嚴選八大美食啦！！！！ [facebook url=”https://www.facebook.com/openholidays/videos/1932364680309754/”][/facebook] 小編：Cynthia ======================= 首先為大家介紹嘅當然係場內最受歡迎嘅「日本村」啦～ 1. 吞拿魚中腩壽司 MOP 80 (鮪名人) 呢間係嚟自大阪黑潮市場 「鮪名人」 食材都係由日本空運到澳門架～～ 日本師傅即場表演劏藍鰭吞拿魚，即切即食，非常新鮮！ ============================= 2. 抹茶芭菲 MOP 30 (京嵯峨寶楽庵) 小丸子好煙韌～ ============================= 3. 美國波士頓龍蝦 MOP 50半隻 / 蒜蓉扇貝 MOP 15 (魅龍) 咁大隻龍蝦都係得MOP 50! 好抵！！ 入面好多蝦膏～～ 呢間長期排長龍啊！ ============================= 4. 西班牙黑毛豬 MOP 35/份 (鐵板燒) ============================= 5. 梳乎厘 MOP 30/兩件 (cakez cafe) ============================= 6. 四米高巨型汽水機 MOP […]
韓國過江龍炸雞店NeNe Chicken，大家冇聽過都可能記得係劉在石做代言人！ 小編發現餐廳最近推出秋季限定，係用橘子做主題！ 仲推出咗二人套餐，咁就咩款都可以試少少啦～ 小編：嘉儀（FB page: 嘉儀 / IG: chongkkayee） ==================== 二人套餐($358/2人用) 三層架設計，好有high tea嘅感覺啊～～ 份量都幾多，有四款食物+兩杯飲品，兩個人食絕對夠飽！ 最頂層係限定口味嘅橘子蜜炸雞，仲有芝士龍蝦！ 熱辣辣食炸雞，皮脆得嚟、肉好嫩啊～～ 橘子蜜好好食！酸酸甜甜夠開胃！ 芝士龍蝦調味不錯，仲啖啖肉～勁快食晒！ 第2層係卡邦尼意粉，雖然有加橘子醬，不過小編就唔係好食得出～ 意粉味道不錯，不過略嫌有啲乾～ 最特別係有年糕，都幾煙韌！ 最底就係沙律喇～ 除咗有特別梨子汁之外，仲有橙、藍莓等水果，冇咁單調亦好fresh~~~~ 套餐仲包咗兩杯橘子特飲，小編就覺得沙冰的確唔錯！ 食飽之後可以解下膩！ 唔想由頭橘到尾？ 飲品可以免費轉其他無酒精飲品，賣相同味道都幾唔錯啊～ ==================== 全份橘子蜜炸雞 (有骨$168/無骨$178) 炸雞一碟起碼有15隻，真係好好好好夠食！ 小編真係好鍾意隻橘子汁啊 T_T 配炸雞真係食極唔膩！ 濟州嘅橘子出名就係人都知，用佢嚟整嘅橘子醬果然唔簡單！ 呢隻橘子秘製醬汁，韓國暫時都未有得再賣，所以今次真係終極限量喇～ *葵芳同元朗分店，仲有揀半份無骨炸雞～($85) NeNe Chicken Hong Kong 旺角朗豪坊11樓30號舖 葵芳新都會廣場185號舖 元朗形點商場一期1026號舖 ==================== 放假去邊 更多好介紹: 快啲like我哋Facebook 同follow我哋Instagram啦!
