秋天又到，又係時候食大閘蟹喇！東海飲食集團嘅「大閘蟹套餐」超多款嘢食，星期一至四仲有75折！
如果4位一齊去食，小編就推介「大閘蟹‧盛宴」呢個四人套餐！
包咗超多款特色美食，每人仲有兩隻大閘蟹 (每隻約5兩重)！
清蒸大閘蟹 (每位兩隻)
東海大廚以青背、白肚、金爪、黃毛四大標準嚟揀蟹，所以食到嘅質素都唔差㗎～
京滬宋嫂魚羹 (每位一碗)
食落啖啖都係魚肉，勁足料！仲有啲金華火腿絲，鹹香惹味、超開胃！
京式片皮鴨 (每4位半隻)
片皮鴨係小編大愛！半隻份量已經好足夠，每人起碼食到五塊以上啊～ 仲有兩隻鴨脾！
真心推介！片脆肉嫩，配埋青瓜絲、蔥絲，勁好食～
鮮味蟹粉小籠包 (每位2粒)
簡直係全晚亮點！超濃郁嘅蟹粉，仲食到蟹肉！啖啖都係蟹油香啊～～
美極煎大花蝦 (每位一隻)
超超超香濃嘅美極，所以成隻蝦都勁惹味～ 重點係大花蝦勁巨型，而且好多蝦膏！
羊城獅子頭 (每位一件)
平時食開紅燒獅子頭，而呢個相對就冇咁油膩、濃味！配落成個大閘蟹套餐，清清地都幾唔錯～
酸辣肉燥手打烏冬 (每位一碗)
手打烏冬勁彈牙，就算放喺湯入面耐咗，都唔會變淋！湯底微酸辣，反而可以解飽滯～
濃雞湯千層菜苗 (四位一碗)
食咗咁多肉，梗係要食返啲菜平衡吓啦～ 仲有啲千層腐皮！
最後仲有每人一碗薑茶湯圓！做甜品之餘，仲可以飲晒啲薑茶驅寒～
成個套餐咁多嘢食，只係$1688/四位咋！
如果人數冇咁多，可以選擇「大閘蟹‧淺嚐」每位$398 (兩位起)～ 都有勁多嘢食！
每位包咗 清蒸大閘蟹(2隻)、京滬宋嫂魚羹 (1碗)、蟹粉小籠包(2件)、美極煎大花蝦(1隻)、酸辣肉燥手打烏冬(1碗)、濃雞湯千層菜苗(例牌)、薑茶湯丸(1碗)～
鍾意大閘蟹嘅你哋，快啲去試吓啦！
供應日期：即日起（時令產品供應期有限，售完即止）
供應分店：
– 東海酒家（鰂魚涌華蘭路25號栢克大廈2樓）2887 7112
– 東海薈（尖沙咀北京道1號11樓）2877 2938
– 東海薈•拉斐特（尖沙咀彌敦道100號The ONE L12）2698 0990
– 東海薈•拉斐特（銅鑼灣告士打道311號皇室堡15A樓）2827 9938
– 東海薈•拉斐特（青衣青敬路33號青衣城1樓117號舖）2317 8889