生蠔係唔少人愛食嘅海鮮，
日本人氣網購店Felissimo最近就推出一系列生蠔用品，超搞笑！
首先係生蠔造型嘅攬枕，黑色嘅圍邊好像真XD
攬喺心口前面size啱啱好！
仲有啱哂女士嘅隨身鏡，以為只係一粒蠔殼？
打開後係一把鏡同生蠔肉造型嘅粉撲！
如果喺街到用，啲人會唔會以為你將生蠔「Hi」落塊臉到XD
之後有幾實用嘅細細個斜咩袋~
咩喺身上面非常顯眼XD
斜咩袋入面其實仲附送埋一個生蠔肉造型嘅細袋仔，好細心哈哈
細袋仔可以裝到電話、紙巾、鎖匙等細物件~
比大家估下，呢個又係咩物件？
冇錯啦，其實就係攤得開嘅手巾仔~
好輕巧細件，攞喺手都幾似真嘅生蠔XD
相信如果大家將呢啲生蠔造型物件帶出街，擔保你會輕鬆成為全場焦點XD！
大家有興趣就到Felissimo官網購買啦！
資料來源：Felissimo