Open Tour
最近日本雜貨品牌Felissimo聯同新江之島水族館， 合作推出無厘頭長腳蟹造型公仔～ 呢個公仔做得好細緻， 蟹殼上嘅紋理做得好逼真， 連甩皮細節位都有！ 而最特別嘅地方係有一個雙層機關設計～ 只要拉開蟹殼下方嘅拉鍊，就會蛻出第二隻長腳蟹！ 兩隻公仔嘅造型有少少差異～ 體積偏細係橙色，而另一隻體積比較大嘅係鮮紅色， 正正係用嚟表達螃蟹長大嘅過程，別出心思！ 除咗作為公仔、攬枕之外， 其實仲可以當手袋用㗎！ 只要輕輕扣上前方蟹鉗部分嘅扣，就會變成長腳蟹手袋！ 帶著出街夠哂突出！ 今次呢款長腳蟹公仔又實用又得意， 各位有興趣不妨入手啊！ INFO 詳情：Felissimo網站 價格：¥6380(稅入)（約港幣$450） 圖片來源：Felissimo
日本雜貨品牌Felissimo獨創嘅產品一向出哂名特別、實用性高， 今次又嚟搞搞新意思，推出酒鬼專用「啤酒收納架」~ 平時嫌啤酒一罐罐棟喺到太佔位置，呢個收納架就幫到你啦！ 尺寸小巧方便，可以獨立放喺冰箱入面，容量足足擺到8罐啤酒~ 收納架嘅設計特別，攞完一罐，就會「自動補貨」，碌返第二罐落嚟，唔洗驚難攞~ 收納架嘅尺寸為29 x 14.5 x 19cm，size啱啱好放到落雪櫃，非常方便，唔想雪凍佢，攞出嚟擺一樣得！ 而且其實收納架唔只可以放啤酒，任何350ml以內嘅罐裝飲品都放得落，真係好實用~ 夏天就係要飲冰涼嘅罐裝飲品，罐裝飲品收納架一個都只係港幣$150， 有興趣嘅話就快啲上Felissimo官網訂購啦！ 資料來源：Felissimo
日系雜貨品牌Felissimo經常都會推出自家新產品，大受歡迎， 主打自家小物設計嘅「YOU + MORE！」最近就推出「睡在木屑中的倉鼠」造型毛巾，超可愛！ 啡黃色嘅毛巾好似木屑一樣覆蓋著訓著咗嘅小小倉鼠~ 正方形嘅毛巾右上方有立體嘅小倉鼠訓咗喺到 設計嘅零感來自於平時匿藏喺木屑入面嘅倉鼠仔 仔細睇可以見到倉鼠嘅樣係非常精緻可愛~ 立體突出嘅樣貌令你可以捏吓佢塊「臉豬登」，又唔會反抗XD 翻轉到毛巾另外一面，仲有倉鼠仔圓碌碌嘅屁股，超精美嘅設計！ 25cm x 25cm嘅正方形毛巾唔會太細唔會太大，方便攜帶，而且用咗吸水性好好嘅超細纖維材料，好睇之餘好用！ 除咗顯眼嘅橙啡色倉鼠，仲有其他三色比你揀，款款都「卡娃依」~ Felissimo YOU+MORE!「睡在木屑中的倉鼠毛巾」 價錢：¥1,200+稅 網址：https://feli.jp/s/pr191223ym/2/
生蠔係唔少人愛食嘅海鮮， 日本人氣網購店Felissimo最近就推出一系列生蠔用品，超搞笑！ 首先係生蠔造型嘅攬枕，黑色嘅圍邊好像真XD 攬喺心口前面size啱啱好！ 仲有啱哂女士嘅隨身鏡，以為只係一粒蠔殼？ 打開後係一把鏡同生蠔肉造型嘅粉撲！ 如果喺街到用，啲人會唔會以為你將生蠔「Hi」落塊臉到XD 之後有幾實用嘅細細個斜咩袋~ 咩喺身上面非常顯眼XD 斜咩袋入面其實仲附送埋一個生蠔肉造型嘅細袋仔，好細心哈哈 細袋仔可以裝到電話、紙巾、鎖匙等細物件~ 比大家估下，呢個又係咩物件？ 冇錯啦，其實就係攤得開嘅手巾仔~ 好輕巧細件，攞喺手都幾似真嘅生蠔XD 相信如果大家將呢啲生蠔造型物件帶出街，擔保你會輕鬆成為全場焦點XD！ 大家有興趣就到Felissimo官網購買啦！ 資料來源：Felissimo
相信唔少人屋企都會養貓，更加係千依百順嘅貓奴， 日本人氣網店Felissimo就有專門推出貓咪用品嘅「貓部」，最近推出咗一款好特別嘅貓抓板~ 呢款貓抓板+坐墊以佛教為主題，貓咪坐咗上去，真係霸氣盡露~ 其實呢個貓抓板係同寺院文化社群「O-terabu」合作推出嘅項目，為咗促進對日本佛教寺廟同文化嘅尊重~ 上面有蓮花、穿著長袍嘅貓咪圖案等，將貓咪連繫到佛教，令大家覺得宗教能夠融入家中~ 抓板嘅邊緣同成塊坐墊都有波紋紙板比貓咪可以抓 抓完開心哂，貓咪又可以繼續喺墊上訓覺覺豬~ 呢塊咁霸氣嘅抓板，坐咗上去簡直就係聖光盡顯，養貓人士快啲訂返塊比家中貓貓玩啦~ 一套抓板連坐墊目前售¥7,550日元（~HKD$550），其中一小部分會用喺Felissimo貓慈善活動~ 網址：Felissimo
