最近資生堂旗下嘅防曬品牌Anessa又有新搞作！
佢哋將防曬乳液包裝成寵物小精靈（Pokemon）造型啊！
經典金色包裝嘅防曬乳液，唔知你有冇印象呢？
今次新包裝三月底喺日本有得賣喇！
[instagram photo=”CMj1pCdleEd”][/instagram]
正面印有比卡超、伊貝、車厘龜嘅大臉，好可愛啊！
而背面分別係閃電尾巴、奶油色尾巴，同埋圓圓龜殼～
打開包裝袋先知比卡超同伊貝嘅性別，設計又幾有心思喎！
係咪好想帶哂佢哋返屋企呢？
Aness防曬乳液SPF50+/PA++++，具有防水同防汗功能，
平時出街前搽定啲就已經可以隔絕日間紫外線，
更加含有護膚精華，啱哂貪靚嘅女士啊！
相信推出之後一定會大受歡迎！
Anessa防曬乳液（寵物小精靈限定包裝）
發售日期：2021年3月21日 （售完即止）
發售地區：日本
零售價（未連稅）：3,000日圓