最近日本雜貨品牌Felissimo聯同新江之島水族館，
合作推出無厘頭長腳蟹造型公仔～
呢個公仔做得好細緻，
蟹殼上嘅紋理做得好逼真，
連甩皮細節位都有！
而最特別嘅地方係有一個雙層機關設計～
只要拉開蟹殼下方嘅拉鍊，就會蛻出第二隻長腳蟹！
兩隻公仔嘅造型有少少差異～
體積偏細係橙色，而另一隻體積比較大嘅係鮮紅色，
正正係用嚟表達螃蟹長大嘅過程，別出心思！
除咗作為公仔、攬枕之外，
其實仲可以當手袋用㗎！
只要輕輕扣上前方蟹鉗部分嘅扣，就會變成長腳蟹手袋！
帶著出街夠哂突出！
今次呢款長腳蟹公仔又實用又得意，
各位有興趣不妨入手啊！
INFO
詳情：Felissimo網站
價格：¥6380(稅入)（約港幣$450）
圖片來源：Felissimo