喺2018年嘅暑假，自問膽大嘅你係時候接受挑戰喇!
亞洲「當代恐怖漫畫大師」世界觀鬼屋將會首度喺台灣驚悚登場！
日本著名漫畫大師伊藤潤二寫過12部經典驚慄漫畫作品~
《富江》、《傀儡家族》、《十字路口的美少年》、《時裝模特兒》、《雙一恣意的咀咒》、《溶解教室》……
驚慄嘅情節令小編每次都睇到心寒㗎~~
今次將會真實呈現伊藤老師筆下的恐怖世界!
===============
鬼屋將會分別命名為「恐懼鎮」同埋「告別市」~
所有不安、緊張、恐懼、刺激……
嚟一次全感官體驗恐懼啦! 小心令你窒息呀!!
呢一刻~ 你將會目睹雙一詛咒嘅誕生~
喺長廊盡頭亦將會體驗被同學分屍之後不停復活嘅富江…
聽到都已經令人毛骨悚然呀!!!
===============
嚟到恐懼鎮」同「告別市」~
第一個儀式就係戴上面具，絕命逃走嘅窒息遊戲就會開始……
喪鐘響起，準備逃跑啦！
見到無數個相同嘅面孔，到底面具背後嘅會係邊個?
係雙一定係富江呢…？
防止窺探，定係作為窺探別人嘅防護罩呢?
===============
另外鬼屋亦有展區展出伊藤老師所有令人恐懼嘅創作根源，等讀者可以了解佢嘅世界~
來自森田病院嘅富江X光片?
下落不明帶著詛咒嘅翡翠?
仲有嚟自南美洲需要賭上性命先食到嘅蜜…?
伊藤潤二嘅鬼屋~ 有種你就嚟啦!
伊藤潤二恐怖體驗展—絕命逃走中
活動日期：2018年7月14日至9月16日
地點：新光三越台北信義新天地A9館9樓
交通：乘坐捷運板南線至捷運市政府站落車就到
購票詳情 (博客來售票網)
6月1至7日：早鳥套票——絕命驚選典藏組 (周邊產品+隨機贈送限量「Golden Ticket」連入場)
6月8日至7月13日：購買雙館套票即送富江面膜一張/限定手稿海報~
===============