• Wed. Jun 3rd, 2026
    • '
    Homestaff5 (Page 57)

    Author: staff5

    author

    神還原Pepper Lunch鐵板牛肉飯 秘製惹味醬汁食譜大公開！｜香港美食｜放假去邊

    相信唔少人都鐘意食Pepper Lunch嘅黑椒牛肉飯～原個鐵鑊上，香氣四溢超滋味！ 今次就等外國料理頻道「Pepper」為大家神還原Pepper Lunch嘅鐵板牛肉飯， 兼且公開秘製惹味Honey Brown Sauce嘅做法喇！ 鐵板牛肉飯 材料：薄片牛肉400克、熟日本米飯3杯、粟米1/4罐、胡椒粉1/2茶匙、食用油2茶匙、牛油2湯匙、蔥碎2湯匙、 蜂蜜醬汁材料：食用油1湯匙、洋蔥碎2湯匙、蒜頭碎1茶匙、蜂蜜1/4杯、kikkoman醬油2湯匙、鹽1/8茶匙、粟粉1茶匙、水1/4杯 大蒜醬油材料：kikkoman醬油1/4杯、豉油1/4杯、蒜頭碎4瓣、砂糖2茶匙、粟粉1茶匙、水1/2杯 1. 將所有蜂蜜醬汁材料混合，煮3-5分鐘，直至蒜頭及洋蔥變軟 2. 再將蜂蜜醬汁倒入攪拌機壓成泥狀備用 3. 混合大蒜醬油材料中嘅kikkoman醬油及豉油，加入蒜頭碎煮30分鐘，再加入大蒜醬油其他材料煮1分鐘 4. 再將大蒜醬油倒入攪拌機壓成泥狀備用 5. 預熱平底鑊，加入白飯及牛肉，淋上食用油，再加入牛油、粟米，灑上胡椒粉及蔥碎 6. 最後加入蜂蜜醬汁及大蒜醬油就完成 影片來源：Pepper

    author

    【外賣火鍋】$300起食高質邊爐真秘鍋！生猛海鮮＋優質肉類＋勁多湯底任揀直送你屋企｜香港美食｜放假去邊

    想打邊爐，但又唔想出街？ 呢款有足料湯底、高質肉類、新鮮配料、仲有自家製手打丸餃嘅「真秘鍋」火鍋套餐就啱哂你啦！ 火鍋套餐每位低至約$300，依家喺kkday訂購，就可以安坐家中都享用到高質精緻火鍋 套餐有2/4/6人高質精緻火鍋套餐俾你選擇，最平嘅只係$300/位 依家訂購火鍋外賣套餐仲會隨餐送上火鍋豉油、調味料同消毒搓手液(數量有限，送完即止），等大家食得方便安全又放心 湯底仲要好多選擇，有山珍百菌（鮮菇湯）／楚香麻辣（大中小辣）／三味西湖（藥膳魚湯）／玫瑰香妃（花膠雞湯）／白雪玄鳳（桃膠鳥雞湯）／金口玉言（人蔘雞湯），你仲可以加$88升級湯底：九五之尊（招牌龍蝦湯） 真秘鍋嘅精選肉類又高質又新鮮，真係見到都流哂口水 訂購網址：真秘鍋高質精緻火鍋套餐 立即訂購

    author

    【港島太平洋酒店】食、住好週末！$600入住尊尚客房＋早午餐＋延遲退房至3時｜香港旅遊｜放假去邊

    今次介紹港島太平洋酒店最新推出嘅「食、住好週末」住宿優惠 只需每晚港幣$600就可以入住尊尚客房兼2人於「中西‧環」餐廳享用週末早午精選餐， 仲可延遲退房至下午3時，超抵呀 「食、住好週末」優惠包括： · 入住尊尚客房一晚 · 2人享用<中西‧環>餐廳早午精選餐 · 免費享用健身室 (因應政府最新指引，暫停開放直至另行通知) · 免費 Wi-Fi 無線上網服務 · 延遲退房至下午3時 「中西‧環」餐廳提供多款自選主菜，包括招牌海南雞飯、香煎安格斯肉眼配黑椒汁、雜菜及薯角等 中餐、西餐都有，好多選擇！ 酒店距離西營盤港鐵站只有數步之遙，交通方便 酒店附近亦有好多特色景點可以行 $600除開每人只需$300左右，真係好抵呀 港島太平洋酒店 「食、住好週末」 預訂日期:  2020年8月13日至9月30日 *優惠只適用於逄星期五及星期六之入住 價錢︰港幣$600/2人 *所有價目另加10%服務費 訂購電話︰2131 5733/訂購網址 地址: 香港干諾道西 152 號

    author

    【台式甜品】夏天必食！超簡易芋圓＋地瓜圓食譜｜香港美食｜放假去邊

    夏天咁熱，緊係要食返啲透心涼嘅甜品 掛住台灣美食嘅你不防喺屋企整下芋圓＋地瓜圓～ 一齊睇吓點整啦！ 本文影片＋食譜由「CAKO 食譜」授權轉發 地瓜圓材料︰地瓜 2個、 糖 40g、日本太白粉 50g 、木薯粉 120g 芋圓材料：芋頭 1個、 糖 60g、日本太白粉 50g、木薯粉 70g 做法︰ 1.將地瓜同芋頭削皮切塊後，放入電鍋蒸10分鐘，出爐後將佢哋攪碎 小提醒：熱嘅時候會更易壓碎！ 2. 放入糖、日本太白粉同木薯粉攪拌捏成團，並切自己想要嘅大小備用 小提醒：隨麵團硬度斟酌加入木薯粉 3.準備滾水下鍋大火煮至浮上水面就可以撈起浸凍水 4.完成後可以按自己口味加糖水 影片來源︰CAKO 食譜

    author

    【海景嘉福洲際酒店】人均$594住五星級酒店！自助早餐＋雙人午餐＋深宵小食籃｜香港旅遊｜放假去邊

    酒店優惠真係沒有最平，只有更平！ 五星級嘅海景嘉福洲際酒店亦推出超抵期間限定雙人住宿優惠「優悠美食住宿之旅」 人均$594即可入住尊尚城市客房一晚，仲包埋自助早餐＋雙人午餐＋深宵小食籃！ 尊尚城市客房有305平方尺，兩人入住啱啱好 住宿優惠包咗雙人豐富自助早餐同埋雙人午餐 你可以選擇喺中菜館海景軒或者意大利餐廳Theo Mistral by Theo Randall享用 仲會附送雙人深宵小食籃，包括杯麵、薯片同汽水！ 而8月生日嘅住客更可免費獲朱古力慕斯蛋糕或者抹茶歌劇院蛋糕（價值$348） ( 需於入住時出示身份証以獲取優惠 ) 住客可以提早12時入住或者延遲至下午3時退房，總共可以入住27小時，超抵！ 「優悠美食住宿之旅」住宿禮遇 : 享用雙人豐富自助早餐 於海景軒 / Theo Mistral by Theo Randall下午2時至5時享用二人優悠午餐 (於入住當日享用) 提早於中午12時登記入住，並延遲退房時間至下午3時 二人深宵小食籃 : 杯麵、薯片和汽水 客房夜宵菜單85折 海景嘉福洲際酒店 「優悠美食住宿之旅」 預訂日期:  即日至8月31日（只限星期一至四 ) *顧客必須在入住前至少2天前預訂 價錢︰港幣$1188/2人 *所有價目另加10%服務費 訂購電話︰2721 5161/訂購網址 地址: 香港九龍尖沙咀東部麽地道 70 號

    author

    十分鐘簡易製作日式葛餅 口感軟糯超好食！｜香港美食｜放假去邊

    葛餅係日本傳統嘅和菓子之一，口感煙韌，食落好似糯米糍一樣！ 夾埋黑糖同黃豆粉一齊食，真心勁正！ 今次就等日本料理頻道「レシピブックTV」教大家點樣整日式葛餅喇！ 日式葛餅 材料：葛粉100克、砂糖70克、水400毫升、黃豆粉適量 工具：方形模具 1. 將葛粉、砂糖及水攪勻，然後過篩隔走結塊 2. 用細火加熱粉漿，同時慢慢攪拌，直至粉漿變透明 3. 倒入方形模具中再抹平，放喺室溫下待涼 4. 脫模，將粉團浸入水中 5. 將粉團切成塊，灑上黃豆粉就完成 6. 可以按喜好，落埋黑糖一齊食 影片來源：レシピブックTV

    author

    經典芒果甜品大集合！多芒小丸子、芒果糯米糍、芒果牛奶雪花冰……｜香港美食｜放假去邊

    芒果係夏天必食嘅水果之一～味道酸酸甜甜，最啱拎嚟整甜品！ 今次就為大家搵嚟五款夏日必食嘅芒果經典甜品，一齊睇吓係點整喇！ 多芒小丸子 材料：芒果2個、牛奶300毫升、煉奶2湯匙、芒果雪糕2球、糯米粉170克、凍水130毫升 糯米粉慢慢加入凍水，搓成團狀 取出50克粉團壓成片狀，放入滾水煮至浮上水面，再撈起放返入原先嘅粉團入面搓勻 取適量粉團搓成長條狀，切割成適當大小後搓圓 再以滾水煮至浮起，撈起以凍水沖洗降溫後瀝乾水分 芒果削皮，切成適當塊狀大小 將一半芒果肉加上牛奶、煉奶及雪糕後攪勻 最後加上芒果塊及小丸子就完成 芒果糯米糍 材料：芒果1個、糯米粉120克、粟粉30克、砂糖50克、水100毫升、椰奶100毫升、菜油40克、椰絲適量 將糯米粉、粟粉以及砂糖攪勻 加入水及椰奶攪勻，再加入菜油 將粉漿用大火蒸10分鐘，蒸熟後拌起待涼備用 芒果削皮切粒 取適量粉團包入芒果粒再搓圓 最後滾椰絲即成 芒果芝士撻 材料：芒果2個、消化餅10塊、牛油70克、魚膠粉8克、暖水30克、甜忌廉90克、馬士卡邦芝士100克 將一個芒果打成芒果汁，另一個芒果起肉切粒 壓碎消化餅 牛油放入微波爐叮熱成牛油溶液，加入消化餅攪勻後放入撻模壓實，然後放入雪櫃冷藏30分鐘 魚膠粉加水混合，用熱水坐溶 甜忌廉打至8成企身，分兩次加入室溫嘅馬士卡邦芝士中打勻 將魚膠水加入芒果汁攪拌，加入甜忌廉中輕輕攪勻 將餡料放入撻模，再放入雪櫃冷藏1-2個鐘取出 加上芒果粒做裝飾即成 芒果牛奶雪花冰 材料：芒果1個、牛奶400毫升、蜂蜜1湯匙 先將芒果削皮切粒 將一半果肉倒入蜂蜜後搗成泥狀 將牛奶雪成冰後，用刨冰機將牛奶刨成雪花冰 喺牛奶雪花冰加上芒果泥以及芒果粒就完成 芒果糯米飯 一般材料：芒果1個、泰國糯米200克、椰漿200克、砂糖30克、鹽1/2茶匙 淋面椰漿材料：椰漿120克、粘米粉1茶匙、砂糖10克 將泰國糯米浸洗3個鐘，瀝乾備用 將椰漿、鹽及砂糖用中火煮至微滾備用 預備一個已掃油嘅蒸碟，放上糯米，用中高火蒸30-35分鐘 趁熱拌入椰漿，蓋上保鮮膜靜置15分鐘 將準備一個鍋，加入椰漿、砂糖及粘米粉不斷攪拌，用中火煮至濃稠 糯米飯上碟，放上芒果肉及淋上椰漿即完成

    author

    【港威酒店】$1109雙人住宿優惠！入住高級客房＋$600餐飲回贈＋連卡佛禮品卡｜香港旅遊｜放假去邊

    尖沙咀港威酒店喺kkday推出咗「饗樂 • 購物 • 悠閒之選」住宿優惠， 於即日起至8月31日期間入住可享客房升級至高級客房，仲可以提前入住同延遲退房 二人同行只需$1109，仲會包埋港幣$600元餐飲回贈，好抵呀 每晚餐飲回贈價值港幣$600，可以用喺港威酒店營運餐廳或客房送餐服務單點菜單 當中嘅Three on Canton餐廳超多人推介，係一間融合佳餚、美酒同生活藝術於一身嘅型格概念餐廳 「饗樂 • 購物 • 悠閒之選」住宿優惠仲包括咗一系列連卡佛尊尚購物禮遇同體驗， 包括面值港幣$200嘅連卡佛禮品卡﹑連卡佛貴賓會員計劃金會員卡一年會籍﹑ 二人更可享用連卡佛白金貴賓室及形象顧問服務乙次 每次入住亦有歡迎鮮果盤提供，同埋可以免費享用迷你酒吧(每天補充一次) 而且仲保證延遲退房至下午6時，好正 城景國際酒店「品味假日」住宿優惠 預訂日期：即日起至2020年8月31日 價錢︰港幣$1109 /2人 訂座網址 地址: 九龍尖沙咀海港城廣東道13號 立即訂購

    author

    【快閃優惠】香港維港凱悅尚萃酒店限時優惠！HK$475/人入住頂級維港海景房｜香港旅遊｜放假去邊

    成日想試吓住酒店海景房但又怕好貴？ 今次香港維港凱悅尚萃酒店Hyatt Centric Hotel推出「KKday 獨家快閃優惠」 只須 HK$475/人即可入住香港五星級酒店嘅頂級維港海景房，平到笑！ 酒店開業只有一年，設施新淨、房間空間寬敞舒適 房間內可以欣賞維港無敵大海景，打卡一流 有一張雙人大床/兩張單人床供選擇（視乎酒店房源而定） 你仲可以喺客房內享用雙人Box Buffet晚餐，只可領取食物一次 如果加HK$400就可升級做The Farmhouse雙人自助晚餐 但由於疫情關係，The Farmhouse雙人自助晚餐將轉為In-room Safe Buffet（房內享用） 優惠詳情： 優惠期 (預訂期) : 2020年8月12日00:00至8月14日23:59，共3日 可選擇入住日期：2020年9月30日或之前 優惠內容： 享優惠價HK$950/晚預訂香港維港凱悅尚萃酒店住宿飲食體驗套票 (原價: HK$1,847) 優惠產品網址:快閃優惠 兌換此優惠教學： （1） 於優惠期內點擊產品鏈結，進入產品頁面點選快閃優惠套餐 (快閃價格將於8月12日00:00啟動) （2） 選定入住日期、用餐時間等。 （3） 填妥入住人資料，進入付款環節。 （4） 付款完成後，將於2-3個工作天內收到預訂憑證。 香港維港凱悅尚萃酒店 地址：香港北角北角邨里一號 立即訂購

    author

    【爆醬飛碟包】真正本土麵包店「森林麵包」8月中登場！推薦超邪惡嘅芝心拉絲菠蘿包、芫荽蒜蓉包｜香港美食｜放假去邊

    香港傳統麵包老店愈嚟愈少，但最近就有一間麵包店「森林麵包」喺疫境下開鋪 由多位本地大師傅親自助陣嘅「森林麵包」特意選址前身經營近 30 年嘅老字號麵包店「新雄雞」， 希望以味道傳承近失傳嘅本土麵包手藝，鍾意食舊式麵包嘅朋友一定要留意！ 新店糅合傳統同創新元素，特別製作咗一系列打卡必食包點，好似呢款全港最「流」爆醬飛碟包咁！ 麵包店重新設計買少見少嘅傳統港式麵包「飛碟包」，喺包內加入咗爆醬流心餡，每日限量 100 個，賣完即止 「飛碟包」仲有多款口味，有 OREO、阿華田、鷹嘜煉奶同宇治 抹茶味，聽到都想食呀 至「脆」菠蘿 方包亦全新推出 3 款口味，包括黑芝麻湯圓菠蘿方包、別宇治抹茶紅豆菠蘿方包同埋紫薯菠蘿方包 鍾意食芫荽嘅你亦可以試吓呢個芫荽蒜蓉包，保證會衝擊你嘅味覺！ 當然唔可以錯過勁邪惡嘅芝心拉絲菠蘿包，外酥內嫩加埋咸香芝士，咸咸甜甜勁好食 店鋪亦好貼心地推出咗居家抗疫必試 D.I.Y「冷凍菠蘿油」， 師傅先將菠蘿包焗至 8 成熟然後馬上進行急凍，過程中鎖住麵團水份， 每個均配上一片急凍牛油， 加熱後就可以安心喺屋企食到茶餐廳級數嘅金黃酥脆菠蘿油 森林麵包 店舖地址：牛頭角振華道 70 號樂華北村商場 111 號舖 開店日期：2020 年 8 月 18 日 營業時間：每日 6am 至 9pm

    author