Open Tour
每次去IKEA除咗買家品，當然唔少得去埋餐廳食肉丸喇～ IKEA全新推出多款美食外賣自取85折優惠，令你無論喺屋企定Office都充滿能量！ 精選外賣菜單包括多款IKEA招牌美食，有人氣瑞典肉丸（外賣自取$11/5粒；$18.7/10粒；$28/15粒）、 蔬菜薯餅（外賣自取$15.3）、香草醃三文魚沙律（外賣自取$28）等等， 另外亦提供脆炸黃金雞翼（外賣自取$13.6/4隻；$24.6/8隻）等滋味小食～ 甜品方面，有朱古力蛋糕配忌廉（外賣自取$10.2）、脆朱古力杏仁餅（外賣自取$13.6）， 同埋藍莓紅莓芝士餅（外賣自取$16.1）！以上食品全部都有85折！真心勁抵！ 除此之外，IKEA由即日起至8月31日期間，仲推出多款急凍食品優惠！ 凡購買鹽水刁草急凍小龍蝦1件，可以八折換購精選啤酒、脆餅或半軟硬芝士～ 鐘意食IKEA嘅朋友，一定要去買喇！
疫情期間未能外遊，不如喺香港住吓酒店，過返一個迷你假期 位於紅磡區嘅四星級酒店「逸酒店」推出咗雙人住宿優惠，當中嘅夏「逸」嚐味之旅超級抵， 雙人只需HK$788就可以入住高級客房，仲包埋總值HK$700嘅餐饗禮遇～ 而且仲可參加大抽獎，贏取價值高達HK$1,300嘅豐富獎品！ 購買夏「逸」嚐味之旅嘅客人可以入住高級客房一晚，仲可以延遲退房至下午4點 房內有迎賓糖果盤，仲免費提供40個電視頻道，一定唔怕悶 套票仲包埋雙人喺MOREISH & MALT 西餐廳享用自助早餐，好豐富 仲會送埋兩人份嘅時新漢堡包餐，可以唔洗排隊就食到咁出名嘅漢堡，抵呀 你仲有HK$300現金餐飲券可以喺紫荊閣中菜廳使用 酒店仲有24小時開放嘅廚房，啱哂鍾意煮野食嘅你 一個價錢包咁多嘢，仲可以參加夏「逸」大抽獎，真係好吸引！ 逸酒店 「夏逸嚐味之旅」 預訂日期：即日起至2020年9月30日 價錢︰港幣$788/2人 *所有價目另加10%服務費 訂購電話︰2275 8822/訂購網址 地址: 香港九龍紅磡蕪湖街83號
想足不出戶都可以BBQ？同時又想食材新鮮兼且食得健康？ 咁kkday嘅外賣無激素健康燒烤套餐就啱晒你心水！ 「Home燒」 燒烤套餐主打健康無添加激素食材， 加上衛生保溫袋包裝，以及嚴選健康食材，保證大家食得滋味又過癮～ 仲可以加配Recolte日式電熱鍋（限量櫻花粉色），隨附燒烤盤、蒸盤同陶瓷深鍋， 就算係零煮食經驗，都可以輕鬆做出各式各樣美食！ 而BBQ套餐包括無添加激素雞中翼、豬腩、日式蒲燒鰻魚、煙鴨胸等； 海鮮方面就有青口、蝦、泰式魚方塊，更配有自家製沾醬等等，超豐富！ 「Home燒」 燒烤套餐（2-3人），價錢只需$498起；燒烤套餐（4-5人）$848起； 燒烤套餐（2-3人）加配Recolte日式電熱鍋$1,488起；燒烤套餐（4-5人）加配Recolte日式電熱鍋，只需$1,828起～ 心思思想食嘅話，就快啲去以下網址訂購喇！ 「Home燒」 燒烤套餐 訂購網址：「Home燒」 燒烤套餐 立即訂購
海鮮鮮甜又滋味，試問有邊個會唔鐘意食？ 睇落製作過程繁複嘅海鮮，其實一啲都唔難整！ 今次就搵嚟五款入門級海鮮菜式，趁多咗時間留喺屋企，大家都一齊試整喇～ 白酒煮藍青口 材料：藍青口1.5公斤、細洋蔥（切碎）2個、蒜頭（切碎）2瓣 、牛油 1湯匙、百里香8枝、月桂葉1片 、白酒100毫升、忌廉400毫升、番荽（切碎）4湯匙、鹽少許、黑胡椒少許、脆皮麵包適量 將青口用凍水洗淨 用中型平底鑊，加入牛油，以中火至細火煮熟洋蔥及蒜頭，再加入百里香、月桂葉及白酒，轉大火 加入青口，冚蓋焗6至10分鐘至青口全開 加入忌廉及番荽，落少少鹽及黑胡椒調味 熄火，灑上脆皮麵包碎就完成 豉椒炒蜆 材料：蜆1公斤、蔥（切段）1條、辣椒（切粒）1條、紅尖椒（切段）1條、青尖椒（切段）1條、米酒1湯匙、生粉水2湯匙 茨汁材料：水2湯匙、蒜蓉2湯匙、豆豉2湯匙、生抽1湯匙、老抽1茶匙、蠔油1湯匙、砂糖1茶匙 蜆吐沙浸水半個鐘 調味料輕壓拌勻 中火燒熱油鑊，加辣椒、紅尖椒及青尖椒爆香1分鐘 落蜆炒至半開，灒米酒，繼續炒20秒 加入調味料炒勻，炒至蜆殼全開 落生粉水打獻，再拌入蔥段即成 牛油煎帶子 材料：帶子6粒、無鹽牛油25克、海鹽適量、黑胡椒適量 帶子解凍後，用廚房紙印乾水份 以無鹽牛油起鑊至牛油溶化 灑上少許海鹽及黑胡椒於帶子兩面 每邊煎大約40秒即完成 蒜蓉粉絲蒸扇貝 材料：扇貝6隻、粉絲1扎、蒜頭4瓣、指天椒1隻、生抽4湯匙、米酒2湯匙、麻油1湯匙、砂糖1茶匙、鹽1/2茶匙、蔥適量 將扇貝洗淨，去除內臟 蒜頭切蓉，指天椒去籽切碎 粉絲用清水浸泡15分鐘至軟，剪開幾段 將粉絲平均放喺扇貝上面 燒熱油鑊，爆香蒜頭及指天椒，加入生抽、米酒、鹽、糖及麻油，將醬汁煮稠拎起備用 逐一喺扇貝上加入醬汁 大火隔水蒸5-7分鐘至扇貝熟透，灑上蔥花即成 黃金蝦 材料：蝦半斤、鹹蛋黃4個 、蒜蓉1湯匙、生粉2湯匙、牛油10克 醃料：紹酒2湯匙、胡椒粉少許 剪去蝦鬚及蝦殼，用牙籤挑出蝦腸 蝦加入醃料，醃約20分鐘 撒上生粉 燒熱油鍋後放入蝦，每邊煎約1分鐘 鹹蛋黃放入微波爐叮1分鐘，或者隔水蒸3分鐘 牛油煮溶，加入蒜蓉炒香 加入已壓碎嘅咸蛋黃，再倒入蝦攪勻咸蛋黃 加入鹽炒勻就大功告成
喺「相機食先」嘅年代，食物除咗要好味之外，賣相都好緊要！ 今次呢款龍貓飯糰又易整又好食，而且賣相超可愛，用嚟影相呃like一流 一齊睇吓日本料理達人「ochikeron」點整啦～ 材料︰ 米飯 黑芝麻 鹽 鹽漬海帶 日本炸雞 意粉 切片美國芝士 紫菜 做法︰ 1.將米飯放入碗中， 然後混合磨碎咗嘅黑芝麻，混合直到出現龍貓嘅顏色 2.將大米放入保鮮膜中，以免大米粘喺手上 3.喺米飯嘅中心打一個洞，然後放入餡料（海帶&炸雞）餡料可以自行揀自己鍾意嘅 4.用手掌輕輕按一下，將米飯按成三角形 5.用少量大米做龍貓嘅耳朵 6.用意粉固定龍貓耳朵 7.剪開紫菜同芝士製成龍貓嘅臉部同身體部位 影片來源︰ochikeron
瞓覺係一個人最放鬆嘅時候，每個人生而不同，就連睡姿都係千奇百怪～ 憑直覺揀你覺得最舒服嘅瞓覺姿勢，測出愛情保鮮度有幾長！ 1. 側睡 雖然平日一啲都唔浪漫，但只要鐘意咗對方，就會相當認真，唔會以玩樂態度嚟看待感情～ 個性比較含蓄，唔鐘意兩個人太黐身，如果對方太過熱情，可能會畏縮逃避！ 所以維持平淡而穩定嘅戀愛關係，會係最理想嘅模式！ 2. 仰睡 你係一個坦率大方嘅情人，個性鐘意熱鬧，約會經常呼朋引伴～ 覺得當下嘅快樂先係最重要，所以拍拖會講求新鮮感， 如果對方善於表達、識得製造氣氛，愛情先可以長久。 3. 趴睡 你係一個不折不扣嘅工作狂，會將所有精力專注喺事業上！ 感情方面，你渴望平平淡淡嘅愛情，只要同對方有共同興趣、話題，就可以同對方一直走落去。 4. 胎兒蜷縮睡 你善於察言觀色，非常了解另一半～個性務實，所以出軌機會唔大， 只要兩人相處嘅時候，喺溝通上多注意細節，感情就可以經得起時間考驗！
人人都鍾意食朱古力，唔通人人都識整朱古力嘅嘢食咩！？ 如果你咁諗就錯啦！因為今次小編會同大家分享一個超易整嘅粒粒提子朱古力曲奇食譜 一齊跟「M’s Kitchen 親子入廚小天地」學吓點整啦 本文影片＋食譜由「M’s Kitchen 親子入廚小天地」授權轉發 粒粒提子朱古力曲奇 ( 約17塊 ) 材料︰ A︰牛油 110g、糖霜 50g B︰蛋黃 一個、鹽 少少 C︰底筋麵粉 130g、朱古力粉 10g D︰入爐朱古力粒 35g、提子乾50g 做法︰ 1.把A打至淡白色 2.加入蛋黃打勻 3.加入C拌勻才加D 4.放雪櫃普通格半小時 5.用量匙(1湯匙份量)直接放在牛油紙上 6.用义壓出花紋 6.用160度焗18-20分鐘，放10分鐘才拎出 影片來源︰M’s Kitchen 親子入廚小天地
疫情嚴重，唔想出街買月餅，不如喺屋企自己整啦！ Kylix Kitchen 專門提供烘焙課程同各式各樣的烘焙DIY套裝，佢哋今年更推出月餅DIY 套裝， 方便大家喺屋企都整到新鮮奶黃月餅，仲有埋video教學，好方便！ 套裝一共有7個款式俾大家選擇，全部都好靚 揀好款式之後就可以再揀酥皮或者冰皮套裝 酥皮奶黃月餅套裝需要焗爐先可以完成，如果屋企無焗爐，你可以揀冰皮套裝 每個月餅套裝都包括咗模具、掃、牛油紙、獨立包裝盒、食譜， 酥皮月餅套裝嘅材料有面粉、糖、奶黃製作材料； 而冰皮奶黃月餅套裝嘅材料就有預拌冰皮粉、菜油、食用色素（3種）、奶黃製作材料 用家需自備雞蛋、牛油 每個套裝都包埋獨立包裝盒，送禮自用都得！ 呢個DIY套裝只限香港地區運送，順豐到付，直送到你屋企 市面上好難搵到啲咁靚嘅月餅！ 訂購網址︰奶黃月餅DIY 套裝
