Open Tour
香港人一向鐘意食泰國菜，今次就搵嚟5款泰國菜食譜， 大家趁多咗時間留喺屋企，不妨試整喇！ 泰式蝦醬炒飯 材料：白飯2碗、雞蛋4隻、蝦仁100克、蒜頭4瓣、辣椒仔2條、紅蔥頭2個、蔥1條、蝦醬2湯匙、鹽適量、胡椒粉適量、砂糖適量、魚露適量 將蝦仁洗淨，用廚房紙印乾，再用鹽、胡椒粉以及砂糖醃製10分鐘 將蔥、紅蔥頭、蒜頭以及辣椒切碎 打蛋備用 用中大火落油預熱炒鑊，加入蝦仁略炒，差唔多煮熟就拎起備用 爆香蔥、紅蔥頭、蒜粒、蝦醬 加入白飯，將飯炒至均勻 加入雞蛋炒到半凝固，再加入蝦仁以及辣椒 最後加入魚露炒勻就完成 泰式炒金邊粉 材料：金邊粉300克、雞蛋2隻、蝦仁100克、豬肉碎100克、豆乾適量、豆芽菜適量、芫茜適量、花生粉適量、泰式甜辣醬2湯匙、魚露1湯匙、檸檬汁適量 將金邊粉用溫水浸20分鐘至軟身，瀝乾撈起備用 落油起鑊，打蛋炒熟備用 加入蝦仁、豆乾、豬肉略炒 喺碗混合泰式甜辣醬同魚露，加入上面步驟 將金邊粉加入鑊炒，如果金邊粉太乾，可以加少少水 加入炒蛋以及豆芽菜，快速炒勻上碟 最後灑上花生粉、芫茜，以及淋上檸檬汁即成 泰式青咖哩雞 材料：泰國茄子8個、冰鮮雞半隻、椰漿200毫升、青咖哩醬3湯匙、洋蔥半個、南薑半個、檸檬葉少許、椰糖適量、魚露適量、泰國羅勒適量、紅辣椒適量 落油熱鑊，洋蔥、南薑以及雞件炒至白色後備用 炒香咖哩，可以落少少水至香味散出 加入雞件，再加少少水冚蓋煮8分鐘（視乎雞件大小） 加入泰國茄子至水滾，轉細火加入椰槳至微滾 最後加入泰國羅勒及紅辣椒做裝飾就完成 千層斑蘭椰汁糕 材料：椰漿1000毫升、木薯粉500克、砂糖200克、斑蘭葉15塊、水200毫升 將椰漿、木薯粉、砂糖同水攪拌 班蘭葉剪碎，加入清水，放入攪拌機攪成班蘭汁，隔渣備用 將粉漿過篩去除結塊之後，分為一半，其中一半加入斑蘭汁 倒入斑蘭汁粉漿，大火蒸3分鐘至熟，再倒入白色粉漿，蒸3分鐘至熟，重複以上步驟直至粉漿用完 最後一層粉漿蒸15分鐘，確保千層糕全部蒸熟 放涼後脫模就完成 椰汁西米糕 材料：西米25克、砂糖、椰奶50毫升、熱水40毫升、水40毫升、砂糖20克、鹽少許、生粉15克、粟米幾粒（裝飾用） 先將班蘭葉洗淨抹乾，剪出20cm長度，每隔4cm距離剪一刀，總共有5段 再將剪好嘅班蘭葉圍成正方形，交接處可以用牙簽或者膠紙固定 西米加入滾水煮5分鐘，熄火冚蓋焗20分鐘 西米過冷後再加熱，加5克糖攪拌 西米放入班蘭葉盒至一半滿 將糖及鹽加入熱水攪勻；生粉加入水攪拌 椰奶用細火煮滾，先加入糖水 椰奶再煮滾之後，將生粉水分三次加入，中間不停攪拌 將椰漿加入班蘭葉盒，加上粟米粒做裝飾 最後放入雪櫃冷凍兩個鐘即成
依家成日要留喺屋企，無得出街食好西打卡呃Like 不如自己都試吓喺屋企整「打卡甜品」 今集小編會分享甜品達人Iris嘅食譜，大家一齊跟佢學整又靚又吸睛嘅毛巾千層卷！ 本文影片＋食譜由「鄭大小姐工房 Cheng’s Factory」授權轉發 材料︰(8吋平底穫約可做10片) 低筋粉80G、雞蛋2隻、黃糖15G、牛奶240G、橄欖油15G(或其他啖味液體油）、抹茶粉10G、全脂淡忌廉150G、砂糖20G 做法︰ 1. 雞蛋、黃砂糖拌勻至糖溶化 2. 倒入低筋粉中拌勻 3. 加入鮮奶及橄欖油拌勻，過篩 4. 加入抹茶粉拌勻，過篩 5. 用慢火預熱平底易潔鑊，取適量粉漿倒入易潔鑊，快手搖勻，小火烘熟麵糊 6. 放涼餅皮期間，忌廉及砂糖混合打起備用 7. 在桌面舖上保鮮膜，打橫排列5塊可麗餅皮。(每塊在1/3位置重疊) 8. 抹上忌廉，麵皮邊往內摺入約1cm，然後捲起來 9. 保鮮膜包起蛋糕卷，放進雪櫃冷藏一小時以上 10. 冷藏完成後，篩上抹茶粉即成 影片來源︰鄭大小姐工房 Cheng’s Factory
唔少人對於愛情充滿憧憬，咁大家又想唔想了解一下，目前有冇人偷偷鐘意你？ 圖中有四間屋，憑直覺揀一間你最心儀嘅屋，測出目前有冇人暗戀你！ 1. 啡色單層屋 揀到啡色單層屋嘅朋友，最近要多加注意喇！目前正有人暗戀你！ 唔知道你有冇發現暗戀對象嘅存在呢？最近喺工作上或者生活當中，有冇人一直對你表示關心？ 或者最近嘅你經常對邊個發脾氣，而對方冇表示不悅，咁可能暗戀你嘅對象就出現喺入面！ 如果你同樣渴望一段感情，最近就要多啲留意周遭喇！ 2. 湖水綠色單層屋 選擇湖水綠色單層屋嘅朋友，答案可能會令你失望，目前冇人暗戀你～ 但千祈唔好氣餒，快啲打電話約朋友喇！趁依家仲係自由之身，多跟好朋友狂歡一下， 如果以後結束單身，就冇咁多時間同機會跟好朋友徹夜狂歡！ 3. 藍色雙層屋 揀到藍色雙層屋嘅朋友，最近要多注意喇～ 唔知道你有冇發現周遭氣氛有啲奇怪？目前正有人欣賞你呢！ 所以你嘅雷達最好要敏銳一啲喇！如果目前你冇鐘意嘅對象而又想有個人陪伴， 咁就要好好注意最近你身邊嘅對象，或許你嘅真命天子或真命天女就喺入面！ 4. 橙色雙層屋 選擇橙色雙層屋嘅朋友，喺桃花方面可能會比較失望～ 雖然最近好似會有唔少桃花出現，但好大機會只係你諗多咗！ 或者係感覺快來快去，冇機會發展出一段真正嘅感情～
法式吐司口感外脆內軟，無論係單食、搭配水果或者鹹食，都真心勁正！ 今次就等日本料理頻道「WATCHY Food」教大家點樣喺10分鐘內，快速完成滋味法式香橙吐司喇！ 法式香橙吐司 材料：雞蛋1隻、砂糖1湯匙、牛奶4湯匙、麵包1塊、牛油10克（法式吐司部分）、牛油10克（香橙部分）、香橙（圓形切片）3塊、糖粉適量、堅果碎適量、楓糖漿適量 1. 打蛋，加入砂糖、牛奶攪勻 2. 將攪拌好嘅蛋液倒入耐熱容器入面，再將麵包浸喺蛋液之中，用600W微波爐叮1分鐘 3. 拎出然後反轉麵包浸蛋液，用微波爐叮多1分鐘 4. 用平底鑊加熱牛油，牛油半溶狀態嘅時候加入麵包，用中火將兩邊煎至金黃色備用 5. 用平底鑊再次加熱牛油，加入橙片，煎至金黃色 6. 喺吐司表面灑上糖粉同堅果碎，淋上楓糖漿，加入香橙片就完成 影片來源：WATCHY Food
最近大家都多咗留喺屋企，對於鍾意煮嘢食嘅人嚟講，可以話喺訓練廚藝嘅好時機 但如果你同小編一樣又懶又對煮食無乜天份嘅話～每日嘅三餐都會係加熱就食得嘅即食食品或者公仔麵 唔好以為即食食品就一定難食，今日小編就會同大家介紹兩款又好食又易整嘅拌麵，真心推薦！ KiKi拌麵一直都係台灣人氣手信，除咗KiKi蔥油拌麵、椒麻拌麵同川味牛肉麵之外， 喺上月「KiKi沙茶拌麵」更登陸香港，為大家帶嚟多一個選擇！ 呢款「KiKi沙茶拌麵」喺台灣人氣爆登！沙茶醬由沙嗲演變而成，係東南亞區內極受歡迎嘅醬汁之一 今次KiKi用上嘅沙茶醬具備台式風味，帶有鹹香微辣，食落口感豐富！ 加上KiKi麵條特別選用手工日曬麵，天然又好食！ 麵質口感 Q 彈、久煮不爛、而且唔添加防腐劑，保證您食得安心！ 而呢款KiKi椒麻拌麵都味道香濃，食落有麻香但又唔會太辣，好有台灣嘅感覺～ 依家喺kkday買「KiKi食品雜貨拌麵」更可以直送到你屋企！ 又好食又易整嘅拌麵，仲唔快啲落單 訂購網址︰KiKi食品雜貨拌麵
話咁快又喺時候準備中秋月餅啦！ 今年因為疫情問題無得去外國旅行，不過如果你想買外國嘅月餅，一樣可以喺網上買到 呢款台灣出產嘅「波堤獅桃山月餅」又可愛又好食，大人細路都鍾意，送禮一流！ 呢款月餅由甜甜圈專賣店Mister Donut推出，包括有「波堤獅大團圓禮盒」同埋「波堤獅小幸福禮盒」 而禮盒內容最大亮點當然係超萌嘅「波堤獅桃山月餅」！ 「波堤獅桃山月餅」用咗日本桃山和菓子工法製作，月餅口感超綿密細緻，而且仲低油健康 月餅用咗日本高質感水果搭配台灣當地食材，分別有「青檸抹茶」、「蜜柑青茶」、「蜜桃蘋果」三款 Q彈白玉內餡更月餅食落更有層次！ 月餅禮盒除咗有以上三款月餅之外，更有經典傳統口味嘅「團圓鳳梨酥」同「金磚鳳黃酥」、高人氣日式糕點「厚切原味/巧克力年輪蛋糕」、小朋友最鍾意嘅「波堤獅牛奶/法蘭奇咩咩草莓造型餅乾」，好豐富又多樣化！ 咁得意嘅月餅，快啲買返盒送俾親朋好友啦 訂購網址︰波堤獅月餅禮盒 立即訂購
成日睇韓劇時都見劇入面嘅韓國菜好吸引，好想自己試吓整！ 今之小編就集合咗五款簡單韓國美食嘅食譜，等你喺屋企都可以邊睇韓劇邊食韓國菜 泡菜芝士炒飯 食材︰泡菜3湯匙、煙肉2片、芝士適量、蔥花2湯匙、蛋1隻、泡菜汁3湯匙、韓式辣醬（口味輕淡1/2湯匙）1湯匙、黑糖（砂糖）1湯匙、韓國麻油適量 做法︰ 1.準備食材 2.將醬汁：泡菜汁3湯匙、糖1湯匙、韓國辣醬1湯匙混合均勻備用 3.泡菜用剪刀剪碎 4.煙肉剪成小條狀 5.熱鍋下將煙肉煎至微焦 6.將泡菜炒2分鐘至入味 7.加熱飯去炒勻 8.再加醬汁炒勻 9.喺鍋邊淋上1湯匙韓芝麻油炒 10.將1/2蔥花炒即可盛至飯碗塑型 11.煎荷包蛋盛起備用 12.將飯碗倒扣鍋中，再放上芝士待溶化 13.擺盤上桌、食嘅時候趁鍋熱拌勻將蛋拌熟 韓式紫菜包飯 食材︰紫菜2-3張、午餐肉1罐、雞蛋幾隻、韓式醃蘿蔔1包、蟹柳適量、白飯適量、麻油適量、鹽適量 做法︰ 1.將午餐肉切好就可以煎香 2.將蟹柳煎香 3.將雞蛋煎成蛋卷 4.將白飯煮好放到大碗中加入麻油 5.將蛋卷降溫後可以切條 6.預備壽司卷用席，紫菜＞白飯＞餡料 7.將飯捲起來 8.捲好後，切成平均厚度 自製韓式泡菜 ( 4人份量 ) 食材︰大白菜1.5kg、紅蘿蔔1條、白蘿蔔半條、青蔥3棵、韓式辣椒碎50g、魚露20毫升ml、糖15g、洋蔥1個、雪梨半個、水60ml、白飯3大匙、蒜頭6瓣 做法︰ 1.將大白菜洗淨，切成小塊，再加入鹽，靜置一個小時 2.將菜沖洗兩次，再徹底瀝乾水份 3.將所有醬料材料放入攪拌機內，拌勻成糊狀 4.將蘿蔔切幼絲，青蔥切碎，放入大碗內 5.將所有材料和醬料徹底拌勻 6.將泡菜放入已洗淨的玻璃玻璃瓶內，待在室溫陰涼處兩天 7.放入冰箱內醃三至五天便可享用 韓式無骨炸雞 食材︰雞胸肉2盒（約600g)、米酒2大匙、白胡椒粉1小匙、鹽1小匙、蒜泥1小匙、裝飾白芝麻1大匙 醬汁︰韓式辣醬2大匙、味醂4大匙、蜂蜜2大匙、蒜泥1大匙 粉漿︰酥炸粉1.5杯（糧米杯）、水1杯 做法︰ 1.切好雞肉，加入2大匙米酒、1小匙白胡椒粉、1小匙蒜泥、1小匙鹽抓勻備用 2.1杯水加1杯半的酥炸粉調勻備用 3.喺粉漿中放入醃製好嘅雞肉 4.起油鍋，等待油溫到達180度，就可以開始炸 5.2大匙韓式辣醬+4大匙味霖+2大匙蜂蜜+1大匙蒜泥拌勻備用 6.將炸好嘅雞塊同醬拌勻，之後撒上白芝麻，再拌勻 7.擺盤完成 韓式海鮮泡菜煎餅 […]
咁耐無得去旅行，係咪好掛住外國嘅水果呢！？ 鍾意食車厘子嘅你一定有聽過澳洲澳塔斯曼尼亞嘅車厘子 每年12至2月都係澳塔斯曼尼亞車厘子嘅當造期，佢哋生產嘅亞車厘子出哂名大粒，而且又甜又多汁 好多遊客去澳洲時都會買呢啲車厘子啦做手信/自己食！ HTMall知道大家今年無得飛去澳洲試，為大家搜羅咗澳洲直飛到港嘅車厘子 今次嘅車厘子由荷伯特直飛到嚟HTMall，唔洗經悉尼/墨爾本轉機，比平時嘅運輸時間快咗2日！ 粒粒都係塔斯曼尼亞農場直送嘅車厘子，鮮甜又好食 嚟緊新年買去送禮都唔錯！ 車厘子由Birchs Bay農場種植， 正正因為農場規模不大，年產量只有80噸左右，而且職員會去農場親自監工 可以保證到車厘子嘅品質！ 成盒車厘子由種植、收割到包裝都係由塔斯曼尼亞當地人做好再寄出 酒紅色嘅車厘子肉質細膩香甜，皮脆肉厚，粒粒都勁Juicy 而且車厘子有補血功用，健康又好食！ 依家買仲有早鳥9折優惠添，快啲落單啦 品種：Simone / Sweet Georgia 包裝：2kg/箱 價錢︰28-30mm <$450>、30-32mm <$540>、32-34mm <$630> 派貨日期：將於到港後，盡量安排72小時內送完 （預計2021年1月13至20到港） 訂貨限期: 2020年12月30日(23:59) 訂購網址 立即訂購
