Open Tour
最近網絡上瘋傳一項心理測驗， 單身者可以憑直覺揀一扇門，測出邊一類人最容易被你吸引！一齊試玩喇～ 1. 白色門 你係一個感情豐富、浪漫嘅人，亦好識得照顧別人，喺異性之中人氣特別高！ 另一方面，你性格圓滑、心胸廣闊，係有個性嘅人會鐘意嘅類型～ 2. 黑色門 你擁有樂觀積極嘅性格，就算內心受傷都可以好快康復，唔會斤斤計較！ 另外，你亦都係一個充滿幽默感嘅人，令你特别受從事藝術嘅人歡迎，如設計師、音樂家等等！ 3. 粉紅色門 你係一個溫柔、誠實嘅人～ 凡事都好認真、細心咁看待，呢一點令你總係吸引比你年紀大嘅人， 而事實上，你都比較適合跟年紀比你大嘅人結婚。 4. 藍色門 你擁有神秘又奇妙嘅魅力，而且個性分明，充滿獨特氣質！ 加上你有堅定嘅信念，所以特別受聰明嘅人歡迎。 若你可以打開心扉，積極靠近對方，一定可以達成一段美好嘅關係！
每個人都有屬於自己嘅性格，一個人嘅性情係由多方面原因所造成，例如係家庭環境、社會環境以及接觸到嘅人～ 而性格就係決定你成功嘅因素！憑直覺揀一款你覺得最滿足到你嘅早餐，測出你最真實嘅性格！ 1. 熱香餅 你係一個唔鐘意計較嘅人，心思敏感細膩，而且轉數好快～ 凡事都會企喺其他人嘅角度思考，習慣默默付出，無私奉獻！ 但係要小心身邊有人會想扯你後腿，利用你嘅善良而達成佢嘅目的！ 2. 水果班戟 你係一個對任何事情都會用心付出嘅人，最討厭虛情假意～ 同時間你亦都係一個重視感情嘅人，只要認定咗對方係你非常在乎嘅人， 你就會真誠以待，絕對唔會有所瞞騙！ 3. 全日早餐 你天生敏感多疑，鐘意胡思亂想、鑽牛角尖，而且鐘意逞強。 就算傷心都依舊表現得強勢。鐘意整潔，甚至有啲精神潔癖！ 其實你嘅內心好脆弱、孤獨，藏咗無數秘密，只會同最親密嘅人分享～ 遇到討厭嘅人，你會寧願受罪，都唔會向對方求助。 4. 果醬多士 你望落呆傻可愛，但其實骨子裡你根本係一個絕頂聰明嘅人！ 只係你嘅朋友都冇你咁聰明，你唔介意降低自己程度嚟跟朋友瞎聊～ 你好識得自嘲搞笑取悅大家，識到你呢個朋友可以話係對方賺咗，所以你一啲都唔蠢！ 跟你相處自然冇壓力，你係一個好好嘅朋友。
瞓覺係一個人最放鬆嘅時候，每個人生而不同，就連睡姿都係千奇百怪～ 憑直覺揀你覺得最舒服嘅瞓覺姿勢，測出愛情保鮮度有幾長！ 1. 側睡 雖然平日一啲都唔浪漫，但只要鐘意咗對方，就會相當認真，唔會以玩樂態度嚟看待感情～ 個性比較含蓄，唔鐘意兩個人太黐身，如果對方太過熱情，可能會畏縮逃避！ 所以維持平淡而穩定嘅戀愛關係，會係最理想嘅模式！ 2. 仰睡 你係一個坦率大方嘅情人，個性鐘意熱鬧，約會經常呼朋引伴～ 覺得當下嘅快樂先係最重要，所以拍拖會講求新鮮感， 如果對方善於表達、識得製造氣氛，愛情先可以長久。 3. 趴睡 你係一個不折不扣嘅工作狂，會將所有精力專注喺事業上！ 感情方面，你渴望平平淡淡嘅愛情，只要同對方有共同興趣、話題，就可以同對方一直走落去。 4. 胎兒蜷縮睡 你善於察言觀色，非常了解另一半～個性務實，所以出軌機會唔大， 只要兩人相處嘅時候，喺溝通上多注意細節，感情就可以經得起時間考驗！
唔少人對於愛情充滿憧憬，咁大家又想唔想了解一下，目前有冇人偷偷鐘意你？ 圖中有四間屋，憑直覺揀一間你最心儀嘅屋，測出目前有冇人暗戀你！ 1. 啡色單層屋 揀到啡色單層屋嘅朋友，最近要多加注意喇！目前正有人暗戀你！ 唔知道你有冇發現暗戀對象嘅存在呢？最近喺工作上或者生活當中，有冇人一直對你表示關心？ 或者最近嘅你經常對邊個發脾氣，而對方冇表示不悅，咁可能暗戀你嘅對象就出現喺入面！ 如果你同樣渴望一段感情，最近就要多啲留意周遭喇！ 2. 湖水綠色單層屋 選擇湖水綠色單層屋嘅朋友，答案可能會令你失望，目前冇人暗戀你～ 但千祈唔好氣餒，快啲打電話約朋友喇！趁依家仲係自由之身，多跟好朋友狂歡一下， 如果以後結束單身，就冇咁多時間同機會跟好朋友徹夜狂歡！ 3. 藍色雙層屋 揀到藍色雙層屋嘅朋友，最近要多注意喇～ 唔知道你有冇發現周遭氣氛有啲奇怪？目前正有人欣賞你呢！ 所以你嘅雷達最好要敏銳一啲喇！如果目前你冇鐘意嘅對象而又想有個人陪伴， 咁就要好好注意最近你身邊嘅對象，或許你嘅真命天子或真命天女就喺入面！ 4. 橙色雙層屋 選擇橙色雙層屋嘅朋友，喺桃花方面可能會比較失望～ 雖然最近好似會有唔少桃花出現，但好大機會只係你諗多咗！ 或者係感覺快來快去，冇機會發展出一段真正嘅感情～
每個人心裡面總會埋藏著一啲小秘密～ 憑直覺揀一隻覺得最似自己或你最鐘意嘅貓咪，測出你內心有咩不為人知嘅小秘密喇！ 1. 日本短尾貓 你內心係一位自由主義者，鐘意用聰明、快捷嘅方法做事～ 好多事情都希望做到最好，唔會特別設限自己。 同時你希望有人瞭解自己內心，有時候覺得委屈都唔會表現出嚟。 你珍惜身邊嘅朋友，願意為朋友犧牲奉獻，係一個情感豐富嘅人。 當你覺得孤獨或憂鬱嘅時候，建議可以好好釋放內心嘅悲傷！ 2. 安哥拉貓 你內心係理性冷靜嘅人，遇到困難嘅時候， 你擅長用理性思維分析每種可能嘅情況，喺失誤中汲取經驗，喺困境中成長！ 你好有主見，冷靜隨和，朋友同家人都樂意聽取你嘅意見同睇法。 3. 蘇格蘭摺耳貓 你其實係一個非常有主見嘅人，享受掌控一切嘅感覺！ 對於唔太熟悉嘅人大多會保持距離，混熟之後先可以敞開心扉～ 平日不拘小節，一旦遇到自己在意或覺得重要嘅事，就絕對唔會妥協，顯得比較固執。 你討厭隨波逐流，對事物有自己獨特嘅睇法以及見解。 雖然有時候比較情緒化，但你內心其實充滿溫暖，帶著清晰眼光看待世界。 4. 波斯貓 你習慣隱藏真實嘅自己，除非係好親近嘅人，否則比較難注意到你嘅優點！ 你好識得為他人著想，面對意見不合嘅時候，你會試圖改變自己去迎合對方～ 同你溝通之後，就會發現你好容易相處，內心嘅你其實好敏感，亦好怕傷害到別人， 面對感情有時候會缺乏安全感，而且心思細膩～ 係時候好好展現一下自己，真實嘅你其實好有吸引力！
常言道：「人生得一知己，死而無憾」，可以擁有一位了解你嘅好朋友，真係好難得～ 不過做朋友都好講求性格夾唔夾！憑直覺揀一隻你最鐘意嘅狗狗，測出咩類型或者性格嘅朋友值得你深交喇！ 1. 哥基犬 你嘅性格同哥基犬一樣直率可愛，對任何事都態度認真，而且鐘意同朋友一較高下～ 你認識朋友嘅方式係「不打不相識」，喺共同競爭進步嘅同時，你哋嘅友情亦會越來越深厚。 但有時候，你會忽略咗對方嘅感受～ 2. 小獵犬 你對朋友嘅態度係「君子之交淡如水」，你同朋友嘅關係總係保持謙恭禮讓，因為過份親密會令你覺得有壓力。 你鐘意朋友同你一齊追求新鮮事物，所以充滿好奇心嘅人最適合做你朋友。 3. 黑色獵腸犬 你嘅性格比較怕羞，唔係好識得表達自己，所以好少主動去同其他人做朋友，朋友亦唔多。 一旦你同某人成為朋友，你就會好重視呢份友誼，甚至希望同對方形影不離。 同樣重視友情嘅人，最適合同你做朋友，但要記著唔好過份依賴對方，否則會令朋友感到壓力。 4. 沙皮犬 你對人嘅喜惡非常分明，而且對朋友情深義重。 只要你同某人成為朋友，你就會全心全意對待對方，甚至會為好朋友兩肋插刀。 你最適合同本性誠實、善良嘅人做朋友，以誠相待先可以培育出最真摰嘅友誼！
友情係需要努力經營～ 想知道你喺朋友心目中係一個點樣嘅人？想知道你有咩吸引人嘅特質？ 圖中有四款蛋糕，憑感覺揀一款你最鐘意嘅蛋糕口味，測出你係咩類型嘅朋友喇！ 1. 香芒流心蛋糕 你係屬於照顧朋友嘅領導派！無論身處咩環境，你都會主動照顧其他人～ 有問題發生嘅時候，你亦會毫不猶豫咁去幫手！你天生具有領導能力，喺團體中經常處於指揮地位。 2. 朱古力脆脆蛋糕 你天生屬於樂天派，有你嘅地方就有笑聲！ 人際關係唔錯，擁有唔少朋友，而且大家都好鐘意同你相處～ 3. 藍莓千層蛋糕 你係洞察人心嘅神秘派～ 喺團體入面，你唔善於表達自己，令人覺得你充滿神秘感！ 其實你並唔討厭團體生活，只係你鐘意觀察其他人，所以你非常了解朋友內心想法。 你亦都好鐘意跟朋友討論命理、星座、占卜之類嘅話題。 4. 士多啤梨夾心蛋糕 你係一位積極努力、處事認真，而且守規矩嘅人！ 自我要求好高，相對地，你對其他人亦唔會放鬆～ 你鐘意自我約束力高嘅人；個性隨興嘅人係無法同你成為朋友。 你過於專注學習，有時候會忽略咗人際關係。
喺感情路上依靠另一半，雖然會令人感到安心，但係過份依賴，可能會令對方覺得有負擔！ 表現太過獨立，又會令人覺得戀情若有似無～ 所以取得平衡係好重要！ 圖中有四款雪糕，憑直覺揀一款你最鐘意嘅雪糕口味，測出你對愛情依賴度！ 1. 朱古力雪糕 你非常依賴愛情，希望可以同對方經常見面～ 雖然日常處事獨立，但一遇到感情事就會變得小鳥依人。 如果生活缺少愛情，你甚至會覺得內心空虛。不過要記著「互相依靠會令感情升溫，過度依賴會令對方有壓力」啊～ 2. 薄荷雪糕 自立自強嘅你，覺得依賴另一半倒不如靠自己。 自信心強、做事獨立，鐘意主動照顧對方，同時希望另一半平等咁對待彼此。 3. 藍莓雪糕 選擇藍莓雪糕嘅你，能夠好理智咁去處理每一段感情～ 你有自己充實、獨立嘅生活，就算感情失意，你都可以活得精彩。 但若有機會遇到有緣人，記得要好好把握！ 4. 士多啤梨雪糕 你係一個識得收放自如嘅人，會睇對象嚟決定自己咩時候係可以依賴對方。 如果感覺可以依賴對方，就會從此非常依賴佢，讓另一半永遠呵護自己～
喺愛情呢場角力遊戲入面，每個人都有唔同嘅態度～ 有人陷入戀愛就會義無反顧；亦有人會見一個愛一個，難以修心養性！ 圖中有四款珍珠奶茶，憑直覺揀一款，測出你面對愛情時嘅態度！ 1. 原味珍珠奶茶 你面對愛情嘅時候好單純，可以喺對方面前做返真正嘅自己～同時令人不自覺咁對你產生好感。 你只要愛上一個人，內心就會覺得幸福、滿足，亦好願意為另一半無怨無悔去付出。 2. 斑蘭珍珠奶茶 對於幸福嘅定義，就是同自己最愛嘅人喺埋一齊～ 呢種感覺就好似一杯斑蘭珍珠奶茶，散發著獨特嘅香味，令人覺得舒暢！ 你目前心境係非常成熟，而且同另一半感情相當穩定。 3. 朱古力珍珠奶茶 你最愛嘅人係自己，你享受戀愛嘅過程～ 但係拍拖對你嚟講，並唔係生活必需品。 你有時候比較自我中心，建議多啲企喺對方角度去思考，多關心其他人，咁樣你嘅愛情先可以長久。 4. 玫瑰珍珠奶茶 你嘅愛情就好似玫瑰珍珠奶茶一樣濃郁芳香，你同另一半相處好有默契～ 你好識得照顧對方，令人有一種安心、舒服嘅感覺。
