Open Tour
放假緊係要訓到自然醒，再出去食好西！ 今次小編集合咗五間特式午餐/下午茶餐廳，中西日式都有 快啲約埋朋友一齊去試下！ 1.中環大館茶藝館 中環大館一向都係打卡好地方，特別係餐廳嘅露天茶座， 望到哂大館嘅靚靚建築，一邊食嘢一邊望美景，真係好CHILL 除咗室外環境靚，室內都唔錯 依家喺KKDAY買佢哋嘅二人午膳套餐只需HKD $238 就有咁多嘢食，真係好抵！ 中環大館茶藝館 用餐時段：11am – 2:30pm 最晚入場時間：2pm 訂購網址︰二人午膳套餐 地址：中環荷李活道10號(舊中區警署)大館總部大樓地下01-G07號舖 立即訂購 ========== 2.Club East洞天 : Angel & Devil 玩味西餐廳及酒吧Angel & Devil 推出人氣打卡下午茶 呢款「 留住「莓」一刻 The Berries Moment Tea Set 」以士多啤梨做主打，酸酸甜甜勁吸引 只需HK$295 就可以兩人享用多達十款酥點，而且款款都好靚 約埋好姊妹去傾計同打卡就啱啦 餐廳仲有露天室外位，環境都唔錯 Club East洞天 營業時間：星期一至日12:00nn – 22:00pm 下午茶時段: 3:00pm – 5:30pm 訂購網址︰留住「莓」一刻 The Berries Moment Tea […]
荃灣出晒名多好嘢食，今次小編就試咗兩間東南亞菜！ 食物價錢抵，而且質素幾高，絕對試得過！ 第一間係專食新加坡菜+馬來西亞菜嘅餐廳「馬六」！ 新加坡喇沙摻摻 呢個喇沙最正係用咗油麵+米粉，彈牙、掛湯，又夠正宗！ 湯底超濃郁，豆卜吸晒啲味勁好食！仲有鮮蝦、蜆肉等海鮮～ 馬六無骨海南雞飯 拼巴生肉骨茶 鍾意食海南雞飯嘅朋友仔，呢間真心推！無論係份量、味道、質素都係一流！ 嫩滑雞肉配油飯，再加秘製醬汁，夾到爆～ 重點係巴生肉骨茶！勁足料已經好濃郁，可以翻兜！ 巴東牛肉飯 如果想食啲濃味嘅飯餐，呢個就絕對適合喇！巴東牛肉微辣得嚟勁惹味，個醬汁撈飯一流！ 牛肉份量好多，而且夠晒淋，肉質唔鞋～ 檳城蝦麵 蝦麵都係星馬菜必食之一，呢間做得幾唔錯！湯底真‧好濃蝦味，但飲晒都唔會口渴～ 而且用料、份量十足，食極都仲有，勁高CP值！ 南洋咖央多士 (斑蘭) 點可以唔試埋咖央多士？ 厚切牛油+香濃斑蘭醬，再加香脆多士！小編保證，呢個會食唔停口！ 芒果冰 飲品方面，小編就最推介芒果冰！因為真係有半個芒果喺隔離！ 飲完濃郁嘅芒果冰之後，仲可以食埋香甜嘅芒果，爽！ 馬六 地址：荃灣眾安街68號荃灣千色匯1樓1023A號舖 而另一間食越南菜嘅餐廳就叫「越北牛肉粉」，就喺正「馬六」隔離！ 一場嚟到，梗係要試埋佢啦～ 越北綜合牛肉湯粉 食越南菜，首先梗係試佢嘅生牛河！ 呢碗牛肉粉除咗有生牛肉之外，仲有牛腩片、牛丸等等，啱晒一眾牛魔王啊～ 順化香茅牛肉撈檬 小編當日仲試咗撈檬！檬粉彈牙，配合秘製酸汁都幾開胃～ 不過重點係牛肉！真係好嫩滑好好味！ 法式蒜蓉牛油雞翼 小食方面，小編首推係蒜蓉牛油雞翼！ 雞翼size勁大，而且外皮炸得香脆，配埋蒜蓉牛油，點會唔好食？ 鮮蝦米紙卷 米紙卷都幾唔錯，清清地～ 配埋其他濃味嘅主菜一齊食，都幾夾！ 越北牛肉粉 地址：荃灣眾安街68號荃灣千色匯1期1樓1023號舖
做冬過年食盆菜就多，中秋盆菜宴你又試過未呢？ 生記特設盆菜套餐俾你外賣返屋企～「中秋盆菜套餐」有齊鮑參翅肚，夠晒派頭！預訂5-6人份量盆菜，即送精美實用砂鍋 (送完即止)！ 依家仲有早鳥優惠！於即日起至9月27日訂購，額外再送2016年法國Barons de Medicis Merlot 紅酒/ Viognier 白酒 (750mL)一枝！ 外賣中秋盤菜 5-6人份 (以不透鋼煲為外賣盆) 外賣中秋盤菜 10-12人份 (以不透鋼煲為外賣盆) 竹庶茅根 700ML 於即日起至9月27日訂購，額外送2016年法國Barons de Medicis Merlot 紅酒/ Viognier 白酒 (750mL)一枝 產品介紹: 【中秋盆菜 （5-6人）$688】原價$988 > 花膠、鮑魚、金色帶子、發菜、燒鴨、花菇、茄汁蝦、素魚翅、蘿蔔、芋頭、蓮藕、西蘭花、南乳豬手 > 竹蔗茅根700mL x1 > 5-6人份量盆菜(以不透鋼煲為外賣盆)，額外再送一個迷你砂煲(送完即止) 【中秋盆菜（10-12人）$988】原價$1288 > 花膠、海參、鮑魚、金色帶子、發菜、元蹄、白切雞、燒鴨、花菇、茄汁蝦、素魚翅、蘿蔔、芋頭、蓮藕、西蘭花 > 竹蔗茅根700mL x2 > 於即日起至9月27日訂購，額外送2016年法國Barons de Medicis Merlot 紅酒/ Viognier 白酒 (750mL)一枝。 換取方法: 【門市自取】 > 下單後會聯絡客人查詢自取時間及地點自取地點包括： […]
疫情下冇得出國，但成日心郁郁想去旅行？ 不如去尖沙咀富衛1881公館，體驗一下本地特色遊啦！ 一個地方有齊美食、靚景、藝術展覽，仲有激多影相打卡位～真心勁正！ 遊覽之前可以先去主打特色古典中菜嘅「后園」餐廳品嚐精緻點心～ 特別推薦麻辣濃湯小籠包！小籠包皮簿餡靚、肉汁鮮濃，麻辣味道夠晒特別！ 餐廳嘅松露野菌水晶餃、野菌素腸粉、露筍鮮蝦餃、高湯牛肉丸，同樣值得一試！ 唔單止味道出色、賣相一流，食落仲超有驚喜啊～ 食飽飯可以行下期間限定舉辦嘅「富衛保險：敢樂藝術‧敢闖人生藝術展」，有15位本地藝術家嘅作品展出！ 展覽分為三個專區，分別係「照片區」、「互動區」同埋「體驗區」各有特色㗎～ 展出嘅精彩藝術品包括：經典霓虹光燈招牌 「城市之光」、彩色水泥牆「幻」、彩繪壁畫走廊「塗鴉星球」等等～ 亦都有VR互動展品，例如位於走廊嘅「探索號」，啱晒一家大細！ 大家仲可以利用AR特效濾鏡，同藝術作品瘋狂打卡添！ 欣賞完藝術展覽，不妨去試埋輕法式餐廳「ODEA」全新推出嘅清新果香主題下午茶～下午茶超豐富！ 甜點有白桃椰子奶凍、柚子芒果撻、車厘子開心果法式蛋糕等等… 鹹點就有法國芝士提子撻、日本牛肉及椰子泡芙等等～ 仲可以加配以果味特調雞尾酒「Clover Club」或者冇酒精嘅「Lady Rose」，等大家一齊享受洋溢果香嘅午後滋味～ 富衛1881公館前身係水警總部，現轉型為文化地標！ 呢幢充滿濃厚殖民地建築風格嘅百年古蹟，周圍都係等你發掘嘅打卡位～ 留喺香港都可以好好玩！快啲約埋好朋友，一齊去富衛1881公館體驗本地特色遊啦！ 富衛保險：敢樂藝術‧敢闖人生藝術展 日期：即日起至10月25日* 時間：上午10時至下午10時 地點：「1881」廣場及富衛1881公館 *「互動區」及「體驗區」展品將展出至9月30日 富衛1881公館餐廳： ODEA、后園、The Steak Room及The Cell Whatsapp訂座及查詢：+852 6737 0980 The Araki 查詢：[email protected]
咁耐無得去日本，係咪好掛住日本嘅燒肉呢？！ 日式燒肉店燒肉臻會喺9月中旬開始推出期間限定鳥取和牛menu，嚴選極品稀有鳥取縣和牛作為食材 產量稀少嘅優質鳥取和牛肉入口即溶，肉汁濃厚而不膩，真心正！ 鳥取和牛係和牛始祖之一，飼養數目只有日本全國百份之一，稀有程度勁高 每年只有10隻以下輸入香港，要食真係唔容易 勁靚嘅雪花紋理出現喺牛肉上面，見到都流哂口水！ 除咗極品鳥取和牛，店鋪仲有好多其他高質牛肉供應 而呢款招牌「牛肉盛合」就集合咗牛肉最好味嘅7個部位，啱哂一班選擇困難症嘅朋友 可以樣樣都食到！ 而且店內仲會有專人幫你烤製高級肉類，咁就唔怕自己燒燶哂 和牛以牛肉脂肪百份比分為等A至C分級，而鳥取和牛係A4級高級牛肉，真係好吸引 除咗牛肉之外，店鋪嘅豚肉盛合亦好吸引 同其他鋪頭唔同，佢哋仲會有內臟提供，好特別 炭火烤雞肉又香又多汁，必試！ 燒肉臻更設有熟成櫃，可以鎖住肉汁同即場享用，坊間真係好小見 店鋪仲引入咗全港第一部自助清酒售賣機，有多款清酒俾大家選擇 你只需輕掃代幣券收據上嘅QR code，清酒就會即時從機內傾注到杯中 仲可以紀錄自己飲過嘅酒同品評，係非常特別嘅體驗！ 燒肉臻 地址：九龍尖沙咀寶勒巷3-7A號萬事昌廣場1樓102號舖 電話：2518 3828 營業時間：星期一至日12:00 – 15:0 / 18:00 – 23:0
