近幾年嚟講，牛油果已經成為superfood其中之一，而K11 Musea就新開咗一間嚟自英國倫敦嘅牛油果主題餐廳，香港區分店嘅裝修就以大自然風格為主，主打一係列以牛油果位菜式，包括漢堡、沙律同甜品等等，呢度絕對係牛油果愛好者嘅天堂！ 牛油果特色漢堡，配料有齊牛肉絲、蕃茄莎莎醬同辣椒片，望落去好似好少嘢，但其實食落全個牛油果已經非常飽。 牛油果辣吞拿魚他他，牛油果同吞拿魚味道好夾。 牛油果Cobb沙律，有牛油果、煙肉、大蝦、芝士、粟米同番茄仔，中間仲有個牛油果玫瑰花添啊，食落賞心悅目。 牛油果龍蝦漢堡，入面配有龍蝦，鮮甜爽口彈牙，再配上芒果熱情果醬，令到整體味道更加清新香甜。 牛油果朱古力Brownie，坊間比較少見用牛油果整成嘅Brownie，食落唔會好死甜，仲有朱古力嘅香味。 牛油果Tiramisu，用上牛油果製作，非常特別，仲帶有微微牛油果香氣，令到味道清新啲。 各位牛油果愛好者，不妨過嚟試下。 Avoabr 地址：尖沙咀梳士巴利道18號Victoria Dockside K11 Musea B2樓B201-4號舖 電話：2611 9777 營業時間：11:00-21:00 圖片來源：@majorinfood、@avobar_hk
