無得去日本旅行，呢間位於尖沙咀麼地道附近嘅居酒屋真係帶俾小編有番鄉下嘅感覺，餐廳提供多款刺身拼盤、丼飯、串燒、天婦羅等等~店內用餐嘅位係榻榻米，同時會有檯凳可選擇~連餐牌都寫上日文，真係誠意十足。即刻睇有咩食！ 刺身拼盤，有八爪魚、帶子、帆立貝、赤貝等等。 牛肉山椒燒，用鐵板上嘅半生熟牛肉，食落都幾香牛肉味，唔會好鞋~ 燒牛舌，配清酒一齊食就最夾！ 燒明太子，配住青瓜同蘿蔔蓉一齊食，原條食嘅味道就超濃郁，有別於一般明太子飯糰果啲~ 除咗各款佐酒小食，居酒屋都有供應丼飯。 三色丼飯，刺身非常新鮮，食落啖啖吞拿魚魚蓉，入口即溶，海鮮都好新鮮，一啲都唔腥。 仲不時有員工會唱歌助興，都係唱梗日文歌，仲要係日版「海闊天空」，全場一齊叫唱時候真係好有feel~ 真係好似去番日本咁，可以坐起榻榻米上，不過大家唔洗擔心坐到腳痺，因中間係挖空可以伸腳活動。 如果都係坐唔慣，都可以揀番呢啲嚟坐嘅。 HoKahoka 地址：尖沙咀麼地道63號好時中心51-52號舖 電話：2366 1784 時間：12:00-15:00｜18:00-00:00 圖片來源：@foodsearchers、@hkfoodbuddy、@reallyummm、@foodiebellyhk
