Open Tour
話咁快仲有兩個月又到聖誕節喇！ 唔少商店都睇準時機，陸續已經開始宣傳聖誕限定食品同商品～ 就好似日本神戶北野飯店，最近宣佈將會喺今年11月1號提前舉行聖誕派對晚會「ナイトデザート Private Party ～Christmas～」 今次派對會提供大約17款甜品同10款料理餐點～ 其中一個賣點，就係呢個超級巨無霸嘅千層士多啤梨蛋糕「ミル・ミルフィーユ」！ 蛋糕除咗頂部之外，每一層都鋪滿大大粒新鮮嘅士多啤梨！ 果然夠哂睇頭！ 酥脆嘅蛋糕餅皮，仲有順滑嘅奶油，齋望相都已經流哂口水～ 但咁大件蛋糕，大家都係唔好諗著自私食喇～ 一於call齊朋友嚟KO佢啦！ 到時飯店亦會準備好多精緻嘅小甜品，當中就有唔少係以士多啤梨做主題～ 除咗甜品之外，仲有以歐式家庭料理嘅餐點，例如係愛爾蘭嘅傳統開胃菜「Colcannon」、俄羅斯牛肉特羅加諾、羅宋湯等，異國風味100分！！ 如果有機會去日本旅行，大家千祈唔好錯過啊～ 圖片來源：Fashion Press ナイトデザート Private Party ～Christmas～ 開幕期間：2020年11月1日至12月22日 時間：下午6:00至晚上9:30（最後點餐時間為晚上8:30） 地點：神戸北野ホテル ダイニング[イグレック] (飯店地址：兵庫県神戸市中央区山本通3-3-20 1F)
平時喺屋企咁悶，緊係整吓嘢食啦！ 如果無咩煮嘢食經驗，又對自己無咩信心，你可以試吓整甜品 小編集合咗5款免焗朱古力甜品食譜俾大家，絕對係新手都做到嘅超簡單甜品～ 免焗朱古力Brownie ( 約20粒 ) [instagram photo=”CCsTvDeDRva”][/instagram] 材料：黑朱古力100g、朱古力粉10g、中筋麵粉60g、無鹽牛油60g、雞蛋2隻、砂糖30g、核桃30g 步驟： 1.將雞蛋加埋砂糖一齊打勻 2.用熱水坐溶無鹽牛油同黑朱古力 3.將中筋麵粉同朱古力粉過篩之後，再加入蛋漿同核桃一齊拌勻 4.加入砂糖同朱古力粉攪拌 5.加入已篩過嘅麵粉，用膠刮刀將麵粉攪拌至完全混和 6.喺電飯煲內掃上牛油，倒入麵糊 7.開啟煮飯模式煮40分鐘 8.完成後待涼切件 特濃朱古力慕絲蛋糕(6寸) [instagram photo=”BPe7uzGlIHY”][/instagram] 材料： 餅底：Oreo 餅 70克（7塊）、無鹽牛油溶液 25克 餡料：黑朱古力（70%）90克、淡忌廉200克、牛奶40克、糖15 克、魚膠粉4克、水25克 、朱古力粉 步驟： 1.壓碎Oreo並加入無鹽牛油溶液，雪凍30分鐘做餅底 2.魚膠粉混合水 3.溶解朱古力，再加入魚膠溶液攪拌混合 4.打發淡忌廉，再加上朱古力溶液攪拌混合 5.倒入模具，放入雪櫃冷藏6-8小時 6. 完成後可用熱布脫模，再在面層撒上朱古力粉或你鍾意嘅水果 Baileys生朱古力 [instagram photo=”B_jmNDPhGCu”][/instagram] 材料：煉奶 170g、可可粉 50g、Baileys冧酒1 湯匙、黑朱古力300小塊 步驟： 1.將黑朱古力隔水溶化 2.加入加熱咗嘅煉奶拌勻 3.再混合Baileys甜酒拌勻 4.將朱古力漿倒入鋪上牛油紙嘅長方形盤上 5.厚度大約為1.5cm 6.放入雪櫃冷藏1-2小時至硬身 7.脫模後切成約2×2厘米正方，再灑上無糖可可粉 朱古力忌廉千層蛋糕 [instagram photo=”ByQAGdHjgk1″][/instagram] […]
台灣Lady M每逢轉季，都會定時定候推出限量新品， 嚟到芒果旺季嘅夏天，就推出全新嘅「芒果千層蛋糕」！ Lady M嘅千層蛋糕出名皮薄Cream滑，而且口味都愈出愈多，今次推出嘅「芒果千層蛋糕」除咗芒果當造夠甜外，更加將新鮮芒果切片放喺蛋糕表面，砌成玫瑰花嘅形狀，超靚~ 除咗表面有新鮮嘅芒果片外，蛋糕有超過20層嘅蛋皮，中間夾著滿滿嘅芒果吉士Cream，食落有啖啖果香~ 9吋嘅原個「芒果千層蛋糕」暫時只接受台灣官網限量預購，再到門市自取，亦無得單件購買， 而且芒果屬於季節性水果，所以蛋糕都係限時售賣~ 雖然而家入境限制仍未放寬，但睇咗當食咗，飽下眼福都唔錯~ 【Lady M 芒果千層蛋糕】 預購官網：ladym.com.tw 預購期限：2020年5月25日 – 2020年6月23日 售價：港元$750/個
相信鐘意食cake嘅你都一定唔會冇聽過著名嘅精品蛋糕店Lady M， 最近台灣第二間Lady M分店終於要喺台北面世啦， 為咗慶祝開幕，新店更加推出全新口味「香檳千層蛋糕」~ 新店位於遠百信義，分店獨家發售嘅「香檳千層蛋糕」有金黃閃爍嘅外表，超華麗~ 蛋糕表面嘅透明香檳啫喱選用咗有241年歷史嘅法國香檳Veuve Clicquot，而千層內餡則係士多啤梨味吉士，整體食落去應該又清爽又有淡淡酒香~ 呢個蛋糕不論外表、用料都非常高級雅致，真係好吸引！ 其實唔止新店嘅蛋糕高級，新店嘅環境亦非常高雅，有大塊嘅落地玻璃，令陽光能隱約咁透入嚟，製造自然舒適、開揚嘅用餐位置，同時配以雲石等裝修，簡潔明亮~ 店面入口貫徹一往風格，係開放式設計，令顧客可以安心入內~ 「Lady M 遠百信義店」 地點：台北市松仁路58號1樓（遠百信義A13） 時間：星期日—四 11:00—21:30、星期五—六 11:00—22:00 提供外賣、入內用餐（用餐時間限75分鐘），開幕初期唔接受訂位。
泰國曼谷White Flower Factory係一間當地好受歡迎嘅Cafe～ 尤其是佢嘅皇牌泰式奶茶千層蛋糕，口感濃香綿密，賣杷亦相當吸引， 再倒一杯濃縮嘅泰式奶茶喺面先食，簡直將味道提升到極致！！ [instagram photo=”BhEUI00A3yA”][/instagram] 顏色好吸引啊！ [instagram photo=”BxuXRfxFFHw”][/instagram] 好鍾意睇住一層層嘅千層蛋糕～ [instagram photo=”Bx4V09_h2RB”][/instagram] 哇！！濃縮嘅奶茶流哂出嚟啊！ [instagram photo=”7sMRGujBlv”][/instagram] 超正！ [instagram photo=”BoLfvjOhFAy”][/instagram] 真係流哂口水啊！ [instagram photo=”CJa2ZsNFBtX”][/instagram] 再飲埋杯泰式奶茶先叫完美！ White Flower Factory (泰式奶茶千層蛋糕) 地址：Siam square one 暹羅廣場 (BTS Siam站) 電話：+66-2-252-2646 時間：10:00~22:00(周一 – 周日)
嫌去台北去到悶? 咁你一定要嚟台中喇~ 美食同樣多到你數唔哂! 呢間Overture序曲 審計366推出五顏六色嘅千層蛋糕，你又見過未呢? [instagram photo=”Bj14CLUnAah”][/instagram] 呢款小山園濃抹茶千層絕對係唔少人嘅至愛~ 抹茶味濃郁而且帶甘~ 食起嚟亦好夠濕潤! [instagram photo=”Bx6tIR1H065″][/instagram] 另外店內仲有其他款式嘅千層蛋糕~ 仲標榜以天然植物製成添~ – 以蝶豆花製成嘅藍色多瑙河 [instagram photo=”Bj86SPNFjor”][/instagram] – 以紫薯粉製成嘅若紫之戀 [instagram photo=”Bza9OYhADii”][/instagram] 特別推介以紅菜頭製成嘅玫瑰騎士~ 當中加入咗有機玫瑰而製成嘅花瓣醬~ 中間仲食到荔枝啫喱，充滿口感! [instagram photo=”Bjpdoq-n0Ri”][/instagram] 淋花生濃巧克力千層亦俘虜咗唔少甜品控嘅心! 每一啖都食到濃郁嘅花生醬~ 配埋黑朱古力餡真係超好食! [instagram photo=”Bhi2fzXHSm-“][/instagram] 唔知你又係咪同小編一樣~ 見到咁多款千層蛋糕唔知揀邊款好呢? Overture序曲北興65 地址：台中市北區北興街65號 營業時間：中午12:00至晚上7:30 =============== 放假去邊 更多好介紹: 快啲like我哋Facebook 同follow我哋Instagram啦!
聽講深圳有幾間人氣抹茶店，充滿冒險精神嘅小編，梗係要去試試佢！ 小編驚喜發現，食物價錢平過香港一大截，質素仲絕對唔差！ 重點係店內設計好日系，啱晒我呢啲妙齡少女影相打卡啦～～ 小編：嘉儀（FB page: 嘉儀 / IG: chongkkayee） [youtube youtubeurl=iz2U5x7ko38][/youtube] ==================== 初代甜品宇治抹茶 呢間甜品舖清一色賣抹茶甜品/飲品，小編就試咗店員話最受歡迎嘅三款！ 山核桃抹茶千層蛋糕 (人民幣28元) 小編無呃你！呢個千層蛋糕係一定要食！ 唔單止Cream夠滑夠香濃、班戟皮夠薄，啲份量勁多嘅核桃粒，完全係豐富咗成件蛋糕嘅口感+味道！ 抹茶大福 (人民幣22元/3粒) 第二樣小編覺得都要嗌嘅嘢：抹茶大福！CP值好高～ 糯米糍好淋，唔會食到啖啖粉！ 抹茶Cream回甘，紅豆粒粒飽滿，小編一口氣就食晒三粒了！ 宇治抹茶配雪糕 (人民幣35元) 飲品雖然係最貴，不過抹茶雪糕係吱到成個杯咁高！ 完全唔會過甜，飲落有refreshing嘅感覺～～ 重點係，呢間Cafe嘅和風設計好靚，有唔少打卡位！ 食完記得影返幾張相先好走啊～ 地址： 文心六路海岸城東座二層216號 (海岸城店) 東門街道永新街59-11號 (東門店) ==================== 無邪日式甜品 無邪十一式 (人民幣45元) 係香港食個芭菲杯，應該要貴一倍！呢到有11款嘢食，樣樣質素都唔錯～ 抹茶雪糕竟然比得上日本味道，都幾驚喜～ 小編最推薦抹茶雪糕～微苦亦唔會過甜，建議可以就咁嗌杯嚟食！ 而抹茶士多啤梨朱古力就係無印良品嘅味道！:p 鐵板冷熱二重天 (人民幣40元) 呢個甜品係小編覺得最普通～蛋糕係冬甩嘅味道… 純粹加埋抹茶雪糕，會有一冷一熱嘅特別口感～ 最欣賞係佢個牛奶醬，超香牛奶味～加埋一齊食會更好味！ 地址： 文心六路潮流廣場OKmall二樓13號 (海岸城店) 深南東路3018號祥祺商廈101號 (東門店) ==================== 放假去邊 更多好介紹: 快啲like我哋Facebook 同follow我哋Instagram啦!
小編最近去深圳TeamLab，發現附近都幾多Cafe！ 更加發現有間同香港甜品舖非常相似，但係價錢平超過一半！ 等小編去實試，睇下抵唔抵食啦～～ 小編：嘉儀（FB page: 嘉儀 / IG: chongkkayee） ==================== Lady 7 Cafe 呢間Cafe主打西餐+甜品，同香港款式好似！ 不過價錢就平足足一倍，仲要味道唔錯，性價比幾高～～ 抹茶千層蛋糕 同香港Lady M嘅千層蛋糕好相似，都係班戟皮夾抹茶Cream，然後撒上大量抹茶粉！ 班戟皮算薄，亦好多層！ 抹茶味好濃～同香港有9成相似！(不過平一半啊…) 就連最近香港暫停發售嘅伯爵茶口味，呢到都有得賣！味道還不錯啊～～ 歡樂熊提拉米蘇魔方吐司 同香港嘅多士盒真係好似啊～ 多士好鬆脆，粉紅色多士嘅士多啤梨味超級突出！ 食完嘢，係時候影相打卡喇～ 打卡位一：花花牆 超大幅花花牆啊～～女仔真係有排影！ 仲可以拎小道具！ 打卡位二：室外吊椅 天氣涼涼地，梗係坐室外啦～ 環境靚又可以影相喇！ 打卡位三：旋轉樓梯 Cafe有兩層，中間條旋轉樓梯都係影相位！ 咁啱撞正有太陽光仲可以扮下女神光～～～ 其實室內座位都好靚，根本每個位都已經可以影相～ 一場嚟到！梗係影返夠本！ 仲有好多靚境等你去發掘！快啲約Friend去影相啦~~~ LADY 7 Café (歡樂海岸店) 地址：深圳南山區白石路東8號歡樂海岸曲水灣7棟 LADY 7 Café (KK Mall 店) 地址：深圳羅湖區深南東路5016號KKMALL京基百納空間2層(VFCOOO旁邊) ==================== Hello Kitty Secret Path 同場加映！附近仲有間Hello Kitty主題餐廳！ 有興趣嘅朋友可以過去影下相，再食下嘢～～ 好大隻Hello […]
由IG專賣千層蛋糕做到開埋地舖 而家每一日未夠鐘開店都已經有人排隊 當中抹茶同朱古力都係大熱之選，超級流心~ 千層蛋糕口味有抹茶、焦糖牛乳脆脆、美祿、朱古力流心、好立克味等 店舖皇牌抹茶千層蛋糕，抹茶忌廉選用日本小山園、台灣產抹茶粉，輕盈得嚟又有抹茶香！ 為咗能夠迎合大部分人嘅口味，所以抹茶唔會超濃同好苦 [instagram photo=”BV3yxChhWES”][/instagram] 煎皮嘅手勢好好，整出嚟嘅千層皮整得非常薄身~ 有一共14層嘅班戟皮! [instagram photo=”BVMx67OjXME”][/instagram] [instagram photo=”BXnZc87lHT2″][/instagram] [instagram photo=”BXowvD_BZ5u”][/instagram] 朱古力流心千層蛋糕同樣都係大熱 朱古力忌廉、流心醬係用法芙娜可可粉加54%朱古力粒整，朱古力味濃郁！ [instagram photo=”BVR_QEQj1G6″][/instagram] 每日約有40件切件蛋糕於店舖出售，好快就賣哂! 而原個千層蛋糕就要早2-3星期預訂~~ [instagram photo=”BUql2IqHRXk”][/instagram] Lam Lam Li Bakery 地址 : 太子界限街12號A2鋪地下 =============== 放假去邊 更多好介紹: 快啲like我哋Facebook 同follow我哋Instagram啦!
